Advertisment

FIFA World Cup: அமெரிக்கா, இங்கிலாந்து அபார வெற்றி… நாக்-அவுட் சுற்றுக்கு முன்னேறி அசத்தல்

'பி' பிரிவில் வேல்ஸ் அணியை சாய்த்த இங்கிலாந்தும், ஈரானை வீழ்த்திய அமெரிக்காவும் அடுத்த சுற்றான நாக்-அவுட் சுற்றுக்கு முன்னேறியுள்ளன.

author-image
WebDesk
புதுப்பிக்கப்பட்டது
New Update
FIFA World Cup 2022, England - US enter in to knockout round Tamil News

IRN vs USA WAL vs ENG Highlights : USA, England have qualified for the Round of 16 Tamil News

Iran vs USA Wales vs England enter knockout round Tamil News: 22-வது உலகக் கோப்பை கால்பந்து போட்டி கத்தாரில் கோலாகலமாக நடந்து வருகிறது. இதில் நேற்று நள்ளிரவு தோகாவில் உள்ள அகமது பின் அலி ஸ்டேடியத்தில் நடந்த 'பி' பிரிவு லீக் ஆட்டத்தில் இங்கிலாந்து - வேல்ஸ் அணிகள் மோதின. மிகவும் பரபரப்பாக நடந்த போட்டியில் 50வது நிமிடத்தில் மார்கஸ் ராஷ்போர்டு தனது அணிக்கான முதல் கோலை அடித்து அசத்தினார். அவரைத்தொடர்ந்து, 51-வது நிமிடத்தில் பில் போடன் தனது அணிக்கான இரண்டாவது கோலை பதிவு செய்தார்.

Advertisment

அடுத்தடுத்த கோல்களை இங்கிலாந்து அணியினர் உதைத்த நிலையில், ரசிகர்கள் மகிழ்ச்சி வெள்ளத்தில் தத்தளித்தனர். அவர்களை மேலும் மூழ்கடிக்கச் செய்ய மார்கஸ் ராஷ்போர்டு தனது இரண்டாவது கோலை அடித்து மிரட்டினார். இந்த அசத்தல் கோல்களால் இங்கிலாந்து அணி 3-0 என்ற கோல் கணக்கில் வேல்ஸை வீழ்த்தியது. இந்த அசத்தல் வெற்றியின் மூலம் பி பிரிவில் முதல் அணியாக அடுத்த சுற்றுக்கு இங்கிலாந்து தகுதிபெற்றது.

ஈரானை சாய்த்த அமெரிக்கா

நேற்று நள்ளிரவு தோகாவில் உள்ள அல் துமாமா ஸ்டேடியத்தில் நடந்த 'பி' பிரிவு லீக் ஆட்டத்தில் அமெரிக்கா - ஈரான் அணிகள் மோதின. பரபரப்புக்கு பஞ்சமில்லாத இந்த ஆட்டத்தில், பந்தை வலைக்குள் தள்ள இரு அணிகளுக்கு இடையே கடுமையான போட்டி நிலவியது. இப்படியான சூழலில் ஆட்டத்தின் முதல் பாதியின் 38வது நிமிடத்தில் அமெரிக்க வீரர் கிறிஸ்டியன் புலிசிக் தனது அணிக்கான முதல் கோலை அடித்தார். இதனால் அமெரிக்க அணி 1-0 என்ற கோல் கணக்கில் முன்னிலையில் இருந்தது.

தொடர்ந்து நடந்த இரண்டாவது பாதியில் போட்டியை சமன் செய்ய ஈரான் வீரர்களின் எடுத்த முயற்சிகள் தோல்வியில் முடிந்தது. ஆட்டத்தின் முடிவு நேரம் வரை இரு அணிகளும் கோல் எதுவும் அடிக்கவில்லை. இதனால், ஆட்ட நேர முடிவில் 1-0 என்ற கோல் கணக்கில் அமெரிக்கா அணி வெற்றி பெற்றது. இந்த அசத்தல் வெற்றியின் மூலம் அமெரிக்கா புள்ளி பட்டியலில் 2வது இடத்தை பிடித்ததுடன் அடுத்த சுற்றான நாக்-அவுட் சுற்றுக்கு முன்னேறியுள்ளது.

தமிழ்  இந்தியன்  எக்ஸ்பிரஸின்  அனைத்துசெய்திகளையும்உடனுக்குடன்  டெலிகிராம்  ஆப்பில்  பெறhttps://t.me/ietamil

United States Of America England Sports Football Fifa Fifa World Cup Qatar
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment