இந்திய செஸ் கிராண்ட்மாஸ்டர் கோனேரு ஹம்பி நியூயார்க்கில் நடைபெற்ற எஃப்ஃஐஃடி.இ(FIDE) மகளிர் உலக ரேபிட் செஸ் போட்டியில், ஒரு பரபரப்பான திருப்பத்தை எடுத்து சாம்பியன் பட்டத்தை வென்றார், இதன் மூலம் தனது இரண்டாவது பட்டத்தை வென்றுள்ளார். இந்த தொடரில் தனது முதல் போட்டியை தோல்வியுடன் தொடங்கிய ஹம்பி, 2-வது நாளில் மீண்டும் எழுச்சி பெற்று, 3-வது நாளில் புள்ளிப்பட்டியலில் முதலிடத்திற்கு உயர்ந்தார்.
Read In English: Chess: Koneru Humpy crowned FIDE Women’s World Rapid Champion, as India’s incredible year continues
2024-ம் ஆண்டு இறுதிக்கட்டத்திற்கு வந்துள்ள நிலையில், இந்த ஆண்டு இந்தியாவிற்கு செஸ் போட்டியில் ஒரு பரபரப்பான திருப்பங்களுடன் கூடிய ஆண்டாக அமைந்துள்ளது. நியூயார்க்கில் உலக ரேபிட் சாம்பியனாக வெற்றி பெற்றதன் மூலம் கோனேரு ஹம்பி 2024-ம் ஆண்டு சாதனைகளின் பட்டியலில் இணைந்துள்ளார். இதற்கு முன்பு கடந்த 2019ம் ஆண்டு சாம்பியன் பட்டத்தை வென்றிருந்த இவர், தற்போது 2-வது முறையாக இந்த பட்டத்தை வென்றுள்ளார்.
இது குறித்து கோனேரு ஹம்பி கூறுகையில்,"இது எனது இரண்டாவது உலக ரேபிட் பட்டம் என்பதால் நான் மிகவும் மகிழ்ச்சியாகவும் உற்சாகமாகவும் இருக்கிறேன். “எனது தொழில் வாழ்க்கையில், நான் கீழ்நிலையில் இருக்கும்போதெல்லாம், நான் தோல்வியடைவேன் என்று நினைத்து செயல்படும்போது சில அதிசயங்கள் நடக்கும், நான் திரும்பி வந்துவிடுவேன். இந்த மாற்றம், எனக்கு மேலும் போட்டியிட உத்வேகத்தை அளிக்கிறது.
மகப்பேறு இடைவேளையில் இருந்து திரும்பிய பிறகு 2019 இல் தனது பட்டத்தை வென்ற ஹம்பி, இந்த போட்டியில் பங்கேற்க தனக்கு ஆதரவு அளித்த தனது குடும்பத்தினருக்கு நன்றி தெரிவித்தார். "இந்தியாவில் மக்கள் எழுவதற்கு மிகவும் தாமதமாகலாம், ஆனால் எனது குடும்பத்தினர் இதைப் பார்ப்பார்கள். எனது பெற்றோரின் மிகப்பெரிய ஆதரவிற்கும் எனது கணவருக்கும் நன்றி சொல்ல விரும்புகிறேன்.
திருமணம் மற்றும் குழந்தை பிறந்த பிறகு இந்தியாவில் தொழில் நிபுணராக இருப்பது எளிதல்ல. ஆனால் என் கணவர் எனக்கு மிகவும் ஆதரவாக இருந்தார். நான் பயணம் செய்யும் போது என் பெற்றோர்கள் என் மகளை கவனித்துக் கொண்டனர். இவை அனைத்தும் நான் சாம்பியன் பட்டத்தை வெல்ல, எனக்கு உதவியது, என்று அவர் கூறினார்.
இறுதிச் சுற்றுக்கு முன், சீனாவின் ஜு வென்ஜுன் மற்றும் டான் ஜாங்கி, இந்தியாவின் கோனேரு ஹம்பி மற்றும் ஹரிகா துரோணவல்லி, ரஷ்ய ஜிஎம் கேடரினா லக்னோ, உஸ்பெகிஸ்தானின் அஃப்ருசா கம்டமோவா மற்றும் இந்தோனேசியாவின் ஐரின் கரிஷ்மா சுகந்தர் ஆகிய ஏழு வெவ்வேறு வீரர்கள் முதலிடத்திற்கு சமன் செய்யப்பட்டனர்.
11வது சுற்றில், ஹம்பி ஜோடியாக ஐரினை எதிர்கொண்டார். இந்த போட்டியில், கறுப்பு காய்களுடன், ஆடிய இவர், இந்தோனேசிய வீரரை அழுத்தத்தின் கீழ் கொண்டு வந்து பரபரப்பான பாணியில் வெற்றி பெற்றார். வென்ஜுன் பிபிசரா அஸௌபயேவாவுக்கு எதிரான தனது போட்டியை டிராவில் முடித்தார். சாம்பியன் கோப்பைக்கான இறுதிப்போட்டியில், ஹரிகா மற்றும் டான் இருவரும் தங்களது போட்டியை டிரா செய்தனர்.
மற்ற போட்டிகளில், கம்டமோவாவும் லக்னோவும் சமநிலையில் விளையாடினர். இந்த முடிவுகளின் கலவை டைபிரேக்கர்கள் சாம்பியனைத் தீர்மானிக்கும் நிலை வந்ததால், கோனேரு ஹம்பிக்கு முழுமையான வெற்றியைக் கொடுத்தது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2024/12/29/UjNSXGrUuBPUos9NTMoc.jpg)