ACC U19 IND vs PAK Highlights: நிகில்குமார் அரைசதம் வீண்: 44 ரன்கள் வித்தியாசத்தில் இந்தியா தோல்வி!

India U19 vs Pakistan U19 (IND-U19 vs PAK-U19) U19 Asia Cup 2024 Live Cricket Score Updates: 8 அணிகள் இடையிலான 11-வது ஜூனியர் ஆசிய கோப்பை கிரிக்கெட் போட்டி (19 வயதுக்கு உட்பட்டோர்) ஐக்கிய அரபு அமீரகத்தில் நேற்று வெள்ளிக்கிழமை முதல் தொடங்கி நடைபெற்று வருகிறது. இதில் பங்கேற்றுள்ள அணிகள் இரு பிரிவாக பிரிக்கப்பட்டு லீக்கில் மோதுகின்றன. லீக் சுற்று முடிவில் ஒவ்வொரு பிரிவிலும் முதல் 2 இடங்களை பிடிக்கும் அணிகள் அரைஇறுதிக்கு தகுதி பெறும்.

ஆங்கிலத்தில் படிக்கவும்: India vs Pakistan U19 Asia Cup 2024, LIVE Cricket Score

இந்நிலையில், ஜூனியர் ஆசிய கோப்பை கிரிக்கெட் போட்டியில் 'ஏ' பிரிவில் இடம் பிடித்துள்ள 8 முறை சாம்பியனான இந்திய அணி தனது முதலாவது லீக் ஆட்டத்தில் இன்று சனிக்கிழமை  பாகிஸ்துடன் மோதி வருகிறது. 

இந்த ஆட்டத்தில் டாஸ் வென்ற சாத் பைக் தலைமையிலான பாகிஸ்தான் அணி முதலில் பேட்டிங் தேர்வு செய்த நிலையில், 50 ஓவர்கள் முடிவில் 7 விக்கெட் இழப்புக்கு 281 ரன்கள் எடுத்தது. அந்த அணியில் அதிகபட்சமாக  அதிரடியான பேட்டிங்கை வெளிப்படுத்தி சதம் அடித்த ஷாஜாய்ப் கான், 147 பந்துகளில் 5 பவுடண்டரி, 10 சிக்ஸர்களை பறக்கவிட்டு 159  ரன்கள் குவித்தார். 

282 ரன்கள் எடுத்தால் வெற்றி என்ற இலக்குடன் களமிறங்கிய இந்திய ஜூனியர் அணியில், ஆயுஷ் மஹட்ரே, வைபவ் சூரியவன்ஷி ஆகிய இருவரும் தொடக்க வீரர்களாக களமிறங்கினர். இதில் சமீபத்தில் நடந்த ஐபிஎல் ஏலத்தில் 13 வயதில் தேர்வாக வியக்க வைத்த வைபவ் சூரியவன்ஷி 1 ரன்னில் வெளியேறிய நிலையில், அடுத்து வந்த சித்தார்த் 15 ரன்களில் வீழ்ந்தார்.

அதிரடியாக விளையாடிய தொடக்க ஆட்டக்காரர் ஆயுஷ் மஹட்ரே 14 பந்துகளில், 5 பவுண்டரியுடன் 20 ரன்கள் எடுத்து ஆட்டமிழந்தார். அடுத்து களமிறங்கிய கேப்டன் முகமது அமான், 16 ரன்களில் வீழ்ந்த நிலையில், 5-வது விக்கெட்டுக்கு களமிறங்கிய நிகில் குமார் சிறப்பான ஆட்டத்தை வெளிப்படுத்தி ரன்கள் சேர்த்தார். அவருக்கு ஒத்துழைப்பு கொடுத்த கிரன் சோர்மலா 20 ரன்களும், விக்கெட் கீப்பர் ஹர்வனஷா சிங் 26 ரன்களும் எடுத்து ஆட்டமிழந்தனர்.

ஒருபுறம் விக்கெட் சரிந்தாலும் மறுமுனையில், சிறப்பாக விளையாடிய நிகில் குமார் அரைசதம் நடந்து அசத்திய நிலையில், அணியின் ஸ்கோர் 174 ரன்களை தொட்டபோது 67 ரன்களில் ஆட்டமிழந்தார். 77 பந்துகளை சந்தித்த அவர் 6 பவுண்டரி 3 சிக்சருடன் இந்த ரன்னை எடுத்தார். அடுத்து வந்த ஹர்த்திக் ராஜ் 10 ரன்களும், சமர்த் நாகராஜ் ரன் கணக்கை தொடங்காமலும் வெளியேறினர்.

இறுதிக்கட்டத்தில் அதிரடியாக விளையாடிய முகமது என்னன் 22 பந்துகளில் 2 பவுண்டரி 2 சிக்சருடன் 30 ரன்கள் எடுத்து ரன் அவுட் ஆனார். 47.1 ஓவர்களில் இந்திய அணி 237 ரன்களுக்கு ஆட்டமிழந்து 44 ரன்கள் வித்தியாசத்தில் தோல்வியை சந்தித்துள்ளது. இதன் மூலம் இந்திய அணி ஜூனியர் ஆசியகோப்பை தொடரில் தனது முதல் போட்டியில் பாகிஸ்தானிடம் தோல்வியை சந்தித்துள்ளது. 

இரு அணி  வீரர்கள் பட்டியல் 

இந்தியா: ஆயுஷ் மத்ரே, வைபவ் சூர்யவன்ஷி, ஆண்ட்ரே சித்தார்த் சி, முகமது அமான் (கேப்டன் ), ஹர்வன்ஷ் சிங் (விக்கெட் கீப்பர்), நிகில் குமார், கிரண் சோர்மலே, ஹர்திக் ராஜ், முகமது எனான், சமர்த் நாகராஜ், யுதாஜித் குஹா

பாகிஸ்தான்: ஷாஜாய்ப் கான், உஸ்மான் கான், சாத் பைக் (கேப்டன் / விக்கெட் கீப்பர்), ஃபர்ஹான் யூசப், ஃபஹாம்-உல்-ஹக், முகமது ரியாசுல்லா, ஹாரூன் அர்ஷத், அப்துல் சுபான், அலி ரசா, உமர் ஜைப், நவீத் அகமது கான். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“