India vs England Score: 31 ரன்கள் வித்தியாசத்தில் இங்கிலாந்து அபார வெற்றி! ரோஹித் சதம் வீண்!

World Cup 2019, India vs England Match Score Updates: இங்கிலாந்து 31 ரன்கள் வித்தியாசத்தில் வெற்றி

England vs India World Cup 2019 Score: உலகக் கோப்பை 2019 கிரிக்கெட் தொடரில், இன்று(ஜூன்.30) பிர்மிங்கம் நகரின் எட்ஜ்பேஸ்டன் ஸ்டேடியத்தில் நடைபெற்ற ஆட்டத்தில் விராட் கோலி தலைமையிலான இந்திய அணியும், இயன் மோர்கன் தலைமையிலான இங்கிலாந்து அணியும் மோதின.

இதில், முதலில் ஆடிய இங்கிலாந்து 50 ஓவர்கள் முடிவில் 7 விக்கெட் இழப்பிற்கு 337 ரன்கள் குவித்தது. தொடர்ந்து சேஸிங் செய்த இந்திய அணி, 50 ஓவர்களில் 5 விக்கெட்டுகளை இழந்து 306 ரன்கள் மட்டும் எடுத்தது. இதனால், இங்கிலாந்து 31 ரன்கள் வித்தியாசத்தில் வென்று, அரையிறுதி வாய்ப்பை மேலும் பிரகாசமாக்கிக் கொண்டது.

IE Tamil commentary

ICC Cricket World Cup, 2019Edgbaston, Birmingham 19 July 2019

England 337/7 (50.0)

vs

India 306/5 (50.0)

Match Ended ( Day - Match 38 ) England beat India by 31 runs

Live Blog

23:08 (IST)30 Jun 2019
இங்கிலாந்து வெற்றி!

இந்திய அணி 50 ஓவர்கள் முடிவில், 5 விக்கெட் இழப்பிற்கு 306 ரன்கள் மட்டுமே எடுத்தது. இதனால், இங்கிலாந்து 31 ரன்கள் வித்தியாசத்தில் இந்திய அணியை வீழ்த்தியது. 

23:05 (IST)30 Jun 2019
Ind vs Eng : தோல்வியின் மடியில் இந்தியா!

49வது ஓவரை வீசிய ஜோஃப் ரா ஆர்ச்சர் ஓவரில், அடிக்கப்பட்ட ரன்கள் 7. தோனியாலும் அடிக்க முடியவில்லை, கேதர் ஜாதவ்வாலும் அடிக்க முடியவில்லை. தோல்விக்கு இவ்விருவருமே காரணம் என்று கூறலாம். 

22:54 (IST)30 Jun 2019
Ind vs eng : எல்லோரும் போய் படுங்கப்பா!!

47வது ஓவரை வீசிய ஜோஃப்ரா ஆர்ச்சரை தோனியும் அடிக்கவில்லை. கேதர் ஜாதவும் அடிக்கவில்லை. மொத்தமாகவே அந்த ஓவரில் அடிக்கப்பட்ட ரன்கள் 5. இந்தியாவுக்கான தேவைப்படும் ரன் ரேட் கடல் கடந்து உள்ளது. ஓவருக்கு 18 ரன்கள் அடிக்க வேண்டும். 

சரி.. சரி... எல்லோரும் போய் படுங்க!!

22:45 (IST)30 Jun 2019
Hardik Pandya Out : இந்தியாவின் கதை முடிந்தது?

பிளங்கட் ஓவரில் சிக்ஸ் அடிக்க முயன்ற ஹர்திக் பாண்ட்யா, ஸ்ட்ரெய்ட்டில் ஜேம்ஸ் வின்சிடம் கேட்ச் கொடுத்து, 33 பந்துகளில் 45 ரன்கள் எடுத்து வெளியேறினார். ஏற்கனவே ரன் ரேட் கையை மீறி போய்க் கொண்டிருக்கும் நிலையில், பாண்ட்யாவின் விக்கெட் இந்தியாவின் கதையை ஏறக்குறைய முடிவுக்கு கொண்டு வந்துவிட்டது.

22:41 (IST)30 Jun 2019
Ind vs Eng Live Updates - தோனி சப்போர்ட் கிடைக்குமா?

ஹர்திக் பாண்ட்யா நிச்சயம் பெரிய ஷாட்களை ஆடுவார். ஆனால், அவர் ரிலாக்ஸாக ஷாட்களை ஆட வேண்டுமெனில், தோனி பக்கபலமாக நிற்க வேண்டும். நிற்க வேண்டுமெனில், அவரும் அதிரடியாக ஆடி, பாண்ட்யாவியன் டென்ஷனை குறைக்க வேண்டும். 

தோனிக்கு இன்று சோதனை காத்திருக்கிறது!.

22:31 (IST)30 Jun 2019
Ind vs Eng score - கடும் நெருக்கடி அளிக்கும் இங்கிலாந்து

தோனிக்கும், ஹர்திக் பாண்ட்யாவிற்கும் செக் வைப்பது போன்று ஃபீல்ட் செட் செய்து நெருக்கடி கொடுத்து வருகிறார் இங்கிலாந்து கேப்டன் இயன் மோர்கன். தோனி தொடக்கத்தில் பொறுமையாக விளையாடுவார் என்பதால் அவருக்கான கட்டம் இன்னமும் மோசமாகவே உள்ளது. 

22:21 (IST)30 Jun 2019
234-4

40 ஓவர்கள் முடிவில், இந்திய அணி 4 விக்கெட் இழப்பிற்கு 234 ரன்கள் அடித்துள்ளது. 60 பந்துகளில் வெற்றிக்கு 104 ரன்கள் தேவை. 

இனி டி20 போட்டி தான்.... அதை தல தோனிக்கு ஒருமுறை நியாபகம் படுத்திடுங்கப்பா!!

22:15 (IST)30 Jun 2019
ரிஷப் பண்ட் அவுட்

லியம் பிளங்கட் ஓவரில், டீப் பாயிண்ட்டில் தனது ஃபேவரைட் ஷாட்டை அடித்த ரிஷப் பண்ட், க்றிஸ் வோக்ஸ்-ன் அட்டகாசமான டைவ் கேட்ச்சால், 32 ரன்களில் வெளியேறினார். 

தல தோனி இன்....

22:11 (IST)30 Jun 2019
Hardik Pandya : ஹாட் - ட்ரிக் விளாசிய ஹர்திக்

ரோஹித்தைத் தொடர்ந்து, ஹர்திக் பாண்ட்யா க்றிஸ் வோக்ஸ் ஓவரில் ஹாட்ரிக் பவுண்டரி அடித்துள்ளார். மிட்- ஆன், டீப், டீப் மிட் விக்கெட் என்று பந்துகளை பறக்கவிட, ரசிகர்களுக்கு லேசான அறுதல்...

அப்பவும் இந்த Required Run Rate மனம் இறங்குதா பாரேன்... கல்லு மனசுக்காரனா இருக்கும் போல...

22:01 (IST)30 Jun 2019
Ind vs Eng Live : இக்கட்டான சூழலில் இந்தியா

ரோஹித் ஷர்மா அவுட்டானது இந்தியாவை இக்கட்டான சூழலில் தள்ளியுள்ளது. தற்போது களத்தில் இருக்கும் ரிஷப் பண்ட், ஹர்திக் பாண்ட்யா ஆகிய இருவருமே இதற்கு முன் இப்படியொரு பதட்டமான சூழலை சர்வதேச போட்டிகளில் அதிகம் சந்தித்ததில்லை. ஆகையால், அவர்களால் பதட்டமின்றி வெற்றிக்கான இன்னிங்சை ஆட முடியுமா என்பது மிகவும் சந்தேகமே. தவிர, தோனி பெரிய ஃபார்மில் இல்லை. 40 ஓவர்களுக்கு மேல் ஜோஃப்ரா ஆர்ச்சரும் பந்துவீச வந்துவிடுவார் என்பதால், வெற்றி வாய்ப்பு இங்கிலாந்துக்கே 90 சதவிகிதம் உள்ளது!.

21:55 (IST)30 Jun 2019
Ind vs Eng score Updates - ரோஹித் ஷர்மா அவுட்

க்றிஸ் வோக்ஸ் மீண்டும் வந்து இந்திய அணிக்கு சரிவை ஏற்படுத்தி இருக்கிறார். அவரது ஸ்லோ பந்தில், எட்ஜ் ஆன ரோஹித் ஷர்மா, 102 ரன்களில் கீப்பர் கேட்ச் ஆகி வெளியேறினார். இந்தியா தனது மூன்றாவது விக்கெட்டை இழந்தது. 

அடுத்து களமிறங்கி இருப்பது தோனி அல்ல.. ஹர்திக் பாண்ட்யா என்பது கூடுதல் தகவல்

21:47 (IST)30 Jun 2019
Rohit Sharma 100 - சதம் விளாசினார் ரோஹித்

2019 உலகக் கோப்பையில் மூன்றாவது சதத்தை பூர்த்தி செய்தார் ரோஹித் ஷர்மா. 106  பந்துகளில் 15 பவுண்டரிகளுடன் ரோஹித் சதம் விளாசியுள்ளார். 35 ஓவர்களில் முடிவில், இந்திய அணி 188-2.

21:36 (IST)30 Jun 2019
Ind vs Eng Score - சதம் நெருங்கும் ரோஹித்!

ஹிட்மேன் ரோஹித் ஷர்மா 95 ரன்களுடன் களத்தில் உள்ளார். இன்னும் 5 ரன்களே மீதம்... இந்தியாவை கொண்டாடப் போகும் அந்த சதத்தை அடிப்பாரா? இந்திய அணிக்கு தேவைப்படும் ரன் ரேட் 9.47. அதாவது, இனி ஓவருக்கு 10 ரன்கள் என்று இந்திய அணி அடித்தே ஆக வேண்டும். 

21:23 (IST)30 Jun 2019
Ind vs Eng Live 2019 - அடி மேல் அடி வாங்கும் ரிஷப்

கோலி அவுட்டானவுடன் களமிறங்கிய ரிஷப் பண்ட், ஒரு எல்பி அவுட்டில் இருந்தும், 2 ரன் அவுட் வாய்ப்பில் இருந்தும் தப்பித்துள்ளார். அவரு சந்திச்சதே 2 பந்து தான். ஆனால், ஆட்டம் கண்டது மூன்று முறை! 

வெல்கம் பண்ட்...

21:17 (IST)30 Jun 2019
Virat Kohli Out - விராட் கோலி அவுட்

லியம் பிளங்கட் ஓவரில், கேப்டன் விராட் கோலி, 76 பந்துகளில் 66 ரன்கள் எடுத்து வெளியேறினார். டாப் பவுலர்களுக்கு போக்கு காட்டிய விராட், பிளங்கட் ஓவரில் கேட்ச்சானது உண்மையில் அதிர்ச்சியே. ரிஷப் பண்ட் 4வது வீரராக களமிறங்கியுள்ளார். 

21:07 (IST)30 Jun 2019
Ind vs eng live - இனி கியரை மாற்றணும் பாஸ்

27வது ஓவரில் இருந்து, இந்திய அணி தேவைப்படும் ரன் ரேட் 8.43. இந்தியாவின் தற்போதைய ரன் ரேட் 5.28. இனி ஓவருக்கு 9 ரன்கள் குறையாமல் அடித்தால் தான் இலக்கை எட்ட முடியும்.

ஆக, கியரை மாற்ற வேண்டியது தானே!!

21:04 (IST)30 Jun 2019
England vs India, World Cup 2019 Live : ஹாட் - ட்ரிக் விளாசிய ரோஹித்

பென் ஸ்டோக்ஸ் வீசிய 25வது ஓவரின் முதல் மூன்று பந்துகளில் ரோஹித் ஷர்மா பவுண்டரிகளை விளாச, அரங்கமே ரோஹித்.. ரோஹித் என அதிர்ந்தது. 26 ஓவர்களில் இந்திய அணி ஒரு விக்கெட் இழப்பிற்கு 133 ரன்கள் எடுத்துள்ளது. 

20:53 (IST)30 Jun 2019
Ind vs Eng score card - ரோஹித் 50

21.6வது பந்தில் இந்தியா 100 ரன்களைக் கடக்க, 22.6வது பந்தில் இந்தியாவின் துணை கேப்டன் ரோஹித் ஷர்மா தனது அரைசதத்தை பூர்த்தி செய்தார். இது அவரது 43வது ஒருநாள் போட்டி அரைசதமாகும். 

20:45 (IST)30 Jun 2019
Virat Kohli 50 - விராட் கோலி அரைசதம்!

தொடக்கத்தில் தடுமாறினாலும், அவ்வப்போது நிதானத்தை தவறினாலும், இறுதியில் அரைசதத்தை பூர்த்தி செய்தார் கேப்டன் விராட் கோலி. இந்த உலகக் கோப்பையில், தொடர்ச்சியாக ஐந்தாவது அரைசதம் இது கோலிக்கு.

20:37 (IST)30 Jun 2019
Ind vs eng score - இந்தியாவுக்கு குவியும் ரசிகர்களின் ஆதரவு

1947க்குப் பிறகு மீண்டும் ஒன்றிணைந்த இந்தியா - பாகிஸ்தான் - வங்கதேசம். 

புரியலையா?... இந்தப் போட்டியில் இந்தியா வெற்றிப் பெற்றால் மட்டுமே பாகிஸ்தான் மற்றும் வங்கதேச அணிகளின் உலகக் கோப்பை அரையிறுதி கனவு நீடிக்கும். தோற்றால், இரு அணிகளுமே வெளியேறிவிடும். இதனால், இந்திய ரசிகர்களைத் தாண்டி, பாகிஸ்தான் மற்றும் வங்கதேச ரசிகர்கள் இந்திய அணிக்கு இன்று ஆதரவை குவித்து வருகின்றனர். 

20:29 (IST)30 Jun 2019
IND vs ENG Live : 70 சதவிகிதம் பக்கா...

17 ஓவர்கள் முடிவில், இந்திய அணி ஒரு விக்கெட் இழப்பிற்கு 67 ரன்கள் எடுத்துள்ளது. இந்த 17 ஓவர்களில், இங்கிலாந்து பவுலர்கள் கிட்டத்தட்ட 70 சதவிகித பந்துகளை சரியான லைன் அன்ட் லென்த்களில் வீசியுள்ளனர். இதனால், சுத்தமாகவே ரோஹித்தால் அடிக்க முடியவில்லை. அவரது ஃபேவரைட் ஷாட்களை கூட அடிக்க முடியாமல் திணறுகிறார். 

20:17 (IST)30 Jun 2019
Ind vs Eng score updates : 50 ரன்களை கடந்த இந்தியா

14வது ஓவரில், இந்திய அணி 50 ரன்களைக் கடந்திருக்கிறது. விராட் கோலியும் தனது வழக்கமான ஷாட்களை ஆட ரொம்பவே தடுமாறுகிறார். இந்திய பவுலிங்கோடு ஒப்பிடுகையில், இங்கிலாந்து பவுலிங் பக்கா என்று நிச்சயம் சொல்லலாம். 

இன்னும் போக வேண்டிய தூரம் அதிகம் இருக்கிறது!.

20:14 (IST)30 Jun 2019
Bumrah Magic : யாரு சாமி இவன்?

பென் ஸ்டோக்ஸ், ஜோ ரூட், ஜோஸ் பட்லர் களத்தில் இருந்தும், பும்ரா வீசிய கடைசி நான்கு ஓவரில் அடிக்கப்பட்ட ரன்கள் இவை. 

1, 0, 0, 0, 1, 1, 1, 2, 0, 0, 1, 01, 1, 1, 4, 1, 10, 1, 1 (b), W, 0, 1

20:04 (IST)30 Jun 2019
Ind vs Eng Live : இதுவே சாதனை தான்

இரண்டாவது ஓவரில், லோகேஷ் ராகுல் பூஜ்யம் ரன்களில் அவுட்டான பிறகு, மேற்கொண்டு விக்கெட் ஏதும் விழாமல், 10 ஓவர்கள் வரை இந்தியா தாக்குப்பிடித்ததே மிகப்பெரிய சாதனை தான் என்றால் அது மிகையல்ல. 

19:57 (IST)30 Jun 2019
Ind vs Eng Match Online - 27/1

9 ஓவர்கள் முடிவில், இந்திய அணி ஒரு விக்கெட் இழப்பிற்கு 27 ரன்கள் எடுத்துள்ளது. ரோஹித், கோலி இங்கிலாந்து பவுலர்களை தங்களால் இயன்றவரை சமாளித்து வருகின்றனர். ஆனால், இங்கிலாந்தின் துல்லியமான பவுலிங் அட்டாக் உண்மையில் மிரட்டலாக உள்ளது. 

19:44 (IST)30 Jun 2019
Ind vs Eng Live Score : தடுமாறும் இந்தியா

க்றிஸ் வோக்ஸ் மற்றும் ஜோஃப்ரா ஆர்ச்சர் இணைந்து, இந்திய பேட்ஸ்மேன்களை படாதபாடு படுத்தி வருகின்றனர். பந்தை எந்த திசையிலும் க்ளீயர் செய்ய நம்மவர்களால் முடியவில்லை. அதிலும், வோக்ஸ் தொடர்ந்து மெய்டன் ஓவர்கள் வீசி இருக்கிறார். 

19:32 (IST)30 Jun 2019
லோகேஷ் ராகுல் அவுட்

ஜோஃப்ரா ஆர்ச்சர் வீசிய இரண்டாவது ஓவரில், ரோஹித் ஷர்மா கொடுத்த கேட்சை, செகன்ட் ஸ்லிப்பில் நின்றிருந்த ஜோ ரூட் தவறவிட, அடுத்த ஓவரை வீசிய க்றிஸ் வோக்ஸ், லோகேஷ் ராகுலை 0 ரன்களில், அவரே கேட்ச் பிடித்து வெளியேற்றினார். 

19:20 (IST)30 Jun 2019
Ind vs Eng, world cup 2019 - இந்திய ஓப்பனர்ஸ் களத்தில்...

ஸ்லோ பிட்சில், 338 ரன்கள் எனும் மாபெரும் இலக்கை நோக்கி இந்திய அணி களமிறங்கி இருக்கிறது. 

ரோஹித், ராகுல் களத்தில்...

19:13 (IST)30 Jun 2019
Ind vs Eng Live Score - வரலாற்றை திருத்தி எழுதுமா இந்தியா?

உலகக் கோப்பை போட்டிகளில், இதுவரை இந்திய அணி 300 ரன்களை சேஸ் செய்து வெற்றிப் பெற்றதே கிடையாது. ஒருவேளை, இன்று இந்தியா சேஸ் செய்து வெற்றிப் பெற்றால் புதிய சாதனை படைக்கும். ஆனால், ஜோஃப்ரா ஆர்ச்சர் போன்ற டேஞ்சர் பவுலர்களை எதிர்த்து, இந்தியா இந்த இலக்கை எட்ட முடியுமா?

18:51 (IST)30 Jun 2019
Ind vs Eng Live Score card : 338 ரன்கள் இலக்கு!

இறுதிக் கட்டத்தில் 54 பந்துகளில் 79 ரன்கள் விளாசிய பென் ஸ்டோக்ஸ், கடைசி ஓவரில் பும்ரா ஓவரில் கேட்ச் ஆக, இங்கிலாந்து அணி 50 ஓவர்கள் முடிவில் 7 விக்கெட் இழப்பிற்கு 337 ரன்கள் எடுத்துள்ளது. 

18:41 (IST)30 Jun 2019
Ind vs Eng Live : க்றிஸ் வோக்ஸ் அவுட்

5 பந்துகளில் 7 ரன்கள் எடுத்த க்றிஸ் வோக்ஸ், ஷமி ஓவரில் கேட்ச்சாக, ஷமி தனது ஐந்தாவது விக்கெட்டை வீழ்த்தினார். ஆனால், அவரது ஓவரை பென் ஸ்டோக்ஸ் சாத்தி வருகிறார். 

ம்ஹூம்...

18:35 (IST)30 Jun 2019
Buttler Out : நான்காவது விக்கெட் வீழ்த்திய ஷமி

முகமது ஷமி வீசிய 47வது ஓவரில் 17 ரன்கள் விளாசப்பட்டது. ஆனால், கடைசி பந்தில் பட்லர் 20 ரன்களில் கேட்ச்சாக, இங்கிலாந்து தனது ஐந்தாவது விக்கெட்டை இழந்தது. இது ஷமியின் நான்காவது விக்கெட்டாகும்.

18:29 (IST)30 Jun 2019
Stokes 50 : பென் ஸ்டோக்ஸ் 50

கேப்டன் இயன் மோர்கன் 1 ரன்னில் வீழ்ந்த பிறகு, சிறப்பாக அணியை மீண்டும் மறு கட்டமைத்த பென் ஸ்டோக்ஸ் அரைசதம் அடித்துள்ளார். 46 ஓவர்கள் முடிவில், இங்கிலாந்து 293-4.

46 வது ஓவரில் பும்ரா மொத்தமாக கொடுத்த ரன்கள் 4. 

18:19 (IST)30 Jun 2019
Root Out : ஜோ ரூட் அவுட்

மிகச் சரியான நேரத்தில் அவுட்டாகி இங்கிலாந்துக்கு நல்லது செய்திருக்கிறார் ஜோ ரூட். ஷமி ஓவரில், 44 ரன்களில் அவர் கேட்ச் ஆனாலும், மெகா அதிரடி சூரன் ஜோஸ் பட்லர் களமிறங்க வழி வகுத்திருக்கிறார். அடுத்த 6 ஓவர்களில் இருக்குது தீபாவளி!

யாருக்கு? யாருக்கோ!!!

18:11 (IST)30 Jun 2019
Chahal Bowling vs England : 88 ரன்கள் விளாசல்

10 ஓவர்கள் வீசிய சாஹல், விக்கெட் ஏதும் கைப்பற்றாமல் 88 ரன்கள் விட்டுக் கொடுத்திருக்கிறார். இத ஒருநாள் போட்டிகளில் அவரது மோசமான பந்துவீச்சாகும். எகானமி - 8.80

17:58 (IST)30 Jun 2019
Ind vs Eng Live score : 245/3

40 ஓவர்களில், இங்கிலாந்து அணி 3 விக்கெட் இழப்பிற்கு 245 ரன்கள் எடுத்துள்ளது. ரூட் 33 ரன்களுடனும், ஸ்டோக்ஸ் 27 ரன்களுடனும் களத்தில் உள்ளனர்.

அடுத்த 10 ஓவர்ல என்ன ஆகப் போகுதோ!!!

17:47 (IST)30 Jun 2019
Ind vs Eng : ஸ்கோர் கணிப்பு என்ன?

நிச்சயம் 350 செல்லும் என்றே தோன்றுகிறது. ஏனெனில், பென் ஸ்டோக்ஸ் அபாரமான ஃபார்மில் இருக்கிறார். தவிர, ஜோஸ் பட்லர் இனிமேல் தான் களமிறங்கவே போகிறார். கூட்டிக் கழித்துப் பார்க்கும் போது, கணக்கு சரியா வரும்-ன்னு நினைக்கிறோம். பும்ராவுக்கு இன்னும் 5 ஓவர்கள் மீதமுள்ளது. அந்த 5 ஓவரில் அடிக்கும் ரன்களைப் பொறுத்தே எல்லாம் இருக்கிறது. 

17:37 (IST)30 Jun 2019
India vs England Live Updates : அருமையான கம் பேக்

உண்மையில் இது இந்திய அணியின் மிக மிக பிரமாதமான கம் பேக் என்றே சொல்ல வேண்டும். சூறாவளி போல் சுழன்றுக் கொண்டிருந்த இங்கிலாந்து அணியில் இருந்து மூன்று ஆணிகளை பிடுங்கி எறிந்திருக்கிறது. குறிப்பாக, இங்கிலாந்து ரன் ரேட்டை பவுலர்கள் குறைத்துள்ளனர். 

17:32 (IST)30 Jun 2019
Morgan Out : இயன் மோர்கன் அவுட்!

இதை.. இதைத் தான் எதிர்பார்த்தேன்.... ஷமியின் ஷார்ட் பந்தில், எக்குத்தப்பாக புல் ஷாட் ஆடப் போன கேப்டன் மோர்கன், 1 ரன்னில், டாப் எட்ஜ் ஆகி, கேதர் ஜாதவிடம் கேட்ச் கொடுத்து வெளியேறினார். 

17:21 (IST)30 Jun 2019
Bairstow Out : நமக்கு நாமே!

இப்போது தான் சொல்லி முடித்தோம்.. ஷமி இரண்டாவது ஸ்பெல்லில் விக்கெட் எடுத்து தர வேண்டும் என்று. அதேபோல், 109 ரன்களில் 111 ரன்கள் அடித்திருந்த பேர்ஸ்டோ, ஷமி ஓவரில்  ரிஷப் பண்டிடம் கேட்ச் கொடுத்து வெளியேறினார். 

அப்போ நமக்கு நாமே தான் வாழ்த்துகள் சொல்லணும்!! அதான் நமக்கு நாமே!.

17:18 (IST)30 Jun 2019
Ind vs Eng Online Live : ஷமி ஈஸ் பேக்!

ஷமி தனது இரண்டாவது ஸ்பெல்லை வீச வந்திருக்கிறார். நிச்சயம் அவர் விக்கெட் கைப்பற்றித் தர வேண்டும். அப்போது தான், இங்கிலாந்து லோ ஆர்டர்க்கு இந்தியா டஃப் கொடுக்க முடியும். இல்லையெனில் அவர்கள் 370 ரன்கள் அடிப்பதை யாராலும் தடுக்க முடியாது.

17:07 (IST)30 Jun 2019
Ind vs Eng Live match updates : இப்போது கூட ஒன்னும் கெட்டுப் போகல...

இங்கிலாந்து அணி, 28 ஓவர்கள் முடிவில், 194/1 ரன்கள் எடுத்துள்ளது. ரவுண்டாக 30 ஓவருக்கு 6 ரன் ரேட் என்றால் 180. ஸோ, ஒரு 20-25 ரன்கள் மட்டும் நாம் அதிகம் கொடுத்திருக்கிறோம். ஆகையால், இனிமேலாவது பந்துவீச்சை கடினப்படுத்தினால் அவர்களை 325 ரன்களுக்குள் இந்தியாவால் அடக்கிவிட முடியும். அந்த டார்கெட் நிச்சயம் இந்தியாவுக்கு மிகவும் கடினமானது அல்ல.

16:58 (IST)30 Jun 2019
Bairstow 100 : சதம் விளாசிய பேர்ஸ்டோ

கொஞ்சம் கூட இரக்கம் காட்டாமல் விளாசிய ஜானி பேர்ஸ்டோ, தனது முதல் உலகக் கோப்பை சதத்தை நிறைவு செய்துள்ளார். 90 பந்துகளில் 8 பவுண்டரிகள் மற்றும் 6 சிக்ஸர்களுடன் 100 விளாசியுள்ளார். 

16:55 (IST)30 Jun 2019
India vs England Live Score : 180/1

25 ஓவர்கள் முடிவில், இங்கிலாந்து அணி ஒரு விக்கெட் இழப்பிற்கு 180 ரன்கள் அடித்துள்ளது. ஜோ ரூட் வந்த பிறகு தான் ரன்னிங் ஓட ஆரம்பித்திருக்கின்றனர் வீரர்கள். 

யப்பா என்னா அடி!!

16:43 (IST)30 Jun 2019
Jadeja Catch : அடக்கடவுளே... என்ன கேட்ச் இது

Substitute-ஆக ஃபீல்டிங்குக்கு வந்த ரவீந்திர ஜடேஜாவின் அட்டகாசமான கேட்சால், முதல் விக்கெட்டை கைப்பற்றியுள்ளது இந்தியா. 55 பந்துகளில் 67 ரன்கள் அடித்திருந்த ஜேசன் ராய், குல்தீப் ஓவரில் இறங்கி வந்து ஸ்ட்ரெய்ட்டில் லோ-வாக தூக்கி அடிக்க, சிக்ஸ் லைனில் பாய்ந்து வந்து பந்தை பிடித்தார் ஜத்து!!.

16:35 (IST)30 Jun 2019
Ind vs Eng Score : யாரை பவுல் செய்ய வைப்பது?

பும்ராவைத் தவிர, அனைவரது ஓவரிலும் சரமாரியாக இங்கிலாந்து ஓப்பனர்கள் சிக்ஸர்கள் விளாசி வருகின்றனர். 20.1 வது ஓவரில், பார்ட்னர்ஷிப் 150 ரன்களைக் கடந்தது. இருவருமே மனசாட்சியே இல்லாமல் அடித்து வருகின்றனர். இதனால், யாரை பந்து வீச அழைப்பது என்பதிலேயே கோலி குழப்பமைடந்துள்ளார். 

16:24 (IST)30 Jun 2019
Eng vs Ind Live Cricket Score : பேர்ஸ்டோ, ஜேசன் 50

ஓவருக்கு ஒரு சிக்ஸ் அல்லது இரண்டு சிக்ஸ் என விளாசிக் கொண்டிருக்கும் இங்கிலாந்து ஓப்பனர்ஸ் இருவரும் அரைசதம் அடித்திருக்கின்றனர். மிக விரைவில் சதம் எதிர்பார்க்கலாம்....

16:16 (IST)30 Jun 2019
Ind vs Eng : சாஹல் ஓவரில் 2 சிக்ஸ்

16வது ஓவரை வீசிய சாஹலை கதற விட்டுவிட்டார் பேர்ஸ்டோ... அந்த ஓவரில் மட்டும் இரண்டு பிரம்மாண்ட சிக்ஸர்கள்.

பந்து டர்ன் ஆக மாட்டேங்குது! ஸோ கன்ஃபியூஷன்

16:10 (IST)30 Jun 2019
Ind vs Eng Live Score : 500 ரன்கள் அடிப்பார்களோ!?

எல்லோரது ஓவரையும் அடிக்கிறார்கள் என்பதற்காக 15வது ஓவரை வீச, குல்தீப் யாதவை அழைத்து வந்தால், மட்டு மரியாதை இல்லாமல், அவரது முதல் ஓவரிலேயே இரண்டு பவுண்டரிகளை அடித்தால் என்ன அர்த்தம்?

இப்படியே போனா 500 அடிப்பாய்ங்களோ??

16:04 (IST)30 Jun 2019
Ind vs Eng Score Updates : சதத்தை நோக்கி ஜானி - ஜேசன் கூட்டணி

ஜானி பேர்ஸ்டோ - ஜேசன் ராய் கூட்டணி 80  ரன்கள் பார்ட்னர்ஷிப் அமைத்து அட்டகாசமாக ஆடி வருகிறது. ஹர்திக் பாண்ட்யா, சாஹல் என இருவரது ஓவரையும் தாறுமாறாக அடித்து வருகின்றனர். குறிப்பாக, ஸ்வீப் ஷாட் எல்லாம் அடித்து கோலியை பெரும் பீதிக்கு ஆளாக்கியுள்ளனர். சதக் கூட்டணியை நோக்கி வீறுநடை போட்டு முன்னேறிக் கொண்டிருக்கிறது இந்த பார்ட்னர்ஷிப். 

×Close
×Close