IND vs SA 2nd T20 Highlights: ரிங்கு சிங் அதிரடி வீண்; 5 விக்கெட் வித்தியாசத்தில் தென் ஆப்பிரிக்கா வெற்றி

India Vs South Africa: தென் ஆப்பிரிக்க மண்ணில் சுற்றுப்பயணம் செய்து வரும் இந்திய கிரிக்கெட் அணி தற்போது 5 போட்டிகள் கொண்ட டி20 தொடரில் கலந்துகொண்டுள்ளது. இந்த தொடருக்கான முதலாவது 20 ஓவர் போட்டி டர்பனில் நேற்று முன்தினம் (ஞாயிற்றுக்கிழமை) நடக்க இருந்த நிலையில், பலத்த மழை காரணமாக டாஸ் கூட போடப்படாமல் ரத்து செய்யப்பட்டது.

இந்த நிலையில், இந்தியா- தென்ஆப்பிரிக்கா இடையிலான 2-வது டி20 போட்டி கெபேஹா நகரில் உள்ள செயின்ட் ஜார்ஜ் பார்க் ஸ்டேடியத்தில் நேற்று நடந்தது.

டாஸ் வென்ற தென்னப்பிரிக்கா அணி பந்துவீச்சை தேர்வு செய்தது. முதலில் களமிறங்கிய இந்திய அணியின் தொடக்க ஆட்டக்காரர்களான யாஷஸ்வி ஜெய்ஸ்வால் மற்றும் சுப்மன் கில் ஆகிய இருவரும் பூஜ்ஜியம் ரன்களில் ஆட்டமிழந்தனர்.

பின்னர் களமிறங்கிய வீரர்கள் பொறுப்பான ஆட்டத்தை வெளிப்படுத்தினர். ரிங்கு சிங் அதிரடி ஆட்டத்தை வெளிப்படுத்தி 68 ரன்கள் விளாசினார். கடைசி ஓவரின் போது மழை குறுக்கிட்டதால், 19.3 ஓவர்களுடன் ஆட்டம் நிறுத்தப்பட்டது. இந்திய அணி 7 விக்கெட்டுகள் இழப்பிற்கு 180 ரன்கள் குவித்திருந்தது.

மழை காரணமாக ஆட்டம் 15 ஓவர்களாக குறைக்கப்பட்டது. தென்னாப்பிரிக்காவுக்கு 152 ரன்கள் இலக்காக நிர்ணயிக்கப்பட்டது. அதன்படி களமிறங்கிய தென்னாப்பிரிக்க அணி, 13.5 ஓவர்களில் 5 விக்கெட்டுகள் இழப்பிற்கு 154 ரன்கள் குவித்து வெற்றி பெற்றது. இதன்மூலம் இந்தியாவுக்கு எதிரான டி20 தொடரில்1-0 என்ற கணக்கில் தென்னாப்பிரிக்கா அணி முன்னிலை பெற்றுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

Dec 12, 2023 22:46 IST
மழை குறுக்கீடு
அடுத்ததாக சிராஜ் களமிறங்கிய நிலையில், மழை குறுக்கிட்டதால் ஆட்டம் தடைப்பட்டது. இந்திய அணி 19.3 ஓவர்களில் 7 விக்கெட் இழப்புக்கு 180 ரன்கள் எடுத்தது. ரிங்கு சிங் 68 ரன்களுடன் களத்தில் உள்ளார்  



Dec 12, 2023 22:45 IST
ஜடேஜா, அர்ஷ்தீப் அடுத்தடுத்து அவுட்
பொறுப்புடன் ஆடிவந்த ஜடேஜா 19 ரன்களில் அவுட் ஆனார். அடுத்து வந்த அர்ஷ்தீப் முதல் பந்திலே டக் அவுட் ஆனார். இருவரது விக்கெட்டையும் கோட்ஸி வீழ்த்தினார்.  



Dec 12, 2023 22:43 IST
ரிங்கு சிங் அரை சதம்
அடுத்ததாக ஜிதேஷ் களமிறங்கி 1 ரன்னில் வெளியேறினார். அடுத்து ரவீந்திர ஜடேஜா களமிறங்கி கம்பெனி கொடுக்க, மறுமுனையில் ஆடிய ரிங்கு சிங் பவுண்டரிகளாக விளாசி அரை சதம் விளாசினார்.



Dec 12, 2023 21:45 IST
சூர்யகுமார் அரை சதம்
சூர்யகுமார் – ரிங்கு சிங் அதிரடியால் இந்திய அணி 100 ரன்களைக் கடந்தது. சிறப்பாக ஆடி வந்த சூர்யகுமார் அரை சதம் விளாசினார். இருப்பினும் சூர்யகுமார் 36 பந்துகளில் 56 ரன்கள் விளாசி அவுட் ஆனார். இதில் 5 பவுண்டரிகள் மற்றும் 3 சிக்சர்கள் அடங்கும். சூர்யகுமார், ஷாம்சி பந்தில் ஜென்சனிடம் கேட்ச் கொடுத்தார். இந்தியா 14 ஓவர்களில் 125/4.



Dec 12, 2023 21:25 IST
திலக் வர்மா அவுட்
திலக் – சூர்யகுமார் ஜோடி அதிரடியாக ஆடியது. சிறப்பாக ஆடிய திலக் 20 பந்துகளில் 29 ரன்கள் எடுத்து அவுட் ஆனார். அவர் கோட்ஸி பந்தில் ஜென்சனிடம் கேட்ச் கொடுத்தார். இதனையடுத்து ரிங்கு சிங் களமிறங்கினார். இந்தியா அணி 5.5 ஓவர்கள் முடிவில் 55/3



Dec 12, 2023 20:55 IST
சுப்மன் கில் டக் அவுட்
2 பந்துகளைச் சந்தித்த சுப்மன் கில் டக் அவுட் ஆனார். இவர் வில்லியம்ஸ் பந்தில் எல்.பி.டபுள்யூ ஆனார். இதனால் இந்திய அணி 6 ரன்களுக்கு 2 விக்கெட்களை இழந்தது. இதனையடுத்து கேப்டன் சூர்யகுமார் களமிறங்கினார்



Dec 12, 2023 20:40 IST
ஜெய்ஸ்வால் அவுட்
இந்திய அணியில் தொடக்க ஆட்டகாரர்களாக யஷ்ஸ்வி ஜெய்ஸ்வால் மற்றும் சுப்மன் கில் களமிறங்கினர். ஜெய்ஸ்வால் 3 ஆவது பந்திலே டக் அவுட் ஆனார். அவர் ஜென்சன் பந்தில் மில்லரிடம் கேட்ச் கொடுத்தார். இதனையடுத்து திலக் வர்மா களமிறங்கினார்.



Dec 12, 2023 20:10 IST
தென்னாப்பிரிக்கா அணி பிளேயிங் லெவன்
மேத்யூ ப்ரீட்ஸ்கே, ரீசா ஹென்ட்ரிக்ஸ், ஐடன் மார்க்ரம் (கேப்டன்), ஹென்ரிச் கிளாசென் (விக்கெட் கீப்பர்), டேவிட் மில்லர், டிரிஸ்டன் ஸ்டப்ஸ், மார்கோ ஜான்சன், அண்டில் பெஹ்லுக்வாயோ, ஜெரால்ட் கோட்ஸி, லிசாட் வில்லியம்ஸ், தப்ரைஸ் ஷம்சி



Dec 12, 2023 20:08 IST
இந்தியா அணி பிளேயிங் லெவன்
யஷஸ்வி ஜெய்ஸ்வால், ஷுப்மான் கில், திலக் வர்மா, சூர்யகுமார் யாதவ் (கேப்டன்), ரிங்கு சிங், ஜிதேஷ் சர்மா (விக்கெட் கீப்பர்), ரவீந்திர ஜடேஜா, குல்தீப் யாதவ், முகமது சிராஜ், அர்ஷ்தீப் சிங், முகேஷ் குமார்



Dec 12, 2023 20:07 IST
டாஸ் வென்ற தென்னாப்பிரிக்கா பந்துவீச்சு தேர்வு
இந்தப்போட்டியில் டாஸ் வென்ற தென்னாப்பிரிக்கா அணி பந்துவீச்சை தேர்வு செய்தது



Dec 12, 2023 17:35 IST
இந்தியா vs தென் ஆப்பிரிக்கா உத்தேச லெவன் வீரர்கள்!
 
இந்தியா: யஷஸ்வி ஜெய்ஸ்வால், சுப்மன் கில், ஷ்ரேயாஸ் ஐயர், சூர்யகுமார் யாதவ் (கேப்டன்), ரிங்கு சிங், ஜிதேஷ் சர்மா (விக்கெட் கீப்பர்), ரவீந்திர ஜடேஜா, தீபக் சாஹர், ரவி பிஷ்னோய், முகமது சிராஜ், அர்ஷ்தீப் சிங்
தென் ஆப்பிரிக்கா: ரீசா ஹென்ட்ரிக்ஸ், மேத்யூ ப்ரீட்ஸ்கே, ஐடன் மார்க்கம், ஹென்ரிச் கிளாசென் (விக்கெட் கீப்பர்), டேவிட் மில்லர், டொனோவன் ஃபெரீரா, மார்கோ ஜான்சன், கேசவ் மஹராஜ், ஜெரால்ட் கோட்ஸி, நந்த்ரே பர்கர், தப்ரைஸ் ஷம்சி. 



Dec 12, 2023 17:34 IST
இந்திய அணி
சூர்யகுமார் யாதவ் (கேப்டன்), யஷஸ்வி ஜெய்ஸ்வால், சுப்மன் கில், ருதுராஜ் கெய்க்வாட், திலக் வர்மா, ரின்கு சிங், ஷ்ரேயாஸ் ஐயர், இஷான் கிஷன் (விக்கெட் கீப்பர்), ஜிதேஷ் சர்மா (விக்கெட் கீப்பர்), ரவீந்திர ஜடேஜா (துணைகேப்டன்), வாஷிங்டன் சுந்தர், ரவி பிஷ்னோய் , குல்தீப் யாதவ், அர்ஷ்தீப் சிங், முகமது. சிராஜ், முகேஷ் குமார், தீபக் சாஹர்.



Dec 12, 2023 17:34 IST
தென் ஆப்பிரிக்கா டீம் நியூஸ்!
 
ஜெரால்ட் கோட்ஸீ மற்றும் மார்கோ ஜான்சன் ஆகியோர் டெஸ்ட் போட்டிகளுக்குத் தயாராவதற்கு முன் இரண்டாவது போட்டிக்கு மட்டுமே உள்ளனர். மேலும் இரண்டாவது போட்டியில் தென் ஆப்பிரிக்கா வலுவான வேகத் தாக்குதலைக் களமிறக்கக்கூடும். மேத்யூ ப்ரீட்ஸ்கே, ரீசா ஹென்ட்ரிக்ஸுடன் இணைந்து தொடங்க உள்ளார். அவர் இரண்டு வெள்ளை-பந்து ஃபார்மெட்டுகளிலும் சிறப்பாக செயல்படக்கூடியவர். 



Dec 12, 2023 17:29 IST
முகேஷுக்கு பதில் தீபக் சாஹர்
 
தீபக் சாஹர், தனிப்பட்ட காரணங்களால் தென் ஆப்பிரிக்காவுக்கு எதிரான முதல் டி20ஐ தவறவிட்டார். முகேஷ் குமாரின் இடத்தை அவர் எப்போதும் மேம்படுத்துவார். பந்தை ஸ்விங் செய்வதில் பெயர் பெற்ற சாஹர், மேகமூட்டமான வானத்தில் நிஜமாகவே கைகொடுக்கும். 8-வது இடத்தில் பேட் செய்ய சாஹர் மிகவும் பயனுள்ளதாக இருக்கிறார். மேலும் இது இந்தியாவின் பேட்டிங் வரிசைக்கு கூடுதல் பலம் அளிக்கிறது.



Dec 12, 2023 17:27 IST
பிஷ்னோய் அல்லது குல்தீப்
 
ஆஸ்திரேலியாவுக்கு எதிரான டி20 தொடரில் முன்னணி விக்கெட்டுகளை வீழ்த்திய ரவி பிஷ்னோய், ஐசிசி டி20 பந்துவீச்சு தரவரிசையில் முதலிடத்திற்கு உயர்ந்துள்ளார். அவர் அந்த தொடரில் ஐந்து ஆட்டங்களில் 18.22 மணிக்கு ஒன்பது விக்கெட்டுகளை வீழ்த்தினார்.
மறுபுறம், சிறிய இடைவெளிக்குப் பிறகு திரும்பும் குல்தீப் யாதவும் ஒரு போட்டியைப் பெற விரும்புகிறார். இடது கை மணிக்கட்டு சுழற்பந்து வீச்சாளர் 2023 இல் ஏழு டி20 போட்டிகளில் விளையாடி 5.64 என்ற மிரட்டலான எக்கனாமி விகிதத்தில் எட்டு விக்கெட்டுகளை எடுத்துள்ளார். அதில் ஆறு விக்கெட்டுகள் ஜூலை மாதம் வெஸ்ட் இண்டீஸ் அணிக்கு எதிரான தொடரில் வந்தவை.
மணிக்கட்டு சுழற்பந்து வீச்சாளர்கள் இருவரும் வெவ்வேறு திறன்களைக் கொண்டுள்ளனர். பிஷ்னோய் லெக்பிரேக்குகளை விட அதிக கூக்லிகளை வீசுகிறார். ஆஸ்திரேலிய அணிக்கு எதிராக, அவர் பவர்பிளேயில் பந்துவீசுவதில் சரியான லெந்தில் பந்துவீசினார். அது விக்கெட்டுகள் மற்றும் ரன்களைக் கட்டுப்படுத்துதல் ஆகிய இரண்டிலும் பலன் கொடுத்தது. இதற்கிடையில், குல்தீப் ஒருநாள் உலகக் கோப்பையில் அவர் மிடில் ஓவர்களில் எதிரணிகளுக்கு தொடர்ந்து அச்சுறுத்தலாக இருக்க முடியும் என்று காட்டப்படுகிறார்.



Dec 12, 2023 17:17 IST
இந்திய அணிக்கு திரும்பும் கில்!
 
சுப்மான் கில் டி20 அணிக்கு திரும்புவதற்கு தயாராக உள்ளார். அதானால், ஃபார்மில் உள்ள ருதுராஜ் கெய்க்வாட் அவருக்கு வழிவிட வேண்டிய சூழல் இருக்கும். 26 வயதான ருதுராஜ் சமீபத்தில் முடிவடைந்த ஆஸ்திரேலியாவுக்கு எதிரான டி20 தொடரில் சிறந்த பேட்டிங்கை வெளிப்படுத்தினார். ஒரு சதம் மற்றும் ஒரு அரைசதம் உட்பட 213 ரன்கள் எடுத்தார். 
 யஷஸ்வி ஜெய்ஸ்வால் ருதுராஜை விட முக்கியத்துவம் பெறுகிறார். ஏனென்றால், முதலில் அவர் ஒரு இடது கை ஆட்டக்காரர். இரண்டாவதாக பவர்பிளேயில் பந்துவீச்சாளர்களை எதிர்கொள்ளும் அவரை விட திறன் யாருக்கும் இரண்டாவதாக இல்லை. இது கில் தனது இன்னிங்ஸைக் கட்டமைக்க உதவும். மேலும் இந்த தொடக்க ஜோடி ரோகித் சர்மா ஓய்வு பெற்றவுடன் நீண்ட காலத்திற்கு இந்தியாவுக்காக விளையாடும் உள்ளது.



Dec 12, 2023 17:14 IST
டி20 உலகக் கோப்பை இந்திய அணியில் யார் யாருக்கு இடம்?
 
ஜூன் மாதம் நடைபெறவுள்ள டி20 உலகக் கோப்பையில் இந்தியாவைப் பொறுத்தவரை இப்போது ஐந்து ஆட்டங்கள் மட்டுமே எஞ்சியுள்ளன, மேலும் வீரர்களை முயற்சிக்க நிர்வாகத்திற்கு மிகச் சிறிய இடைவெளியே உள்ளது. இந்தத் தொடரில் மீதமுள்ள இரண்டு மற்றும் ஜனவரியில் ஆப்கானிஸ்தானுக்கு எதிராக மூன்று போட்டிகள் மட்டுமே உள்ளன. 
தென் ஆப்பிரிக்காவைப் பொறுத்தவரை, அவர்களும் தங்கள் டி20 உலகக் கோப்பை அணியை தேர்வு செய்யும் முன்பு ஐந்து டி20 போட்டிகளில் மட்டுமே விளையாடுவார்கள். போட்டிக்கு முன்னதாக வெஸ்ட் இண்டீசில் மூன்று போட்டிகளில் விளையாடுவார்கள்.
தற்போதைய இந்திய அணியில், சுப்மன் கில், சூர்யக்குமார் யாதவ், ரின்கு சிங், ரவி பிஷ்னோய், குல்தீப் யாதவ் மற்றும் அர்ஷ்தீப் சிங் ஆகியோர் மட்டுமே  எதிர்வரும் ஐ.சி.சி டி20 உலகக் கோப்பை போட்டிக்கான இந்திய அணியில் உறுதியாக உள்ளனர்.



Dec 12, 2023 17:07 IST
செயின்ட் ஜார்ஜ் பார்க் ஆடுகளம் எப்படி?
செயின்ட் ஜார்ஜ் பார்க் ஆடுகளம் முதலில் பேட்ஸ்மேன்களுக்கு சாதகமாக இருந்தாலும், ஆட்டம் முன்னேறும் போது சுழற்பந்து வீச்சாளர்களுக்கு உதவியாக இருக்கும். முதலில் பேட்டிங் செய்யும் அணிகள் அந்த சேஸிங்கை விட விளிம்பில் உள்ளன. எனவே டாஸ் வென்ற கேப்டன் முதலில் பேட்டிங்கைத் தேர்வு செய்யலாம்.
இந்த மைதானத்தில் தென்ஆப்பிரிக்கா இதுவரை மூன்று 20 ஓவர் போட்டிகளில் ஆடியிருக்கிறது. இவற்றில் 2-ல் வெற்றியும் (ஆஸ்திரேலியா, நியூசிலாந்துக்கு எதிராக), ஒன்றில் தோல்வியும் (வெஸ்ட் இண்டீசுக்கு எதிராக) கண்டுள்ளது.



Dec 12, 2023 17:02 IST
மழை வாய்ப்பு எப்படி?
இந்தியா- தென்ஆப்பிரிக்கா அணிகள் மோதும் இன்றைய போட்டிக்கும் மழை அச்சுறுத்தல் உள்ளது. போட்டி நடக்கும் கெபேஹா நகரில் இன்று மழை பெய்வதற்கு 70 சதவீதம் வாய்ப்பிருப்பதாகவும், வெப்பநிலை சுமார் 21 டிகிரி செல்சியஸாகவும், ஈரப்பதத்தின் அளவு தோராயமாக 75 சதவீதமாகவும், காற்றின் வேகம் மணிக்கு 35 கிமீ ஆகவும் இருக்கும் என்று கணிக்கப்பட்டுள்ளது. ஆனால் மாலை நேரத்தில் மழையின் தாக்கம் குறைய வாய்ப்பிருப்பதால், குறைந்த ஓவர்களுடன் போட்டி நடக்கலாம் என்று எதிர்பார்க்கப்படுகிறது.



Dec 12, 2023 17:01 IST
கை கொடுக்குமா தென் ஆப்பிரிக்கா தொடர்?
அடுத்தாண்டு ஜூன் மாதம் நடக்கும் டி20 உலகக் கோப்பை போட்டிக்கு முன்பாக இந்திய அணி இன்னும் 5 சர்வதேச டி20 போட்டிகளில் மட்டுமே விளையாட உள்ளது. அதனால் உலகக் கோப்பைக்கு தயாராவதற்கும், சரியான அணிச்சேர்க்கையை அடையாளம் காண்பதற்கும் இந்த தொடர் உதவிகரமாக இருக்கும் என நம்பப்படுகிறது. எனவே, தென் ஆப்பிரிக்கா அணிக்கு எதிரான தொடர் இந்தியாவுக்கு கை கொடுக்குமா என்கிற எதிர்பார்ப்பு நிலவுகிறது. 



Dec 12, 2023 16:58 IST
‘தி இந்தியன் எக்ஸ்பிரஸ் தமிழ்’ லைவ் பிளாக்கு - க்கு அன்புடன் வரவேற்கிறோம்!
இன்று நடைபெறும் இந்தியா- தென்ஆப்பிரிக்கா அணிகளுக்கு இடையிலான 2வது டி20 ஆட்டம் குறித்து உடனுக்குடன் தெரிந்துகொள்ள 'தி இந்தியன் எக்ஸ்பிரஸ் தமிழ்' லைவ் பிளாக்குடன் இணைந்திருங்கள்.