புதிய வரலாறு படைத்த பிவி சிந்து! உலக சாம்பியனுக்கு குவியும் வாழ்த்து!

பிரதமர் மோடி, "இந்தியாவை மீண்டும் பெருமை கொள்ளச் செய்திருக்கும் பி.வி.சிந்துவிற்கு வாழ்த்துகள். பி.வி.சிந்துவின் வெற்றி வருங்கால வீரர்களுக்கு ஊக்கமளிக்கும் வகையில் அமையும்" என வாழ்த்தியுள்ளார். 

21-7, 21-7 என்ற புள்ளிகள் கணக்கில் உலக சாம்பியன்ஷிப்ஸ் பேட்மிண்டன் தொடரை வென்று வரலாற்றுச் சாதனைப் படைத்தார் பிவி சிந்து.

ஈவு இரக்கமில்லாத அடி... மரண அடி... மாவுக்கட்டு அடி... ஆத்தாடி!! 

14-4 என்ற புள்ளிகள் கணக்கில், இரண்டாவது செட்டிலும் சிந்து முன்னிலை...

இல்லை, இல்லை ஒன்சைட் வெற்றியை நோக்கி பிவி சிந்து.

இரண்டாவது சுற்றில் சிந்து 11-4 என்ற கணக்கில் லீடிங்கில் உள்ளார். 

யப்பா அந்த ஜப்பான் பொண்ணு பொட்டிப்படுக்கையை எடுத்துக் கட்டுப்பா... யம்மா நீ இன்னும் கோர்ட்டுக்குள்ள என்ன பண்ற?

சிந்துவின் அட்டாக்கிங் ஷாட்டால், ஜப்பானின் ஒகுஹரா கோர்ட்டின் நாலா பக்கமும் பறந்து பறந்து விளையாட வேண்டியிருக்கிறது. அவரை பார்க்க நமக்கே பரிதாபமாகத் தான் உள்ளது.

இரண்டாவது சுற்று தொடங்கியது. அதிலும் சிந்து 5-2 என முன்னிலையில் உள்ளார்.

அவ்வளவு வெறி மேடமுக்கு!! ம்ம்ம்!!

சிந்துவும், ஒகுஹராவும் இதுவரை 15 ஆட்டங்களில் நேருக்கு நேர் மோதியுள்ளனர். இதில் 8-ல் சிந்துவும், 7-ல் ஒகுஹராவும் வெற்றி கண்டுள்ளனர். 2017-ம் ஆண்டு உலக பேட்மிண்டன் இறுதி சுற்றில் இதே ஒகுஹராவிடம் தான் சிந்து தோல்வியை தழுவினார். அதற்கு வட்டியும் முதலுமாக பழிதீர்ப்பாரா?

அட்டாக், டிபன்ஸ் என இரு பிரிவிலும் சிந்து புகுந்து விளையாடியதே, முதல் செட்டை இவ்வளவு புள்ளிகள்(21-7) வித்தியாசத்தில் சிந்துவால் வெல்ல முடிந்தது. 

அடக்கடவுளே நம்ம சிந்துவா இது!! 21-7 என்ற புள்ளிகள் கணக்கில் நோசோமியை துவம்சம் செய்துவிட்டார். மொத்தம் 13 கேம் புள்ளிகளையும் கைப்பற்றி இருக்கிறார்.

வெறும் 16 நிமிடத்தில் முதல் செட்டை 21-7 என பிவி சிந்து கைப்பற்றி இருக்கிறார். 

சிந்துவிடம் இருந்து இப்படியொரு ஆக்ரோஷத்தை ஜப்பான் வீராங்கனை ஒகுஹரா எதிர்பார்க்கவில்லை. என்ன பதில் கொடுப்பது என்று தெரியாமல் களத்தில் அவர் நிற்பது ரசிகர்களுக்கு புதிய அனுபவமே.. ஏன், அவருக்கும் கூட...

முதல் செட்டிலேயே சிந்து மிக ஆக்ரோஷமான ஆட்டத்தை வெளிப்படுத்தி வருகிறார். 11-2 என்ற புள்ளிகள் கணக்கில் நோசோமியை மிரள வைத்திருக்கிறார்.