IND vs WI 1st T20I Score: முதல் டி20: மெகா ஸ்கோரை விரட்டிப் பிடித்து வென்ற இந்தியா

நம்ம ஷெல்டன் காட்ரெல் விக்கெட் எடுத்தால் ராயல் சல்யூட் வைப்பாப்ள... இன்றைய போட்டியில் அவருக்கு சல்யூட் வைக்க இதுவரை வாய்ப்பே கிடைக்காமல் இருந்த நிலையில், ரிஷப் பண்ட் 'நான் இருக்கிறேன்' என்று ஆதரவு கரம் கொடுத்திருக்கிறார். 

காட்ரெல் ஓவரில் 18 ரன்களில், ரிஷப் பண்ட் கேட்ச் கொடுத்து வெளியேறினார்.

வெஸ்ட் இண்டீஸ் நிர்ணயித்த இலக்கை இந்தியா எட்டிவிடுமா என்று தெரியவில்லை. முக்கியமான கட்டத்தில், லோகேஷ் ராகுல் 62 ரன்களில் கேட்ச்சாக, விராட் கோலி அரைசதம் அடித்துள்ளார்.

13வது ஓவர் முடிவில் இந்தியா ஒரு விக்கெட் இழப்பிற்கு 123 ரன்கள் எடுத்துள்ளது. லோகேஷ் ராகுல் அரைசதம் அடித்துள்ளார். 

ஸ்பின்னர் பியரி ஓவரில் இறங்கி வந்து லெக் சைடில் தூக்கி அடித்த ரோஹித், 8 ரன்களில் ஹெட்மயரிடம் கேட்ச் கொடுத்து வெளியேறினர். 

ஹிட்மேனுக்கு கரெக்டா ஆள நிக்க வச்சு தூக்கிட்டானுங்களே!!

டி20ல் இந்தியாவின் அதிகபட்ச சேஸிங்

207 v SL மொஹாலி 2009
202 v Aus ராஜ்கோட் 2013
199 v Eng பிரிஸ்டோல் 2018
198 v Aus சிட்னி 2016

இந்தியாவுக்கு எதிராக டி20ல் ஒரு அணி அடித்த அதிகபட்ச சிக்ஸர்கள்

21 WI லாண்டர்ஹில் 2016
16 Aus பிரிட்ஜ்டவுன் 2010
15 WI ஹைதராபாத் 2019 *

இந்தியாவுக்கு எதிராக இந்திய மண்ணில் அடிக்கப்பட்ட அதிகபட்ச டி20 ஸ்கோர்

215 SL நாக்பூர் 2009
207 WI ஹைதராபாத் 2019 *
206 SL மொஹாலி 2009
201 Aus ராஜ்கோட் 2013
200 SA தரம்சாலா 2015

டி20ல் அதிக ரன்கள் விட்டுக் கொடுத்த இந்திய பவுலர்கள்

64 சாஹல் v SA செஞ்சூரியன் 2018
57 ஜோகிந்தர் சர்மா v Eng டர்பன் 2007
56 தீபக் சாஹர் v WI ஹைதராபாத் 2019 *

208 ரன்கள் இலக்கை நோக்கி இந்திய ஓப்பனர்கள் ரோஹித் ஷர்மா - லோகேஷ் ராகுல் களமிறங்கியுள்ளனர். 

சேஸ் செய்யுமா இந்தியா?

20 ஓவர்கள் முடிவில், வெஸ்ட் இண்டீஸ், 5 விக்கெட் இழப்பிற்கு 207 ரன்கள் குவித்தது.

வெஸ்ட் இண்டீஸ் தரத்துக்கு ஒரு 20 ரன்கள் கம்மி தான்...

காற்று இந்தியா பக்கம் வீசுகிறதே!!

சாஹலின் அதே ஓவரில், கீரன் பொல்லார்ட் 37 ரன்களில் போல்ட் ஆனார். 

சாஹல் ஓவரில், 56 ரன்களில் ஹெட்மயர் அவுட்டாகி வெளியேறினார். 

வெஸ்ட் இண்டீஸ் 17.1 ஓவரில் 172-4

கடந்த ஐபிஎல் சீசனில் ஒரு போட்டியில் கூட ஆர்சிபி அணிக்கு உருப்படியாக ஆடாத ஹெட்மயர், தன் தாய் நாட்டுக்காக சிறப்பாக இன்று ஆடியுள்ளார். 35 பந்துகளில் அரைசதம் அடித்து களத்தில் நிற்கிறார். 

அவன் தான் மணிக்கு ஸ்பின்னுலயே மணிக்கு 500 கி.மீ வேகத்துல போடுறான்ல... இறங்கி வந்து ஆடலாமா?பிழைக்க தெரியாத பிள்ளையா இருக்குறீரே!!

ஜடேஜா ஓவரில், கிங் 31  ரன்களில் ஸ்டெம்பிங் ஆனார்.

ஒருவழியாக எவின் லெவிஸ் வாஷிங்டன் சுந்தர் ஓவரில் அவுட்டானார். 17 பந்துகளில் 40 ரன்களை விளாசித் தள்ளி அடங்கியிருக்கிறது இந்த எவின் புயல்.

தீபக் சாஹர் வீசிய 2வது ஓவரில் இரண்டு சிக்ஸர், ஒரு பவுண்டரி என பிரித்து எடுக்கப்பட்டது. லெவிஸ், கிங் தலா ஒரு சிக்ஸரை அந்த ஓவரில் பறக்கவிட்டனர். சாஹர் மட்டுமல்லாது புவனேஷ் குமார் ஓவரையும் வெஸ்ட் இண்டீஸ் சாத்தி வருகிறது. 

5 ஓவர்கள் முடிவில் 57-1

வாஷிங்டன் சுந்தர் வீசிய முதல் ஓவரில், எவின் லெவிஸ் சிக்ஸர் பறக்கவிட்ட நிலையில், தீபக் சாஹர் வீசிய இரண்டாவது ஓவரில், சிம்மன்ஸ் 2 ரன்களில் ஸ்லிப்பில் கேட்ச்சாகி வெளியேறினார்.

லென்டி சிம்மன்ஸ், எவின் லெவிஸ், பிரண்டன் கிங், ஷிம்ரோன் ஹெட்மயர், கீரன் பொல்லார்ட்(c), தினேஷ் ராம்தின்(w), ஜேசன் ஹோல்டர், கேரி பியர், ஷெல்டன் காட்ரெல், கெஸ்ரிக் வில்லியம்ஸ், ஹெய்டன் வால்ஷ்

விராட் கோலி(c), ரோஹித் ஷர்மா, லோகேஷ் ராகுல், ஷ்ரேயாஸ் ஐயர், ரிஷப் பண்ட்(w), ஷிவம் துபே, வாஷிங்டன் சுந்தர், ரவீந்திர ஜடேஜா, புவனேஷ் குமார், தீபக் சாஹர், யுவேந்திர சாஹல்.

டாஸ் வென்ற இந்திய கேப்டன் விராட் கோலி பவுலிங்கை தேர்வு செய்துள்ளார். சேஸிங் எங்களது பலம் என்பதால் பவுலிங் தேர்வு செய்கிறோம் என்று கோலி தெரிவித்துள்ளார். 

இந்தியா - வெஸ்ட் இண்டீஸ் இடையேயான முதல் ஒருநாள் போட்டி சென்னை சேப்பாக்கம் எம்.ஏ சிதம்பரம் மைதானத்தில் 15-ம் தேதி நடக்க உள்ளது. நீண்ட நாளுக்கு பிறகு சென்னையில் இந்திய அணி விளையாடும் போட்டி நடக்க உள்ளதால் ரசிகர்கள் உற்சாகம் அடைந்துள்ளனர்.

இந்த நிலையில், இந்த போட்டிக்கான டிக்கெட் விற்பனை வரும் 8-ம் தேதி தொடங்குகிறது. குறைந்தபட்சம் ரூ.1200 ரூபாயிலிருந்து 12 ஆயிரம் ரூபாய் வரை டிக்கெட் விற்பனை செய்யப்படவுள்ளது.

1200, 2400, 4800, 6500,12000 ரூபாய் ஆகிய தொகைகளுக்கு டிக்கெட் விற்பனை செய்யப்படுகிறது.

India vs West Indies 1st T20I : முதல் டி20 போட்டி நேரம்? ஆன்லைனில் பார்ப்பது எப்படி?