U19 உலகக் கோப்பை - 10 விக்கெட்டுகள் வித்தியாசத்தில் வெற்றி! இறுதிப் போட்டியில் இந்தியா

ஜூனியர் ( 19 வயதிற்குட்பட்டோருக்கான) உலககோப்பை கிரிக்கெட் தொடரின் அரையிறுதி போட்டியில், இந்தியா, பாகிஸ்தான் அணியை இன்று (பிப்ரவரி 4) எதிர்கொண்டது.

19 வயதிற்குட்பட்டோருக்கான உலககோப்பை கிரிக்கெட் தொடர் தென் ஆப்ரிக்காவில் 2020 ஜனவரி 17ம் தேதி துவங்கி நடைபெற்று வருகிறது. தொடர் தற்போது விறுவிறுப்பான கட்டத்தை எட்டியுள்ளது. ரவுண்ட் ராபின் மற்றும் நாக் அவுட் முறைகளில் அடுத்தடுத்த சுற்றுக்கள் நடைபெற்ற நிலையில், தொடர் தற்போது அரையிறுதி கட்டத்தை எட்டியுள்ளது. இந்திய ஜூனியர் அணி, காலிறுதிப்போட்டியில் ஆஸ்திரேலியாவை வென்று அரையிறுதிப்போட்டிக்கு முன்னேறியது.

இந்நிலையில், இன்று நடந்த முதல் அரையிறுதிப்போட்டியில், இந்தியா - பாகிஸ்தான் அணியை எதிர்கொண்டது. முதலில் பேட்டிங் செய்த பாகிஸ்தான், இந்திய அணியின் பந்துவீச்சை தாக்குப்பிடிக்க முடியாமல், 43.1வது ஓவரில் அனைத்து விக்கெட்டுகளையும் இழந்து 172 ரன்கள் மட்டுமே எடுத்தது.

இதையடுத்து களமிறங்கிய இந்திய அணி 35.2 ஓவர்களில் விக்கெட் இழப்பின்றி 176 ரன்கள் எடுத்து மெகா வெற்றிப் பெற்று இறுதிப் போட்டிக்கு முன்னேறியது. இந்திய வீரர் ஜெய்ஸ்வால் 105 ரன்களும், சக்ஸேனா 59 ரன்களும் குவித்து இறுதிவரை ஆட்டமிழக்காமல் இருந்தனர்.

India U19 vs Pakistan U19 Score : ஜூனியர் ( 19 வயதிற்குட்பட்டோருக்கான) உலககோப்பை கிரிக்கெட் தொடரின் அரையிறுதி போட்டியில், இந்தியா, பாகிஸ்தான் அணியை இன்று (பிப்ரவரி 4) எதிர்கொள்கிறது. லைவ் ஸ்கோர், விக்கெட்டுகள் குறித்து தெரிந்துகொள்ள இந்த பக்கத்தில் இணைந்திருங்கள்.