தோனி ஜோசியரும் இல்லை... அவரிடம் மந்திர கோலும் இல்லை: சி.எஸ்.கே தோல்வி குறித்து பிளமிங் ஆவேசம்!

18-வது ஐபிஎல் கிரிக்கெட் தொடரில் சென்னை சூப்பர் கிங்ஸ் அணி 6 போட்டிகளில் விளையாடி தொடர்ச்சியாக 5 தோல்விகளை சந்தித்து 2 புள்ளிகளுடன் புள்ளிப்பட்டியலில் கடைசி இடத்தில் உள்ளது. அணியின் கேப்டன் ருத்துராஜ் கெய்க்வாட் காயம் காரணமாக விலகியதை தொடர்ந்து முன்னாள் கேப்டன் தோனி மீண்டும் அணியின் கேப்டனாக மாறியுள்ளார். ஆனாலும் சென்னை அணி கடைசி போட்டியில் தோல்வியை சந்தித்தது.

ஆங்கிலத்தில் படிக்க: ‘Dhoni not a soothsayer… doesn’t have a magic wand’: CSK coach Stephen Fleming

சென்னை சேப்பாக்கம் மைதானத்தில் நடைபெற்ற கொல்கத்தா அணிக்கு எதிரான போட்டியில் முதலில் பேட் செய்த சென்னை அணி 103 ரன்கள் மட்டுமே எடுத்தது. இதனால் ரசிகர்கள் கடுமையான விமர்சனங்களை முன்வைத்து வருகின்றனர். அதிலும், சென்னை அணியின் ஹோம் க்ரவுண்டான சேப்பாக்கம் மைதானத்தில் 3 தோல்விகளை சந்தித்துள்ளது. இதனால் ப்ளேஅப் சுற்றுக்கு முன்னேற சென்னை அணி இனி வரும் அனைத்து போட்டிகளிலும் வெற்றி பெற வேண்டிய கட்டாயத்தில் உள்ளது.

இதனிடையே சென்னை அணியின் தோல்வி குறித்து பேசிய அணியின் பயிற்சியாளர் ஸ்டீபன் ஃபிளமிங்,தொடர்ச்சியாக 5-வது தோல்வியை சந்தித்ததால், ஐபிஎல் 2025 புள்ளிகள் பட்டியலில் வெறும் இரண்டு புள்ளிகளுடன் கடைசி இடத்திற்கு சரிந்ததால், அணி "மிகவும் வேதனையில்" இருப்பதாகக் கூறினார். கெய்க்வாட் வெளியேறியதால், இக்கட்டான சூழ்நிலையிலிருந்து அணியை மீட்டெடுக்க ஃபிரான்சைஸ் ஜாம்பவான் மகேந்திர சிங் தோனியை சிஎஸ்கே அழைத்தது.

அதே சமயம், தோனியின் கேப்டன் பதவியில் இருந்து நம்பத்தகாத எதிர்பார்ப்புகளுக்கு எதிராக பிளெமிங் எச்சரிக்கை விடுத்துள்ளர். இது குறித்து அவர் கூறுகையில், தோனியின் செல்வாக்கு எப்போதும் முக்கியத்துவம் வாய்ந்ததாக இருக்கும், ஆனால் அவர் ஒரு ஜோசியக்காரர் அல்ல, அவரிடம் ஒரு மந்திரக்கோல் இல்லை. அவர் அதை அணியில் தேய்க்க முடியாது, இல்லையெனில் அவர் அதை முன்பே வெளிப்படுத்தியிருப்பார் என்று கூறியுள்ளார்.

மேலும், தோனியுடன் இணைந்து பணியாற்றுமாறு சிஎஸ்கே அணிக்கு அழைப்பு விடுத்த பிளமிங், நாங்கள் எம்எஸ் அணியுடன் இணைந்து கடுமையாக உழைத்து, எங்கள் இருவரின் கிரிக்கெட் வாழ்க்கையிலும், அதிக ஆற்றல் தேவைப்படும் சூழ்நிலைகளில் இருந்துள்ளோம், மேலும் ஆற்றல் சரியான இடத்தில் வைக்கப்படுவதை உறுதி செய்ய வேண்டும்.” முந்தைய ஆட்டத்தில் கொல்கத்தா நைட் ரைடர்ஸிடம் தோல்வியடைந்த பிறகு அணி வலியில் இருக்கிறோம் என்று கூறியுள்ளார்.

சென்னையில் சிஎஸ்கே அணி 9 விக்கெட்டுக்கு 103 ரன்கள் மட்டுமே எடுத்தது, இது அவர்களின் மிகக் குறைந்த ஸ்கோர் ஆகும். நடப்பு சாம்பியனான கேகேஆர் 10.1 ஓவர்களில் இலக்கை எட்டி வெற்றி பெற்றது.  அணியில் நிறைய காயங்கள் உள்ளன, ஆனால் அது வார்த்தைகளைப் பற்றியது அல்ல, வீரர்கள் தருணத்தைப் பற்றிப் பிடிப்பது, ஃபார்மைக் கண்டுபிடிப்பது, தங்கள் சொந்தப் பாதையைக் கண்டுபிடிப்பது மற்றும் ஊடுருவக்கூடிய எந்தவொரு பயத்தையும் கிட்டத்தட்ட அசைத்துப் பார்ப்பது பற்றியது” என்று பிளமிங் கூறியுள்ளார்.

உண்மையில் தொடரில் சிறப்பாக ஆட்டத்தை வெளிப்படுத்த இன்னும் தொடர்ந்து பணியாற்ற வேண்டும், அதன்பிறகு போட்டியில் களமிறங்க வேண்டும். குறிப்பாக கடந்த ஆட்டத்தில் நாங்கள் போட்டியை வெளிப்படுத்தாதது தான் ஏமாற்றம் அளிக்கும் விஷயம். அது மிகவும் வேதனையாக இருந்தது. எனவே நிச்சயமாக வீரர்கள் தங்களிடம் இருக்கும் திறமையை தேட வேண்டிய நேரம் இது. ஆனால் நாம் என்ன செய்ய வேண்டும் என்பதில் நிறைய வேலைகளும் உள்ளன, மேலும் நாம் பெருமைமிக்க அணியைப் வெளிக்கொண்டுவர ஒரு செயல்திறனை வெளிப்படுத்துவது முக்கியம் என்று கூறியுள்ளார்.