India vs Sri Lanka Live Score: இந்தியா vs இலங்கை போட்டியை ஆன்லைனில் பார்ப்பது எப்படி?

India vs Sri Lanka Match Live Score Updates: உலகக் கோப்பை 2019 தொடரில், இன்று(ஜூலை.6) லீட்ஸ் நகரின் ஹெட்டிங்லே ஸ்டேடியத்தில் நடைபெறும் போட்டியில் விராட் கோலி தலைமையிலான இந்திய அணியும், டிமுத் கருணரத்னே தலைமையிலான இலங்கை அணியும் மோதுகின்றன.

இரு அணிகளுக்கும் இதுவே கடைசி லீக் போட்டியாகும். 13 புள்ளிகளுடன் ஏற்கனவே அரையிறுதிக்கு இந்திய அணி தகுதிப் பெற்றுவிட்ட நிலையில், 8 புள்ளிகளுடன் இலங்கை உலகக் கோப்பையில் இருந்து வெளியேறி இருக்கிறது.

ஆஸ்திரேலியா, இந்தியா, இங்கிலாந்து, நியூசிலாந்து ஆகிய நான்கு அணிகள் அரையிறுதிக்கு முன்னேறி விட்டதால், இன்றைய போட்டியின் முடிவுகளால் யாருக்கும் எந்த பாதிப்பு ஏற்படாது. இருப்பினும், முதலிடத்துக்கு முன்னேற, இந்தப் போட்டியின் வெற்றி இந்திய அணிக்கு உதவலாம்.

இந்திய நேரப்படி பிற்பகல் 3 மணிக்கு இப்போட்டி தொடங்குகிறது.