ரன் அவுட் ஆன சர்ஃபராஸ் கான்; வருத்தம் தெரிவித்த ஜடேஜா

ராஜ்கோட்டில் நடந்த இங்கிலாந்துக்கு எதிரான 3-வது டெஸ்ட் போட்டியின் முதல் நாளில் சக வீரர் சர்ஃபராஸ் கானை கவனக்குறைவாக ரன் அவுட் செய்ததற்காக ரவீந்திர ஜடேஜா வியாழக்கிழமை மன்னிப்பு கேட்டார்.

ஆங்கிலத்தில் படிக்க: IND vs ENG: Ravindra Jadeja apologizes to Sarfaraz Khan after run-out incident

சர்ஃபராஸ் கான் தனது இன்னிங்ஸில் அதிரடியாக ஆடினார், வெறும் 48 பந்துகளில் தனது முதல் அரை சதத்தை எட்டினார், ஆனால் ஜடேஜா உடன் இணைந்து விளையாடுவதற்காக நடுவில் நிலைத்து ஆட முயன்றார். இந்தநிலையில் சர்ஃபராஸ் கான் 62 ரன்களில் ரன் அவுட் ஆனார்.

36 வயதான இந்திய கேப்டன் ரோஹித் ஷர்மா ரன் அவுட்டைத் தொடர்ந்து அவரது தொப்பியை வீசியெறிந்து ஒளிபரப்பு கேமராக்களில் சிக்கியதால், இந்த சம்பவம் டிரஸ்ஸிங் அறையில் எரிச்சலூட்டும் எதிர்வினைக்கு வழிவகுத்தது.

போட்டிக்குப் பிறகு, ஜடேஜா இன்ஸ்டாகிராமில், சர்ஃபராஸிடம் மன்னிப்பு கேட்டார். “சர்ஃபராஸ் கானுக்கு நடந்தது வருத்தமாக இருக்கிறது. அது என்னுடைய தவறான அழைப்பு. நன்றாக விளையாடினார், ”என்று மூத்த ஆல்ரவுண்டர் ஜடேஜா தனது இன்ஸ்டாகிராம் ஸ்டோரியில் எழுதினார்.

போட்டிக்குப் பிந்தைய செய்தியாளர் சந்திப்பில், இது போன்ற விஷயங்கள் விளையாட்டின் ஒரு பகுதி என்று சர்ஃபராஸ் ஏற்கனவே சம்பவம் குறித்து பேசியிருந்தார். "அவர் டிரஸ்ஸிங் ரூமுக்கு வந்து, ’சிறிது தவறான புரிதல் இருந்தது' என்று கூறினார். நான் அவரிடம், 'யே ஹோதா ரெஹ்தா ஹை' இது விளையாட்டின் ஒரு பகுதி" என்று கூறினேன் என சர்ஃபராஸ் கூறினார்.

ஐந்து விக்கெட்டுகளை இழந்த போதிலும், நாள் முடிவில் இந்தியா 326 ரன்கள் எடுத்துள்ளது, மேலும் ஜடேஜா ஆட்டமிழக்காமல் 110 ரன்களுடன் களத்தில் நிற்கிறார். குல்தீப் யாதவ் தனது கணக்கைத் தொடங்கினார், மேலும் துருவ் ஜூரல், ரவிச்சந்திரன் அஷ்வின் மற்றும் அக்சர் படேல் இன்னும் களமிறங்கவில்லை.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“