Advertisment

மேக்ஸ்வெல், மார்ஷ்… இந்தியாவுக்கு எதிராக 3 பெரும் புள்ளிகளை களம் இறக்கும் ஆஸி.!

ஆஸ்திரேலியாவின் 16 பேர் கொண்ட ஒருநாள் அணியில் க்ளென் மேக்ஸ்வெல், மிட்செல் மார்ஷ் மற்றும் ஜே ரிச்சர்ட்சன் போன்ற முன்னணி வீரர்கள் இடம்பிடித்துள்ளனர்.

author-image
WebDesk
New Update
Ind vs Aus: Maxwell, Marsh and Richardson return for ODIs Tamil News

Glenn Maxwell, Mitchell Marsh and Jhye Richardson return for the upcoming three-match ODI series against India

இந்தியாவில் சுற்றுப்பயணம் செய்து வரும் ஆஸ்திரேலிய கிரிக்கெட் அணி 4 டெஸ்ட் மற்றும் 3 ஒருநாள் போட்டிகள் கொண்ட தொடரில் பங்கேற்றுள்ளது. இதில் இந்தியா – ஆஸ்திரேலியா அணிகள் மோதும் பாா்டா் – காவஸ்கா் டெஸ்ட் தொடர் தற்போது நடந்து வருகிறது. இந்த தொடரில் நாக்பூரில் நடந்த முதலாவது டெஸ்டில் இந்திய அணி இன்னிங்ஸ் மற்றும் 132 ரன்கள் வித்தியாசத்தில் ஆஸ்திரேலியாவை வீழ்த்தியது.

Advertisment

இதைத்தொடர்ந்து டெல்லியில் நடந்த 2-வது டெஸ்டில் 6 விக்கெட்டுகள் வித்தியாசத்தில் இந்தியா வென்றது. இந்த தொடர் வெற்றிகள் மூலம் தொடரில் இந்திய அணி 2-0 என்ற கணக்கில் முன்னிலை வகிக்கிறது. இந்நிலையில், இந்தியா - ஆஸ்திரேலியா அணிகளுக்கு இடையிலான 3வது டெஸ்ட் போட்டி மத்திய பிரதேச மாநிலம் இந்தூரில் வருகிற மார்ச் 1ம் தேதி நடக்கிறது. இந்தப் போட்டிக்காக இரு அணி வீரர்களும் தீவிர பயிற்சியில் ஈடுபட்டு வருகின்றனர்.

மீண்டும் ஒருநாள் அணியில் மேக்ஸ்வெல், மார்ஷ், ரிச்சர்ட்சன்

இதற்கிடையில், இந்தியா - ஆஸ்திரேலியா அணிகளுக்கு இடையிலான 3 ஒருநாள் போட்டிகள் கொண்ட தொடருக்கான ஆஸ்திரேலிய அணி நேற்று அறிவிக்கப்பட்டது. ஆஸ்திரேலியாவின் 16 பேர் கொண்ட அணியில் கேப்டன் பேட் கம்மின்ஸ், டேவிட் வார்னர் மற்றும் ஆஷ்டன் அகர் ஆகியோருடன் இணைந்து க்ளென் மேக்ஸ்வெல், மிட்செல் மார்ஷ் மற்றும் ஜே ரிச்சர்ட்சன் போன்ற வீரர்கள் நீண்ட இடைவெளிக்குப்பின் சர்வதேச கிரிக்கெட்டுக்கு திரும்ப உள்ளனர்.

ஆனால், குதிகால் தசைநார் அழற்சியின் காரணமாக டெஸ்ட் தொடரில் இருந்து வேகப்பந்து வீச்சாளர் ஜோஷ் ஹேசில்வுட், உலக டெஸ்ட் சாம்பியன்ஷிப் இறுதிப் போட்டி, ஐ.பி.எல். மற்றும் ஆஷஸ் தொடரைக் கருத்தில் கொண்டு, அவரை தேர்வாளர்கள் ஒருநாள் தொடரில் இருந்து ஓய்வு அளித்துள்ளனர்.

மேக்ஸ்வெல் மற்றும் மிட்சல் மார்ஷ் இருவரும் நீண்ட கால இடைவெளிக்குப்பின் ஒருநாள் அணியில் இடம்பிடித்துள்ளனர். நவம்பரில் நடந்த ஒரு விபத்தொன்றில் மேக்ஸ்வெல் கால் முறிந்து கடைசி வாரத்தில்தான் விளையாடத் திரும்பினார். ஜங்ஷன் ஓவலில் தெற்கு ஆஸ்திரேலியாவுக்கு எதிராக இந்த வார ஷெஃபீல்ட் ஷீல்ட் ஆட்டத்தில் விளையாடுவதற்கு முன்பு விக்டோரியன் பிரீமியர் கிரிக்கெட்டில் தனது முதல் ஆட்டத்தில் தனது கிளப் அணியான ஃபிட்ஸ்ராய்-டான்காஸ்டருக்காக 61 ரன்கள் எடுத்தார். மேலும், அவர் 5 மற்றும் 0 ரன்களை எடுத்தார் மற்றும் விக்டோரியா அணிக்காக ஒரு பந்து கூட வீசவில்லை.

publive-image

கணுக்கால் அறுவை சிகிச்சையைத் தொடர்ந்து டி20 உலகக் கோப்பைக்குப் பிறகு கடந்த ஆண்டு நவம்பர் மாதம் இங்கிலாந்துக்கு எதிரான மூன்று போட்டிகள் கொண்ட ஒருநாள் தொடரில் இருந்தும் மார்ஷ் விளையாடவில்லை. கணுக்கால் காயம் அது அவரது கிரிக்கெட் வாழ்க்கை முழுவதும் தொடர்ந்து வருகிறது. இந்த பிரச்சினை அவரை கடந்த ஆண்டு நியூசிலாந்துக்கு எதிரான ஒருநாள் தொடரிலிருந்தும், உலகக் கோப்பைக்கு முன்னதாக இந்தியாவுக்கு எதிரான மூன்று போட்டிகள் கொண்ட டி20 தொடரிலிருந்தும் அவரை விலக்கி வைத்தது.

publive-image

மார்ஷ் இன்னும் போட்டி கிரிக்கெட்டுக்கு திரும்பவில்லை என்றாலும், ஞாயிற்றுக்கிழமை டாஸ்மேனியாவுக்கு எதிரான மேற்கு ஆஸ்திரேலியாவின் 50 ஓவர் மார்ஷ் கோப்பை போட்டியிலும் (ஆஸ்திரேலியா உள்நாட்டு ஒரு நாள் கோப்பை), மார்ஷ் கோப்பை இறுதிப் போட்டியிலும் விளையாடுவார் என்று எதிர்பார்க்கப்படுகிறது. மேற்கு ஆஸ்திரேலியா மார்ச் 8 அன்று அதை நடத்த உள்ளது.

publive-image

ரிச்சர்ட்சன் கடந்த ஆண்டின் நடுப்பகுதியில் இலங்கைக்கு எதிரான சுற்றுப்பயணத்திற்குப் பிறகு சர்வதேச கிரிக்கெட்டில் விளையாடவில்லை. இந்த கோடையில் அவர் மேற்கு ஆஸ்திரேலியா மற்றும் பெர்த் ஸ்கார்ச்சர்ஸ் அணிகளுக்காக விளையாடும் போது மென்மையான திசு காயங்களால் பாதிக்கப்பட்டுள்ளார். அவர் ஒரு 50-ஓவர் போட்டி, இரண்டு ஷீல்ட் மற்றும் ஏழு பிக்பேஷ் போட்டிகளை மட்டுமே விளையாடியுள்ளார். மேலும் அவர் போட்டியின் பாதியில் கடுமையான தொடை காயத்தால் பாதிக்கப்பட்டதால் பெர்த் ஸ்கார்ச்சர்ஸ் அணி வென்ற பட்டத்தை தவறவிட்டார்.

ஆஸி,. ஒருநாள் அணியின் கேப்டன் யார்?

publive-image

பார்டர்-கவாஸ்கர் டெஸ்ட் தொடருக்கான ஆஸ்திரேலிய அணியில் இருந்த கேப்டன் கம்மின்ஸ், வார்னர் மற்றும் அகர் ஆகியோர் பல்வேறு காரணங்களுக்காக சொந்த நாடு திரும்பியுள்ளனர். இதில், கம்மின்ஸ் திரும்பி வந்து இறுதி இரண்டு டெஸ்ட் மற்றும் ஒருநாள் தொடரில் விளையாடுவார் என்று எதிர்பார்க்கப்படுகிறது. கடந்த நவம்பரில் இங்கிலாந்துக்கு எதிரான ஒருநாள் போட்டிக்கு ஹேசில்வுட் கேப்டனாக இருந்ததால், தற்போது இந்தியாவுக்கு எதிரான ஒருநாள் அணியில் அதிகாரப்பூர்வ துணை கேப்டன் யாரும் இல்லை. ஆஸ்திரேலியாவின் தேர்வாளர்கள் தங்கள் ஒருநாள் கேப்டனுடன் நெகிழ்வாக இருக்க விரும்புகிறார்கள் மற்றும் கம்மின்ஸ் விளையாடவில்லை என்றால், டெஸ்ட் துணை-கேப்டன் ஸ்டீவன் ஸ்மித், அலெக்ஸ் கேரி, மார்ஷ் மற்றும் ஹேசில்வுட் உள்ளிட்ட வீரர்களின் குழுவை பேக்-அப் கேப்டனாக தேர்வு செய்ய வேண்டும்.

வார்னர் தனது இடது முழங்கையில் எலும்பு முறிவு காரணமாக எஞ்சிய இரண்டு டெஸ்டில் இருந்து விலகியுள்ளார். எனினும் அவர் ஒருநாள் தொடரில் பங்கேற்பார் என்றும், டிராவிஸ் ஹெட்டுடன் தொடக்க வீரராக களமாடுவார் என்றும் தெரிவிக்கப்பட்டுள்ளது.

publive-image

சுற்றுப்பயணத் தேர்வாளர் டோனி டோட்மைடுடன் கலந்துரையாடிய பிறகு ஆஸ்திரேலியாவில் உள்நாட்டு கிரிக்கெட்டில் விளையாடுவதற்காக அகர் நேற்று சொந்த நாடு திரும்பினார். சிட்னியில் ஆஸ்திரேலியாவின் டெஸ்ட் லெவன் அணியில் இரண்டாவது சுழற்பந்து வீச்சாளராக இருந்து சில வாரங்களில் டெஸ்ட் அணியில் ஐந்தாவது-தேர்வு சுழற்பந்து வீச்சாளராக அவர் நழுவிவிட்டார். மேலும் ஒருநாள் தொடருக்கு திரும்புவதற்கு முன்பு அவர் ஷீல்ட் மற்றும் மார்ஷ் கோப்பை கிரிக்கெட்டில் விளையாடுவது சிறப்பாக இருக்கும் என்று முடிவு செய்யப்பட்டது. ஆடம் ஜம்பாவுடன் இணைந்து தேர்ந்தெடுக்கப்பட்ட இரண்டு சிறப்பு சுழற்பந்து வீச்சாளர்களில் ஒருவராக அவர் இருப்பார்.

இந்தியா - ஆஸ்திரேலியா அணிகளுக்கு இடையிலான 3 ஒருநாள் போட்டிகள் கொண்ட தொடர் வருகிற மார்ச் 17 ஆம் தேதி தொடங்குகிறது.

ஆஸ்திரேலியா ஒருநாள் அணி:

பாட் கம்மின்ஸ் (கேப்டன்), சீன் அபோட், ஆஷ்டன் அகர், அலெக்ஸ் கேரி, கேமரூன் கிரீன், டிராவிஸ் ஹெட், ஜோஷ் இங்கிலிஸ், மார்னஸ் லாபுசாக்னே, மிட்செல் மார்ஷ், கிளென் மேக்ஸ்வெல், ஜே ரிச்சர்ட்சன், ஸ்டீவ் ஸ்மித், மிட்செல் ஸ்டார்க், மார்கஸ் ஸ்டோனிஸ், டேவிட் வார்னர், ஆடம் ஜாம்பா

தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil

India Vs Australia Sports Cricket Pat Cummins David Warner Glenn Maxwell
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment