தபாங் டெல்லியை வீழ்த்தியது பெங்கால் வாரியஸ்; குஜராத் ஜெயண்ட்ஸிடம் ஹரியானா ஸ்டீலர்ஸ் வெற்றி

Pro Kabaddi League: 10-வது புரோ கபடி லீக் திருவிழா கடந்த 2ம் தேதி தொடங்கி இந்தியாவில் விறுவிறுப்பாக நடந்து வருகிறது. இந்த தொடரில் பெங்கால் வாரியர்ஸ், பெங்களூரு புல்ஸ், தபாங் டெல்லி, குஜராத் ஜெயன்ட்ஸ், அரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பால்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோத்தாஸ் ஆகிய 12 அணிகள் களமாடி வருகின்றன.

இந்நிலையில், இந்த புரோ கபடி தொடரில் வெள்ளிக்கிழமை 2 லீக் ஆட்டங்கள் நடைபெற்றன. புரோ கபடியில் டெல்லியில் உள்ள தியாகராஜ் உள்விளையாட்டு அரங்கத்தில் வெள்ளிக்கிழமை இரவு 8 மணிக்கு நடைபெற்ற ஆட்டத்தில் தபாங் டெல்லி அணியை வீழ்த்தி பெங்கால் வாரியர்ஸ் வெற்றி பெற்றது. இந்த ஆட்டத்தில் பெங்கால் வாரியர்ஸ் 45-38 என்ற புள்ளி கணக்கில் தபாங் டெல்லி அணியை வீழ்த்தி வெற்றி பெற்றது. 

இதையடுத்து, வெள்ளிக்கிழமை இரவு 9 மணிக்கு நடைபெற்றா மற்றொரு ஆட்டத்தில் குஜராத் ஜெயன்ட்ஸ் - அரியானா ஸ்டீலர்ஸ் அணிகள் மோதியது. விறுவிறுப்பாக நடைபெற்ற இந்த போட்டியில் அரியானா ஸ்டீலர்ஸ் அணி 34-30 என்ற புள்ளி கணக்கில் குஜராத் ஜெயன்ட்ஸ் அணியை வீழ்த்தி வெற்றி பெற்றது. 

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெற  https://t.me/ietamil“