IND vs OMA Highlights: சஞ்சு சாம்சன் அதிரடி... ஓமன் அணியை வீழ்த்தி இந்தியா அபார வெற்றி!

Ind vs Oma T20I, India vs Oman Score Updates today: அபுதாபியில் வெள்ளிக்கிழமை நடைபெற்ற கடைசி லீக் ஆட்டத்தில் ஓமன் அணியை 21 ரன்கள் வித்தியாசத்தில் வீழ்த்தி இந்திய அணி ஹாட்ரிக் வெற்றியைப் பதிவு செய்தது.

17-வது ஆசிய கோப்பை கிரிக்கெட் தொடர் கடந்த செப்டம்பர் 9 ஆம் தேதி முதல் ஐக்கிய அரபு அமீரகத்தில் உள்ள துபாய் மற்றும் அபுதாபியில் நடந்து வருகிறது. இதில் பங்கேற்றுள்ள 8 அணிகள் இரு பிரிவாக பிரிக்கப்பட்டுள்ளன. ‘ஏ’ பிரிவில் நடப்பு சாம்பியன் இந்தியா, பாகிஸ்தான், ஓமன், ஐக்கிய அரபு அமீரக அணிகளும், ‘பி’ பிரிவில் இலங்கை, ஆப்கானிஸ்தான், வங்காளதேசம், ஹாங்காங் அணிகளும் இடம் பெற்றுள்ளன.

இந்த செய்தியை ஆங்கிலத்தில் படிக்கவும் 

டாஸ் வென்ற இந்திய அணியின் கேப்டன் சூரியகுமார் யாதவ் முதலில் பேட்டிங் செய்வதாக அறிவித்தார். அதன்படி, இந்திய அணியின் தொடக்க ஆட்டக்காரர்களாக அபிஷேக் சர்மா, சுப்மன் பேட்டிங் செய்ய களம் இறங்கினர். இரண்டாவது ஓவரில் ஃபைசல் ஷா வீசிய பந்தில், சுப்மன் கில் 5 ரன்கள் மட்டுமே எடுத்து போல்ட் அவுட் ஆனார். அடுத்து, அடுத்து சஞ்சு சாமசன் பேட்டிங் செய்ய வந்தார். அபிஷேக் சர்மா, சஞ்சு சாம்சன் இருவரும் அதிரடியாக விளையாடினர்.  அபிஷேக் சர்மா 15 பந்துகளில் 2 சிக்சர்கள், 5 பவுண்டரிகள் என 38 ரன்கள் எடுத்த நிலையில், ஜிதன்குமார் ராமநந்தி பந்தில், விநாயக் சுக்லாவிடம் கேட்ச் கொடுத்து அவுட் ஆனார். அடுத்து வந்த ஹர்திக் பாண்ட்யா 1 ரன் மட்டுமே எடுத்து ரன் அவுட் ஆகி அதிர்ச்சி அளித்தார். அடுத்து, அக்சர் பட்டேல் பேட்டிங் செய்ய வந்தார். சஞ்சு சாம்சன் - அக்சர் பட்டேல் பேட்டிங் அதிரடியாக விளையாடினார்கள். இதில் சஞ்சு சாம்சன் அரை சதம் அடித்தார்.

இந்திய அணி, சஞ்சு சாம்சனின் அபாரமான ஆட்டத்தால் 20 ஓவர் முடிவில் 8 விக்கெட் இழப்பிற்கு 188 ரன்கள் எடுத்தது. சஞ்சு சாம்சன் அதிகபட்சமாக 56 ரன்கள் எடுத்தார்.

189 ரன்கள் எடுத்தால் வெற்றி என்ற இலக்குடன் களம் இறங்கிய ஓமன் அணியின் தொடக்க வீரர்கள் ஜதிந்தர் சிங் மற்றும் ஆமிர் கலீம் சிறப்பான தொடக்கத்தை அளித்தனர். ஜதிந்தர் சிங் 32 ரன்களில் ஆட்டமிழக்க, அடுத்து வந்த ஹம்மாத் மிர்சாவுடன் இணைந்து ஆமிர் கலீம் நிதானமாக ஆடி ரன்கள் சேர்த்தார். இருவரும் அரைசதம் அடித்து அசத்தினர். இதில் ஆமிர் கலீம் 64 ரன்களில் ஆட்டமிழந்தார்.

இறுதியில், ஓமன் அணி 20 ஓவர் முடிவில் 4 விக்கெட் இழப்பிற்கு 167 ரன்கள் மட்டுமே எடுத்தது. இதன் மூலம் இந்திய அணி 21 ரன்கள் வித்தியாசத்தில் வெற்றி பெற்றது. இந்த வெற்றியின் ஆசியக் கோப்பை தொடரில் இந்திய அணி தொடர்ந்து 3 போட்டிகளில் வெற்றி பெற்று ஹாட்ரிக் வெற்றியைப் பதிவு செய்துள்ளது.

ஒவ்வொரு அணியும், தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். லீக் முடிவில் இரு பிரிவிலும் ‘டாப்-2’ இடங்களை பிடிக்கும் அணிகள் ‘சூப்பர்4’ சுற்றுக்கு முன்னேறும். இந்த தொடரில் இதுவரை 9 லீக் ஆட்டங்கள் நிறைவடைந்துள்ளன. இந்த ஆட்டங்களின் முடிவில் இந்திய அணி மட்டும் சூப்பர் 4 சுற்றுக்கு முன்னேறி உள்ளது. ஹாங்காங், ஓமன் அணிகள் தொடரில் இருந்து வெளியேறிவிட்டன.

இந்நிலையில், இந்திய அணி தனது கடைசி லீக் ஆட்டத்தில் ஓமன் அணியை சந்திக்கிறது. இப்போட்டியானது இன்று இரவு 8 மணிக்கு அபுதாபியில் இருக்கும் ஷேக் சயீத் மைதானத்தில் அரங்கேறுகிறது. ஏற்கனவே சூப்பர் 4 சுற்றுக்கு முன்னேறியுள்ள இந்திய அணி கடைசி ஆட்டத்தை வெற்றியுடன் முடிக்கவே நினைக்கும். எனவே, இவ்விரு அணிகள் மோதும் இன்றைய ஆட்டத்தில் விறுவிறுப்புக்கு குறைவிருக்காது.