டி-20 போட்டியில் 5 சதம்; ரோஹித் சர்மா புதிய சாதனை!

ஆப்கானிஸ்தான் அணிக்கு எதிரான 3ஆவது டி20 போட்டியில் இந்திய கேப்டன் ரோஹித் சர்மா சதம் அடித்தார். இதன்மூலம், சர்வதேச டி-20 போட்டிகளில் 5 சதங்கள் அடித்த முதல் வீரர் என்ற சாதனையை படைத்தார்.

இந்தத் தொடரின் முதல் 2 போட்டிகளில் அடுத்தடுத்து ஆட்டமிழந்த ஷர்மா, இன்றைய போட்டியில் 64 பந்துகளில் 10 பவுண்டரிகள் மற்றும் 6 சிக்ஸர்களுடன் சதம் விளாசினார்.

ரோகித் சர்மாவின் கடைசி சதம் 2018 இல் மேற்கிந்திய தீவுகளுக்கு எதிராக வந்தது. அப்போது, அவர் லக்னோவில் ஆட்டமிழக்காமல் 111 ரன்கள் எடுத்திருந்தார்.

இன்றைய ஆட்டத்தில், ஆட்டமிழக்காமல் 121 ரன்களை எடுத்தார். ரிங்கு சிங் 69 ரன்கள் எடுத்திருந்தார். கடைசி 5 ஓவரில் 103 ரன்களுக்கு ரோகித் மற்றும் ரின்கு ஆகியோர் ஆப்கானிஸ்தான் பந்துவீச்சாளர்களை முற்றிலுமாக வீழ்த்தினர், கடைசி ஓவரில் 5 சிக்ஸர்கள் மற்றும் 1 பவுண்டரிகளுடன் 36 ரன்கள் எடுத்தனர்.

ஒரு கட்டத்தில், ஆட்டத்தின் ஆரம்ப கட்டத்தில் இந்தியா 22/4 என்ற நிலையில் ஆட்டமிழக்க, ஆட்டம் ஆப்கானிஸ்தானின் பாக்கெட்டில் இருந்தது.

யஷஸ்வி ஜெய்ஸ்வால் 4 ரன் எடுத்தார், விராட் கோலி கோல்டன் டக் அவுட்டானார், ஷிவம் துபே 1 ரன் எடுத்தார், சஞ்சு சாம்சனும் டக் அவுட்டானார், இந்தியா சரிவை எதிர்நோக்கிக்கொண்டிருந்தது.

ஃபரீத் அஹ்மத் மாலிக் ஆப்கானிஸ்தானுக்கு மிகவும் வெற்றிகரமான பந்துவீச்சாளராக இருந்தார். 20 ரன்கள் விட்டுக் கொடுத்து 3 விக்கெட்டுகள் வீழ்த்தியிருந்தார்.

முதல் இரண்டு போட்டிகளிலும் வெற்றி பெற்ற இந்தியா 3 போட்டிகள் கொண்ட தொடரை கைப்பற்றியது. முன்னதாக, புதன்கிழமை ஆப்கானிஸ்தானுக்கு எதிரான மூன்றாவது மற்றும் கடைசி டி20 சர்வதேச போட்டியில் டாஸ் வென்ற சர்மா பேட்டிங்கைத் தேர்வு செய்தார்.

இன்றைய போட்டியில் இந்திய லெவன் அணியில் அக்சர் படேல், அர்ஷ்தீப் சிங், ஜித்தேஷ் சர்மா ஆகியோருக்கு சஞ்சு சாம்சன், அவேஷ் கான், குல்தீப் யாதவ் ஆகியோர் இடம் பிடித்திருந்தனர். இதேபோல் ஆப்கானிஸ்தான் அணியிலும் மாற்றம் இருந்தது.

ஆங்கிலத்தில் வாசிக்க : IND vs AFG: Rohit Sharma becomes first player to score 5 T20I centuries

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“