worldcup 2023 | india-vs-pakistan: ஹரியானாவின் நூஹ் மாவட்டத்தைச் சேர்ந்த ஓய்வுபெற்ற பிளாக் டெவலப்மெண்ட் அதிகாரியான லியாகத் கான், அக்டோபர் 14ஆம் தேதி அகமதாபாத்தில் நடைபெறும் இந்தியா-பாகிஸ்தான் உலகக் கோப்பை போட்டிக்காக வழிமேல் விழி வைத்து காத்திருக்கிறார்கள். அவருடைய காரணங்கள் கிரிக்கெட்டுக்காக மட்டுமல்ல, போட்டிக்கு முன்னதாக தனது இரண்டு வயது பேத்தியை முதல் முறையாக தனது கைகளில் வைத்து கொஞ்சுவதற்காகத் தான்.
கானின் மகள் சாமியா, பாகிஸ்தான் வேகப்பந்து வீச்சாளரான ஹசன் அலியை 2019ல் துபாயில் திருமணம் செய்தார். இந்தத் திருமணம் நடந்து நான்கு ஆண்டுகள் ஆகிறது. திருமணத்திற்குப் பிறகு, இப்போது வரை அவரால் எல்லையைத் தாண்டிப் பயணம் செய்ய முடியவில்லை. “என் மகள் 2021ல் தனது முதல் குழந்தையை எதிர்பார்க்கும் போது என் மனைவி பாகிஸ்தானுக்குச் சென்றார். அவர்களை அகமதாபாத்தில் மீண்டும் சந்திப்போம் என்று நம்புகிறேன். என் பேரக்குழந்தையை கொஞ்ச என்னால் காத்திருக்க முடியாது,” என்கிறார் சாந்தேனி கிராமத்தில் வசிக்கும் 63 வயதான லியாகத் கான்.
பாகிஸ்தான் அணியின் இந்திய வருகைக்கு முன், நீண்டகாலமாக எதிர்பார்க்கப்பட்ட குடும்பம் மீண்டும் இணைவதில் நிச்சயமற்ற தன்மையால் நாட்கள் மேகமூட்டமாக இருந்தன. முதலில், அணியின் இந்தியப் பயணம் குறித்து கேள்விகள் எழுந்தன. பின்னர், தற்காலிக உலகக் கோப்பை அணியில் ஹசன் அலி இடம் பெறவில்லை. கடந்த மாதம் நடந்த ஆசிய கோப்பையின் போது நசீம் ஷா காயம் அடைந்த பிறகுதான், ஹசன் அலிக்கு பாகிஸ்தான் அணியில் இடம் பிடிக்கும் வாய்ப்பு கிடைத்தது.
/indian-express-tamil/media/post_attachments/vsEqAkeo3f8OWWhtSMSZ.jpg)
இந்தியா-பாகிஸ்தான் போட்டியின் பரபரப்பு மற்றும் அரசியல் பதற்றம் ஆகியவற்றைக் கருத்தில் கொண்டு, லியாகத் கான் தனது வார்த்தைகளை எடைபோடுவதில் கவனமாக இருக்கிறார். அவரது மகள் ஹசன் அலியை திருமணம் செய்து கொள்ள விருப்பம் தெரிவித்ததை நினைவு கூர்ந்த அவர், தத்துவஞானி ரூமியை தனது உரையாடலில் கொண்டு வருகிறார்.
“ரோஹ்தக்கில் எனது கல்லூரி நாட்களில் நான் படித்த ரூமியின் மேற்கோள்களில் ஒன்றில் என் வாழ்க்கையை வாழ்ந்தேன். 'உங்கள் இதயத்தைக் கேளுங்கள், கூட்டத்தை அல்ல’. என் மகள் எமிரேட்ஸ் ஏர்லைனில் விமானப் பொறியாளராகப் பணிபுரிந்து கொண்டிருந்தாள். ஒரு பரஸ்பர நண்பர் மூலம் ஹசனை துபாயில் சந்தித்தாள். பின்னர் ஹசனைப் பற்றி என்னிடம் சொன்னாள். அவளுடைய முடிவை நான் ஒருபோதும் சந்தேகிக்கவில்லை.
என் முடிவுகளை அவள் மீது திணித்தால் கல்வியின் பயன் என்ன? அவள் படித்தவள், சுதந்திரமானவள். நம் முதுகுக்குப் பின்னால் ஒரு சிலர் சொல்வதை கவனிக்க கூடாது. அவள் மகிழ்ச்சியாக இருக்கும் வரை அவள் யாரை திருமணம் செய்தாலும் பரவாயில்லை என்று சொன்னேன். பிரிவினையின் போது அங்கு சென்ற எங்களுடைய குடும்பங்கள் பாகிஸ்தானில் உள்ளன. ஹசன் அழகான இதயத்துடன் கனிவானவர்." என்று கூறினார்.
/indian-express-tamil/media/post_attachments/xKpSCB1ASwgDTbIKbmRN.jpg)
அவரது மருமகன் விளையாடும் இந்தியா-பாகிஸ்தான் போட்டிகளின் போது உள் மோதலை எதிர்கொள்கிறீர்களா? என்று கேட்டதற்கு, அவர் “நான் சுனில் கவாஸ்கர், கபில் தேவ், சச்சின் டெண்டுல்கர், முகமது அசாருதின் ஆகியோரைப் பார்த்திருக்கிறேன், ஆனால் நான் ஒரு விராட் கோலி ரசிகன். நான் விராட் கோலியை காதலிக்கிறேன்” என்று சத்தமாக சிரித்து கூறினார்.
“இந்த காலகட்டத்தில் விராட் கோலியை விட சிறந்தவர்கள் யாரும் இல்லை என்று நினைக்கிறேன். ஆம் அவரது ஃபார்மில் சரிவு இருந்தது. ஆனால் அவர் திரும்பி வந்துவிட்டார். இன்னும் அவரது சிறந்த நிலையில் இல்லை, ஆனால் மற்றவர்களை விட மிகவும் முன்னால் இருக்கிறார். உலகக் கோப்பையில் அதிக ரன்கள் குவித்த வீரராக அவர் இருப்பார் என்ற உணர்வு எனக்கு இருக்கிறது. நான் ஹசனை சந்திக்கும் போது, நமது அணியின் (இந்தியா) வீரர்களையும் சந்திக்க உதவுமாறு அவரிடம் கேட்டுக் கொள்வேன். நான் விராட் கோலியுடன் புகைப்படம் எடுத்துக் கொள்ள விரும்புகிறேன், மேலும் ராகுல் டிராவிட்டிற்கு எனது வணக்கங்களைத் தெரிவிக்க விரும்புகிறேன்.
கோலிக்கும், கான் பிரபலமான வார்த்தைகளை கடன் வாங்குகிறார். இந்த நேரத்தில், கோலியின் சரிவு காலத்தைப் பற்றி பேசும்போது ஜார்ஜ் பெர்னார்ட் ஷாவை மேற்கோள் காட்டினார். "அதிக எண்ணிக்கையிலான மக்களை புண்படுத்துவதே வெற்றியின் ரகசியம்" என்று ஷா கூறினார். விராட் கோலியின் மோசமான நிலையில் மக்கள் அவரை விமர்சித்தபோது அவருக்கு என்ன நடந்தது என்பதை இது விளக்குகிறது. அவர் ஒரு சிறந்த இந்திய கிரிக்கெட் வீரர்,” என்று அவர் கூறுகிறார்.
ஆங்கிலத்தில் படிக்கவும்:- World Cup: Hasan Ali’s father-in-law in Nuh, Haryana waits to see his grandchild for first time when India meet Pakistan at Ahmedabad
இந்தியாவுக்கும் பாகிஸ்தானுக்கும் இடையிலான நல்லுறவுக்காக பிரார்த்தனை செய்யாத நாளே இல்லை என்கிறார் கான். “இந்தியா மற்றும் பாகிஸ்தானுக்கு இடையேயான உறவுகளை மேம்படுத்துவதற்காகவே நான் தினமும் அல்லாஹ்விடம் பிரார்த்தனை செய்கிறேன். நாம் சகோதரர்களாக நிம்மதியாக வாழலாம்” என்கிறார்.
மேலும், எந்தவொரு பெற்றோரையும் போலவே, அவர் தனது மகள், மருமகன் மற்றும் பேத்தியை சாந்தேனியில் உள்ள தனது வீட்டில் பார்க்க விரும்புகிறார். “எனக்கு இந்தியாவுக்கும் பாகிஸ்தானுக்கும் இடையே அதிக கிரிக்கெட் தொடர்கள் வேண்டும். ஹசன் ஒரு நாள் டெல்லியில் விளையாடுவார் என்று நம்புகிறேன். என் மகள் அவள் வீட்டில் வந்து தங்கலாம். அப்பாவிடம் கேட்பதற்கு இது அதிகமா?” என்கிறார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/pjhIKsAQ5Ba9rBN2OyGH.jpg)