India vs Australia 2nd ODI: இந்தியா பதிலடி வெற்றி: நெருங்கி வந்த ஆஸ்திரேலியாவை பவுலர்கள் முடக்கினர்

போட்டியின் கடைசி ஓவரான 50வது ஓவரை வீசிய பும்ரா கடைசி விக்கெட்டாக 6 ரன் எடுத்திருந்த ஆடம் ஜம்பாவின் விக்கெட்டை வீழ்த்தி வெற்றி பெறச் செய்தார்.

ஆஸி அணியின் மிட்செல் ஸ்டார்க் 6 ரன்கள் எடுத்திருந்த நிலையில் சைனி பந்துவீச்சில் கே.எல். ராகுலிடம் கேட்ச் ஆகி அவுட் ஆனார்.

ஆஸி அணியின் ஆஷ்டன் அகர் 25 ரன்கள் எடுத்திருந்த நிலையில் சைனி பந்துவீச்சில் எல்பிடபில்யூ முறையில் அவுட் ஆனார்.

ஆஸி அணியின் வீரர் கம்மின்ஸ் வந்த வேகத்திலேயே ஷமி பந்தில் கிளீன் போல்ட் ஆகி பெவிலியன் திரும்பினார்.

ஆஸி அணியின் ஆஷ்டர் டர்னர் 13 ரன்கள் எடுத்திருந்த நிலையில் ஷமி பந்துவீச்சில் கிளீன் போல்ட் ஆனார். ஆட்டத்தின் போக்கை திருப்புவார் என்று பார்த்தால் பெவிலியன் திரும்பிவிட்டார் ஆஷ்டன் டர்னர்.

ஆஸி அணியின் ஆஷ்டன் அகர் 20 ரன்களுடனும் ஆஷ்டர்ன் டர்னர் 13 ரன்களுடனும் விளையாடி வருகின்றனர். ஆஸிக்கு பின்னடைவு ஏற்பட்டுள்ள நிலையில், இந்த இரண்டு ஆஷ்டன்களும் போட்டியின்போக்கை திருப்புவார்களா? என்று எதிர்பார்க்கப்படுகிறது.

குல்தீப் யாதவ் ஒரே ஓவரில் இரண்டு விக்கெட்டுகளை வீழ்த்தி ஆஸ்திரேலிய அணியை மிரட்டியுள்ளார். 18 ரன்களில் அலேக்ஸ் கேரியையும் 98 ரன்களில் ஸ்டீவ் ஸ்மித்தையும் அவுட் ஆக்கினார். அதிலும் சதம் அடிப்பார் என்று எதிர்பார்க்கப்பட்ட ஸ்மித்தை கிளீன் போல்ட் ஆக்கினார்.

இந்த போட்டியில் இந்திய அணிக்கு சிம்ம சொப்பனமாக இருந்தவந்த ஸ்டீவ் ஸ்மித் சதம் அடிப்பார் என்று எதிர்பார்க்கப்பட்ட நிலையில், 98 ரன்கள் எடுத்திருந்தபோது குல்தீப் யாதவ் பந்தில் கிளீன் போல்ட் ஆனார்.

ஆஸி அணியின் அலெக்ஸ் கேரி 18 ரன்கள் எடுத்த நிலையில், குல்தீப் யாதவ் வீசிய பந்தில் கோலியிடம் கேட்ச் கொடுத்து அவுட் ஆனார்.

46 ரன்கள் அடித்து சிறப்பாக விளையாடி வந்த ஆஸி அணியின் மர்னஸ் ஜடேஜே வீசிய பந்தில் ஷமியிடம் கேட்ச் கொடுத்து அவுட் ஆனார்.

ரவீந்திர ஜடேஜா வீசிய ஓவரில் முன்னெ வந்து தடுத்து ஆடிய ஸ்மித் கால்காப்பில் பட்டதும் இந்திய அணி வீரர்கள் எல்பிடபில்யூ கேட்டனர். ஆனால், அம்பயர் விக்கெட் கொடுக்கவில்லை இதையடுத்து டிஆர்எஸ் முறையில் பார்த்ததில் பந்து லேசாக பேட்டில் உரசியுள்ளது தெரியவந்தது. அதனால், விக்கெட் இல்லை என்று அறிவிக்கப்பட்டது. இதனால், இந்திய அணியின் ஒரு டி.ஆர்.எஸ். வீணாப்போச்சு.

ஆஸ்திரேலிய அணியின் ஒன் டவுன் பேட்ஸ்மேன் ஸ்டீவ் ஸ்மித் அரை சதம் கடந்து ஆடிக்கொண்டிருகிறார். இந்த போட்டியில் ஸ்மித் இந்திய அணிக்கு பயம் காட்டும் வகையில் ஆடிவருகிறார்.

முதல் போட்டியில் இந்திய அணியின் பந்துவிச்சை நாலாபுறமும் சிதறடித்து கலக்கிய ஆஸ்திரேலிய அணியின் வார்னர், ஃபின்ச் இரண்டு பேருமே விக்கெட்டை இழந்துள்ளனர். 

மற்றொரு தொடக்க வீரர் ஆரோன் ஃபின்ச் 48 பந்துகளில் 33 ரன்கள் எடுத்திருந்த போது ஜடேஜா ஓவரில் ஸ்டெம்பிங் செய்யப்பட்டார்.

ஆஸ்திரேலியா 17 ஓவர்களில் 2 விக்கெட் இழப்பிற்கு 95 ரன்கள் எடுத்துள்ளது.

வார்னர் 15 ரன்களில், ஷமி ஓவரில் மனீஷ் பாண்டேவிடம் கேட்ச் கொடுத்து வெளியேறினார். 

ஒரு கண்டம் காலி!!

WHAT. A. CATCH! 😯😎👏 #TeamIndia #INDvAUS pic.twitter.com/DyV8Vgtryy

— BCCI (@BCCI) January 17, 2020

ஆஸ்திரேலிய தொடக்க வீரர்கள் டேவிட் வார்னர், ஆரோன் ஃபின்ச் களமிறங்கியுள்ளனர். 

கடந்த போட்டியில் இருவரும் அவுட்டே ஆகாமல், இந்திய பவுலர்களை அழ வைத்து, தங்கள் அணியை வெற்றிப் பெற வைத்தார்கள். 

இன்று என்ன செய்யப் போகிறார்களோ!!

இறுதிக் கட்டத்தில் லோகேஷ் ராகுல் 52 பந்துகளில் 80 ரன்கள் விளாச, இந்திய அணி 50 ஓவர்களில் 6 விக்கெட் இழப்பிற்கு 340 ரன்கள் குவித்துள்ளது. 

ஆடம் ஜம்பா 3  விக்கெட்டுகளையும், கேன் ரிச்சர்ட்சன் 2 விக்கெட்டுகளையும் கைப்பற்றினர்.

இந்தியாவின் லோ ஆர்டர் மீண்டும் சொதப்பல்ஸ்...

கோலி அவுட்டான பிறகு, மனீஷ் பாண்டே வெறும் 2 ரன்களில் ரிச்சர்ட்சன் ஓவரில் கேட்ச் கொடுத்து வெளியேறினார்.

கேப்டன் விராட் கோலி, 76 பந்துகளில் 78 ரன்கள் எடுத்திருந்த போது, ஆடம் ஜம்பா ஓவரில், ஸ்டார்க்கிடம் கேட்ச் கொடுத்து வெளியேறினார். இதில் 6 பவுண்டரிகள் அடங்கும். 

ஐயரின் விக்கெட்டை விரைவில் இழந்தாலும், கோலி தனது வேகத்தை குறைக்கவில்லை. ஆஸ்திரேலியாவுக்கு எதிராக எக்ஸலென்ட் டார்கெட் நிர்ணயிக்க வேண்டும் என்ற முனைப்பு கோலியின் பேட்டிங்கில் தெளிவாக தெரிகிறது. 

56வது ஒருநாள் அரைசதத்தை நிறைவு செய்து மெல்லிய ஸ்மைலுடன் கோலி....

ஆடம் ஜம்பா ஓவரில் 7 ரன்களில் ஷ்ரேயாஸ் ஐயர் போல்டாகி வெளியேறினார்.

ஷிகர் தவான்,  96 ரன்களில் ரிச்சர்ட்சன் பந்துவீச்சில் ஸ்டார்க்கிடம் கேட்ச் கொடுத்து வெளியேறினார். இதில் 13 பவுண்டரியும், 1 சிக்ஸரும் அடக்கம். 

இந்திய அணி 25 ஓவர்கள் முடிவில் 1 விக்கெட் இழப்பிற்கு 151 ரன்கள் எடுத்துள்ளது. 

தவான் 70 ரன்களுடனும், கோலி 28 ரன்களுடனும் களத்தில் உள்ளனர். 

எப்படியாச்சும் 330+ அடிச்சுருங்கப்பா!!

இந்திய அணி 18 ஓவர்கள் முடிவில் 1 விக்கெட் இழப்பிற்கு 107 ரன்கள் எடுத்துள்ளது. தவான் 44  ரன்களுடனும், கோலி 17 ரன்களுடனும் களத்தில் உள்ளனர்.

அரைசதத்தை நோக்கி மெல்ல நகர்ந்து கொண்டிருந்த ரோஹித் ஷர்மா. 44 பந்துகளில் 42 ரன்கள் எடுத்திருந்த போது எல்பிடபிள்யூ ஆகி வெளியேறினார். இதில் ஆறு பவுண்டரிகள் அடங்கும்.

ஒன் டவுன் பேட்ஸ்மேனாக விராட் கோலி....

11 ஓவர்கள் முடிவில் இந்திய அணி விக்கெட் இழப்பின்றி 64 ரன்கள் எடுத்துள்ளது. ரோஹித் 30 ரன்களுடனும், தவான் 32 ரன்களுடனும் களத்தில் உள்ளனர்.

ரோஹித் ஷர்மா, ஷிகர் தவான், விராட் கோலி, லோகேஷ் ராகுல், ஸ்ரேயாஸ் ஐயர், மனீஷ் பாண்டே, ரவீந்திர ஜடேஜா, முகமது ஷமி, ஜஸ்ப்ரித் பும்ரா, நவ்தீப் சைனி, குல்தீப் யாதவ்,

டாஸ் வென்ற ஆஸ்திரேலிய கேப்டன் ஆரோன் பின்ச் பவுலிங்கை தேர்வு செய்துள்ளார். 

இந்திய அணியில், ரிஷப் பண்ட்டிற்கு பதிலாக மனீஷ் பாண்டேவும், ஷர்துள் தாகூருக்கு பதிலாக நவ்தீப் சைனியும் சேர்க்கப்பட்டுள்ளனர்.