செஸ் ஆட்டத்தின் போது சிறுவனின் விரலை உடைத்த ரோபோ; விளையாட்டு உலகம் ஷாக்

Chess-playing robot breaks boy's finger Tamil News: ரஷ்ய தலைநகர் மாஸ்கோவில் செஸ் ஓபன் போட்டிகள் கடந்த வாரத்தில் நடந்தது. இதில் காட்சிப்படுத்தப்பட்டு இருந்த செஸ் விளையாடும் ரோபோ 7 வயது சிறுவனின் கை விரலை உடைத்துள்ளது. இந்த சம்பவம் அங்கிருந்தவர்கள் மத்தியில் அதிர்ச்சியை ஏற்படுத்தியது.

சமூக வலைதள பக்கங்களில் வைரலான அந்த வீடியோவில், சிறுவன் தன் சொந்த நகர்வைச் செய்கிறான். பிறகு ரோபோ அதன் நகர்வை செய்கிறது. இப்படி செல்லும் போது, ஒரு கட்டத்தில் ரோபோ சிறுவனின் விரலை நன்கு பிடித்து விடுகிறது. இதையடுத்து, சிறுவனைக் காப்பாற்ற ஒரு பெண், மூன்று ஆண்கள் ஓடி சென்றனர். இந்த சம்பவத்திற்குப் பிறகு, அந்த சிறுவன் தொடர்ந்து விளையாடினார். பின்னர் விருது வழங்கும் விழாவிலும் பங்கேற்று இருந்தார்.

"ஆயிரக்கணக்கான குழந்தைகள் ரோபோவுடன் சம்பவத்திற்கு முன்பு விளையாடினர். இந்த சம்பவத்திற்கு பிறகு 200 பேர் மட்டுமே விளையாடினார்கள்" என்று ரஷ்ய செஸ் அதிகாரி செர்ஜி ஸ்மாகின் கூறினார்.

மாஸ்கோ செஸ் ஓபனில் வெளிவந்த காட்சிகளைப் பற்றி விவாதித்த அவர், "ஒரு அடிப்படை விதியைப் பின்பற்றினால் போதும். மாறி மாறி நகர்வுகள் செய்ய வேண்டும். என்ன காரணம் என்று எனக்குத் தெரியவில்லை. ஆனால் ரோபோவின் நகர்வின் போது சிறுவன் கையை நீட்டினான். என் நினைவில் இதற்கு முன் இப்படி நடந்ததில்லை. மேலும், ரோபோ தனது விரலை மட்டுமே அழுத்தியது. அதை நீட்டாமல் இருந்திருந்தால், எதுவும் நடந்திருக்காது." என்று தெரிவித்துள்ளார்.

ஆனால், ரோபோவின் மீது குற்றச்சாட்டை சுமத்த வேண்டும் என்று குழந்தையின் பெற்றோர் கூறியுள்ளனர். தற்போது ரோபோ காத்திருப்பு பயன்முறையில் வைக்கப்பட்டுள்ளது என்று பாசா டெலிகிராம் சேனல் தெரிவித்துள்ளது. இந்த சம்பவத்தின் காட்சிகளை ஆன்லைனில் பகிர்ந்துள்ளது. இது மாஸ்கோ செஸ் கூட்டமைப்பால் வாடகைக்கு எடுக்கப்பட்டது மற்றும் முன்பு குழந்தைகளுடனும் பயன்படுத்தப்பட்டது.

மாஸ்கோ செஸ் சம்மேளனத்தின் தலைவர் செர்ஜி லாசரேவ், இந்த சம்பவம் சதுரங்க அமைப்பிற்கும் குழந்தையின் பெற்றோருக்கும் இடையில் அமைதியான முறையில் தீர்க்கப்பட வேண்டும் என்று விரும்புவதாக கூறினார். லாசரேவ், ரோபோவின் ஆபரேட்டர்களுக்குப் பதிலாக இதுபோன்ற சம்பவம் மீண்டும் நடக்காமல் இருக்க கூடுதல் பாதுகாப்புகள் மற்றும் பாதுகாப்புகளைச் சேர்க்குமாறும் கோரிக்கை விடுத்துள்ளார்.

"பெற்றோர் வழக்கறிஞர் அலுவலகத்திற்கு ஒரு அறிக்கையை எழுத விரும்பினர். நாங்கள் அமைதியான முறையில் தீர்வு காண விரும்புகிறோம், ஒரு உடன்படிக்கைக்கு வருகிறோம். ரோபோவை கைவிட வேண்டும் என்று நான் நினைக்கவில்லை. இது 10 ஆண்டுகளுக்கும் மேலாக பல்வேறு சதுரங்க நிகழ்வுகளில் காட்சிப்படுத்தப்பட்டுள்ளது. ஆனால் கூடுதல் பாதுகாப்பு மற்றும் பாதுகாப்பு நடவடிக்கைகள் குறித்து அதன் உரிமையாளர்கள், ஆபரேட்டர்களுடன் பேசுவோம்." என்றும் செர்ஜி லாசரேவ் கூறியுள்ளார்.

All acquisition that advanced AI will destroy humanity is false. Not the powerful AI or breaching laws of robotics will destroy humanity, but engineers with both left hands :/

On video - a chess robot breaks a kid's finger at Moscow Chess Open today. pic.twitter.com/bIGIbHztar

— Pavel Osadchuk 👨‍💻💤 (@xakpc) July 21, 2022

தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil