/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/09/28/india-vs-pakistan-asia-cup-2025-final-live-streaming-match-venue-playing-xi-prediction-weather-forecast-and-pitch-report-in-tamil-2025-09-28-08-50-28.jpg)
IND vs PAK Asia Cup 2025 Final Match Live Streaming Today (28th sept 2025), Playing XI and Weather Report Image Alt: India vs Pakistan, Asia Cup 2025 Final Live streaming Match Venue, Playing XI prediction, Weather Forecast and Pitch Report: இந்தியா vs பாகிஸ்தான், இறுதிப் போட்டி - லைவ் ஸ்ட்ரீமிங், ஆசிய கோப்பை 2025, துபாய் சர்வதேச கிரிக்கெட் மைதானம், துபாய்
Ind vs Pak, Asia Cup 2025 final Cricket Match Live Streaming Today: 17-வது ஆசிய கோப்பை கிரிக்கெட் தொடர் கடந்த 9 ஆம் தேதி முதல் ஐக்கிய அரபு அமீரகத்தில் உள்ள துபாய் மற்றும் அபுதாபியில் நடந்து வருகிறது. மிகவும் பரபரப்பாக அரங்கேறி வரும் இந்தத் தொடரில் 8 அணிகள் பங்கேற்றுள்ள நிலையில், அவை இரு பிரிவாக பிரிக்கப்பட்டன. அதன்படி, ‘ஏ’ பிரிவில் நடப்பு சாம்பியன் இந்தியா, பாகிஸ்தான், ஓமன், ஐக்கிய அரபு அமீரக அணிகளும், ‘பி’ பிரிவில் இலங்கை, ஆப்கானிஸ்தான், வங்கதேசம், ஹாங்காங் அணிகளும் இடம் பெற்றன.
லீக் சுற்று முடிவில் நடப்பு சாம்பியன் இந்தியா, பாகிஸ்தான், இலங்கை, வங்கதேசம் ஆகிய அணிகள் சூப்பர் 4 சுற்றுக்கு முன்னேறின. தற்போது இந்த அணிகள் தங்களுக்குள் தலா ஒரு முறை மோதுகின்றன. இதன் முடிவில் டாப்-2 இடங்களை பிடிக்கும் அணிகள் இறுதிப் போட்டிக்குள் நுழையும். இதில் 2 போட்டிகளில் விளையாடி இரண்டிலும் வெற்றி பெற்ற இந்திய அணி இறுதிப்போட்டிக்கு முன்னேறியது. இதேபோல் 3 போட்டிகளில் ஆடி 2-ல் வெற்றி பெற்ற பாகிஸ்தான் அணியும் இறுதிப்போட்டிக்கு தகுதி பெற்றது. இந்நிலையில், இந்தியா - பாகிஸ்தான் அணிகள் மோதும் இறுதிப் போட்டி இன்று ஞாயிற்றுக்கிழமை (செப்டம்பர் 28) இரவு 8 மணிக்கு துபாயில் அரங்கேறுகிறது.
இந்தியா vs பாகிஸ்தான் மோதல் - நேரலையில் பார்ப்பது எப்படி?
இந்தியா vs பாகிஸ்தான் ஆசிய கோப்பை இறுதிப் போட்டி 2025: ஆசிய கோப்பை இறுதிப் போட்டி எப்போது நடைபெறும்?
இந்தியா - பாகிஸ்தான் அணிகளுக்கு இடையேயான ஆசிய கோப்பை இறுதிப் போட்டி செப்டம்பர் 28 ஞாயிற்றுக்கிழமை நடைபெற உள்ளது. இந்திய நேரப்படி போட்டி இரவு 8:00 மணிக்கு தொடங்க இருக்கிறது. டாஸ் 7:30 மணிக்கு போடப்படும்.
இந்தியா vs பாகிஸ்தான் ஆசிய கோப்பை இறுதிப் போட்டி எங்கு நடைபெறும்?
இந்தியா - பாகிஸ்தான் அணிகளுக்கு இடையேயான ஆசிய கோப்பை இறுதிப் போட்டி துபாயில் உள்ள துபாய் சர்வதேச மைதானத்தில் நடைபெறும்.
இந்தியா vs பாகிஸ்தான் ஆசிய கோப்பை இறுதிப் போட்டியை எந்த தொலைக்காட்சி சேனல்கள் ஒளிபரப்புகிறது?
இந்தியா - பாகிஸ்தான் அணிகளுக்கு இடையேயான ஆசிய கோப்பை இறுதிப் போட்டி சோனி ஸ்போர்ட்ஸ் நெட்வொர்க்கில் நேரடியாக ஒளிபரப்பப்படும்.
இந்தியா vs பாகிஸ்தான் ஆசிய கோப்பை இறுதிப் போட்டியை ஆன்லைனில் நேரடியாக எப்படி பார்ப்பது?
இந்தியா - பாகிஸ்தான் அணிகளுக்கு இடையேயான ஆசிய கோப்பை இறுதிப் போட்டியை சோனி லிவ் ஆப் மற்றும் இணைதளம் நேரடியாக ஸ்ட்ரீம் செய்யும். இந்தப் போட்டியை ஓ.டி.டி பிளே ஆப்-பிலும் நேரடியாக பார்க்கலாம்.
துபாய் ஆடுகளம் எப்படி?
துபாய் சர்வதேச கிரிக்கெட் மைதானம், பேட்ஸ்மேன்களுக்கும், பந்துவீச்சாளர்களுக்கும் கிட்டத்தட்ட சம வாய்ப்பை வழங்கும் ஒரு ஆடுகளமாகும். போட்டியின் ஆரம்பத்தில், புதிய பந்து நன்றாக ஸ்விங் ஆகும். இது தொடக்க ஆட்டக்காரர்களின் கவனத்தையும், திறமையையும் சோதிக்கும். முதல் சில ஓவர்களை நிதானமாகக் கடந்துவிட்டால், அதன்பிறகு ரன் குவிப்பது எளிதாகிவிடும்.
ஆடுகளத்தில் நிலைத்து நின்று, ஆட்டத்தின் வேகத்திற்கு ஏற்ப விளையாடும் பேட்ஸ்மேன்கள், இங்கே பெரிய ஸ்கோர்களைக் குவிக்க முடியும். ஆரம்பகட்ட ஸ்விங்கைத் தாண்டி, போட்டியின் பிற்பகுதியில் பந்துவீச்சாளர்கள் தங்களது துல்லியம் மற்றும் கட்டுப்பாடு மூலமே விக்கெட்டுகளை வீழ்த்த முடியும். வேகப்பந்து வீச்சாளர்கள் மற்றும் சுழற்பந்து வீச்சாளர்கள் இருவருக்குமே இது பொருந்தும்.
பனிப்பொழிவு இருக்குமா?
துபாயில் இரவு நேரப் போட்டிகளில் பனிப்பொழிவு ஒரு முக்கியப் பங்கு வகிக்கும். போட்டியின் இரண்டாவது பாதியில் பனிப்பொழிவு அதிகமாக இருக்கும் என்பதால், பந்து ஈரப்பதமாகி, பந்துவீச்சாளர்களின் பிடிமானத்தைக் குறைத்துவிடும். இதனால், இரண்டாவது பாதியில் பந்துவீசுவது கடினமாக இருக்கும். எனவே, டாஸ் வெல்லும் கேப்டன், பந்துவீச்சைத் தேர்வு செய்யவே அதிக வாய்ப்புள்ளது.
துபாய் வானிலை எப்படி?
அக்குவெதர் அறிக்கையின்படி, செப்டம்பர் 28 அன்று துபாயில் அனல் பறக்கும் வெயில் நிலவும். போட்டியின்போது வெப்பநிலை 38° செல்சியஸ் ஆக இருக்கும். ஆனால், காற்றின் ஈரப்பதம், வெயில் ஆகியவற்றால், உண்மையில் உணரப்படும் வெப்பம் 42° செல்சியஸ் ஆக இருக்கும். இந்தக் கடுமையான வெப்பம், வீரர்களின் உடல்நிலைக்கு ஒரு பெரிய சவாலாக அமையும்.
இரு அணிகளின் உத்தேச ஆடும் லெவன் வீரர்கள் பட்டியல்:
இந்தியா: அபிஷேக் சர்மா, சுப்மான் கில், சூர்யகுமார் யாதவ் (கேப்டன்), திலக் வர்மா, சஞ்சு சாம்சன் (விக்கெட் கீப்பர்), ஹர்திக் பாண்டியா/அர்ஷ்தீப் சிங், அக்சர் படேல், ஷிவம் துபே, குல்தீப் யாதவ், ஜஸ்பிரித் பும்ரா, வருண் சக்கரவர்த்தி.
பாகிஸ்தான்: சாஹிப்சாதா ஃபர்ஹான், ஃபகார் ஜமான், சைம் அயூப், சல்மான் ஆகா (கேப்டன்), ஹுசைன் தலாத், முகமது ஹாரிஸ் (விக்கெட் கீப்பர்), முகமது நவாஸ், ஃபஹீம் அஷ்ரஃப், ஷாஹீன் அப்ரிடி, ஹாரிஸ் ரவுஃப், அப்ரார் அகமது
Stay updated with the latest news headlines and all the latest Lifestyle news. Download Indian Express Tamil App - Android or iOS.