தேசிய அளவிலான கராத்தே: தங்கப் பதக்கங்களை அள்ளிய கோவை மாணவர்கள்

பி.ரஹ்மான் - கோவை மாவட்டம்.

அண்மையில் தலைநகர் டெல்லியில் மார்ஷியல் ஆர்ட்ஸ் கேம்ஸ் சார்பில் 8வது தேசிய அளவிலான கராத்தே சாம்பியன்ஷிப் போட்டி நடைபெற்றது. இதில் ஆந்திரா, கர்நாடகா, கேரளா உள்ளிட்ட 35 மாநிலங்களைச் சேர்ந்த மாணவ - மாணவிகள் கலந்துகொண்டனர். 

இந்நிலையில், தமிழ்நாடு சார்பாக கோவையை சேர்ந்த மாணவ - மாணவிகள் கொண்ட அணியினர் பங்கேற்றனர். கராத்தே, சிலம்பம், டேக்வாண்டோ உள்ளிட்ட பிரிவுகளில் நடைபெற்ற இந்தப் போட்டியில், கோவையை சேர்ந்த பள்ளி மாணவ மாணவிகள் 7 பேர் 18 தங்கம் 16 வெள்ளி பதக்கங்களை வென்று அசத்தியுள்ளனர்.

இதனை தொடர்ந்து கோவை திரும்பிய அவர்கள் மாவட்ட ஆட்சியரை சந்த்திது வாழ்த்து பெற்றனர். இதனையடுத்து, அவர்கள் சர்வதேச அளவில் நடக்கும் போட்டியில் பங்கேற்று வெற்றி பெற்று ஒலிம்பிக் போட்டிக்கு தேர்வு ஆவார்கள் என கராத்தே பயிற்சியாளர் விஜயகுமார் தெரிவித்தார்.

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil“