இந்தியாவின் முதல் ‘ஹைப்ரிட் பிட்ச்’: தரம்சாலாவில் அமைப்பு

Dharamsala | Hybrid Pitch | BCCI | Himachal Pradesh: ஹிமாச்சல பிரதேச கிரிக்கெட் சங்கம் (ஹெச்.பி.சி.ஏ) ஸ்டேடியம் பி.சி.சி.ஐ-அங்கீகரிக்கப்பட்ட முதல் அதிநவீன 'ஹைப்ரிட் ஆடுகளத்தை' நிறுவியுள்ளது. இது சர்வதேச மற்றும் ஐ.பி.எல் போட்டிகளை இங்கு நடத்தும் வாய்ப்புகளை வழங்கியிருக்கிறது. ஐ.பி.எல் 2024 போட்டிகள் தர்மசாலாவில் புதிதாக அமைக்கப்பட்ட 'ஹைப்ரிட் பிட்ச்சில்' விளையாடப்பட உள்ளது. 

கடந்த ஆண்டு ஒருநாள் உலகக் கோப்பையின் போது தர்மசாலா ஆடுகளம் மற்றும் மைதானம் (அவுட்ஃபீல்ட்) சரியில்லை என புகார் எழுந்தது. இந்த நிலையில், தற்போது முழு விளையாட்டு மேற்பரப்பும் ஹைப்ரிட் ஆடுகளத்துடன் புதுப்பிக்கப்பட்டுள்ளது. 

இந்த 'ஹைப்ரிட் ஆடுகளத்தை' நெதர்லாந்தை தளமாகக் கொண்ட சிஸ் பிட்ச்ஸ் (SIS Pitches) குழுமத்தின் சிஸ்கிராஸ் நிறுவனம் (SISGrass) முதல் பகுதி ஹைப்ரிட் பிட்ச் அமைப்பை ஏற்படுத்தியுள்ளது. இது தொடர்பாக  ஹிமாச்சல பிரதேச கிரிக்கெட் சங்கம் வெளியிட்டுள்ள செய்திக்குறிப்பின்படி, "இந்த அதிநவீன தொழில்நுட்பம் மிகவும் நீடித்த, நிலையான மற்றும் அதிக செயல்திறன் கொண்ட விளையாடும் மேற்பரப்பை வழங்குவதன் மூலம் விளையாட்டை மாற்றும்." என்று தெரிவிக்கப்பட்டுள்ளது.

ஹிமாச்சல பிரதேச கிரிக்கெட் சங்க தலைவர் ஆர்.பி. சிங் கூறுகையில், "இந்தியாவில் களமிறங்கும் ஹைப்ரிட் பிட்ச் தொழில்நுட்பத்தின் வருகை நமது தேசிய கிரிக்கெட்டின் ஆட்டத்தை மாற்றும் தருணத்தை குறிக்கிறது." என்று தெரிவித்தார். 

கிரிக்கெட் ஸ்டேடியங்களுக்குள் இயற்கையான தரையுடன் கூடிய பாலிமர் ஃபைபர்  சிறிய சதவீதத்தைக் கொண்டுள்ளது. ஆடுகளத்தின் ஆயுளை நீட்டிக்கும் அதே வேளையில், சமமான பவுன்சுக்கு உத்தரவாதம் அளிக்கும் மற்றும் மைதான ஊழியர்களின் அழுத்தத்தை எளிதாக்கும். அத்துடன் விளையாட்டின் போது ஏற்படும் அழுத்தங்களுக்கு இந்த கலவை மிகவும் மீள்தன்மை கொண்டதாக நம்பப்படுகிறது.

முடிக்கப்பட்ட நிறுவல்கள் இன்னும் முக்கியமாக இயற்கையான புல் ஆகும். 5% பாலிமர் ஃபைபர் மட்டுமே அனைத்து இயற்கையின் பண்புகள் பராமரிக்கப்படுவதை உறுதி செய்ய பயன்படுத்தப்படுகிறது. தரம்சாலாவில் ஹைபிரிட் ஆடுகளத்திற்காகப் பயன்படுத்தப்படும் 'தி யுனிவர்சல்' இயந்திரம், அகமதாபாத் மற்றும் மும்பைக்கு எடுத்துச் செல்லப்பட்டு இதுபோன்ற ஆடுகளங்களை உருவாக்கப்படும். எதிர்கால திட்டங்களுக்காக இது இந்தியாவில் இருக்கும்.

இங்கிலாந்தில் ஹைபிரிட் ஆடுகளங்கள் டி20 மற்றும் 50 ஓவர் போட்டிகளுக்கு அனுமதிக்கப்படுகின்றன. மேலும் இந்த சீசனில் நான்கு நாள் கவுண்டி சாம்பியன்ஷிப் போட்டிகளிலும் பயன்படுத்தப்பட உள்ளன. லார்ட்ஸ், தி ஓவல், எட்ஜ்பாஸ்டன், ஓல்ட் டிராஃபோர்ட் மற்றும் ட்ரெண்ட் பிரிட்ஜ் போன்ற இங்கிலாந்தின் பல்வேறு மைதானங்களில் சிஸ்கிராஸை நிறுவ யுனிவர்சல் இயந்திரம் பயன்படுத்தப்பட்டது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“