இந்தோனேசியா ஓபன்: முதல் முறையாக இறுதிப் போட்டிக்கு முன்னேறிய இந்தியா

Indonesia Open: Satwiksairaj Rankireddy and Chirag Shetty Tamil News இந்தோனேசியா ஓபன் அரையிறுதியில் தென் கொரியாவின் மின் ஹியூக் காங் மற்றும் சியுங் ஜே சியோவை வீழ்த்தி முதல் முறையாக இந்தியாவின் ஆடவர் இரட்டையர் ஜோடியான சாத்விக்சாய்ராஜ் ரங்கிரெட்டி மற்றும் சிராக் ஷெட்டி சூப்பர் 1000 போட்டியின் இறுதிப் போட்டிக்கு நுழைந்தனர்.

இந்தோனேசிய ஓபன் பேட்மிண்டன் போட்டி தலைநகர் ஜகர்த்தாவில் நடந்து வருகிறது. இதில் இன்று நடந்த இரட்டையர் பிரிவு அரையிறுதி போட்டியில் இந்தியாவின் சாத்விக்-சிராக் ஜோடி - தென் கொரியா கேங், சியோ ஜோடியை எதிர்கொண்டனர்.

மிகவும் பரபரப்பாக அரங்கேறிய இந்த ஆட்டத்தில் 17-21, 21-19, 21-18 என்ற செட் கணக்கில் தென் கொரியா கேங் மின் , சியோ ஜோடியை வீழ்த்தி இந்தியாவின் சாத்விக்-சிராக் ஜோடி வெற்றி பெற்றனர். இதன் மூலம் சாத்விக்-சிராக் ஜோடி சூப்பர் 1000 போட்டியில் முதல் முறையாக இறுதிப்போட்டிக்கு முன்னேறி அசத்தியுள்ளனர்.

சாத்விக் - சிராக் ஜோடி மற்றொரு அரையிறுதியில் மோதும் இந்தோனேசியாவின் பிரமுத்யா குசுமவர்தனா மற்றும் யெரேமியா எரிச் யோசே யாக்கோப் ரம்பிடன் மற்றும் இரண்டாவது தரவரிசையில் உள்ள மலேசியாவின் ஆரோன் சியா மற்றும் வூய் யிக் சோ ஆகியோருக்கு இடையிலான போட்டியில் வெல்லும் ஜோடியை இறுதிப்போட்டியில் எதிர்கொள்வார்கள்.

Satwik-Chirag enter their first-ever BWF World Tour Super 1000 final at Indonesia Open

India’s top men’s doubles duo Satwiksairaj Rankireddy and Chirag Shetty cruised into the finals of Indonesia Open for the first time after defeating South Korea’s Kang Min Hyuk/Seo Seung Jae… pic.twitter.com/lk1cRtlo26

— DD News (@DDNewslive) June 17, 2023

பிரனாய் தோல்வி

இதனிடையே, ஆண்கள் ஒற்றையர் பிரிவில் இன்று நடைபெற்ற அரையிறுதி சுற்றில் இந்திய வீரர் எச்.எஸ்.பிரனாய், டென்மார்க் வீரர் விக்டர் ஆக்சல்சென்னுடன் மோதினார். விறுவிறுப்பாக நடைபெற்ற இந்த போட்டியில் ஆக்சல்சென் 21-15, 21-15 என்ற செட் கணக்கில் பிரனாயை வீழ்த்தி வெற்றி பெற்றார்.

Semifinals exit here at the Indonesia open 2023!
GG @ViktorAxelsen 👍
Gutted that I couldn’t control the drift for most part of the game tonight.
But another great week of badminton with some solid wins.

And thank you Istora for one last time 💔

I will be back soon 🤜 pic.twitter.com/U59pSfDWjf

— PRANNOY HS (@PRANNOYHSPRI) June 17, 2023

தமிழ்  இந்தியன்  எக்ஸ்பிரஸின்  அனைத்து செய்திகளையும் உடனுக்குடன்  டெலிகிராம்  ஆப்பில்  பெற https://t.me/ietamil