DC vs CSK: 80 ரன்கள் வித்தியாசத்தில் மெகா வெற்றிப் பெற்ற சென்னை சூப்பர் கிங்ஸ்!

டெல்லி கேபிடல்ஸ் அணி 16.2 ஓவரில் அனைத்து விக்கெட்டுகளையும் இழந்து 99 ரன்கள் மட்டுமே எடுத்து தோற்றது. 

டெல்லி அணியில் 2 வீரர்களைத் தவிர, மற்ற அனைவரும் ஒற்றை இலக்கில் அவுட்டாகியுள்ளனர். 

டெல்லி கேபிடல்ஸ் 15 ஓவர்கள் முடிவில் 8 விக்கெட் இழப்பிற்கு 92 ரன்கள் எடுத்துள்ளது. 

தோல்வியை நோக்கி டெல்லி கேபிடல்ஸ்...

இந்த வாக்கியத்தை வேறு யாருக்கு நாம் சொல்ல முடியும்? சாட்சாத் தோனிக்கு தான். 

அடுத்தடுத்து இரண்டு மின்னல் வேக ஸ்டெம்பிங்கை நிகழ்த்தி, சக வீரர்களுக்கு அதிர்ச்சி கொடுத்திருக்கிறார் தோனி. சிறப்பாக ஆடி வந்த ஷ்ரேயாஸ் ஐயர் 44 ரன்களில் தோனியால் ஸ்டெம்பிங் செய்யப்பட்டார்.

இம்ரான் தாஹிர் மீண்டும் ஒரு அட்டகாசமான டெலிவரியில் ரூதர்ஃபோர்ட் விக்கெட்டை 2 ரன்களில் கைப்பற்ற, டெல்லி தனது 6வது விக்கெட்டை இழந்தது.

இம்ரான் தாஹிர் ஓவரில் எட்ஜ் ஆன அக்ஷர் படேல், 9 ரன்களில் ஸ்லிப்பில் வாட்சனிடம் கேட்ச் கொடுத்து வெளியேறினார். 

தாஹிருக்கு இது இரண்டாவது விக்கெட்... கொண்டாட மெரீனா பீச் பக்கமாக ஓடிக்கிட்டு இருக்கார். வந்துடுவார்.

9 ஓவர்கள் முடிவில், டெல்லி அணி 4 விக்கெட் இழப்பிற்கு 75 ரன்கள் எடுத்துள்ளது.

ஷ்ரேயாஸ் ஐயர், அக்ஷர் படேல் களத்தில்....

ரவீந்திர ஜடேஜாவின் ஒரு நல்ல டர்ன் பந்தில், இங்ரம் 0 ரன்களில் எல்பிடபிள்யூ ஆனார். 

கோல்டன் டக் இங்ரம்!!

இம்ரான் தாஹிரின் ஓவரில் 5 ரன்களில் ரிஷப் பண்ட் தேவையில்லாமல் தூக்கி அடித்து, பிராவோ கைகளில் கொடுத்து வெளியேறினார். 

அப்ரிடி அடிப்பதை விட தேவையில்லாத ஷாட் அது!

ஷிகர் தவான் 19 ரன்களில் ஹர்பஜனின் ஸ்ட்ரெய்ட் பந்தை அக்ராஸ் தி லைன் ஆடச் சென்று ஸ்டெம்ப்புகளை பறிகொடுத்தார்.

அதாவது, ஷிகர் தவன் அவுட்! புரியுற மாதிரி சொல்லுய்யா!!!

டெல்லி கேப்டன் ஷ்ரேயாஸ் ஐயர் இறங்கியதில் இருந்தே, சிஎஸ்கே பவுலர்களை ஒரு பொருட்டாகவே மதிக்காமல் ஆடி வருகிறார். அவருக்கு போடும் பந்துகள் எல்லாமே அல்வா துண்டுகளை போல் உள்ளது. 

என்ன செய்யப் போகிறார் தோனி?

பவர்பிளேயில் அபாரமாகவும், சிக்கனமாகவும் பந்து வீசும் ஹர்பஜன் ஓவரில் ஷ்ரேயாஸ் ஐயர் அசத்தலாக சிக்ஸ் அடிக்க, தோனிக்கே சற்று அதிர்ச்சி தான். 

விக்கெட் எடுப்பார்-னு பார்த்தா சிக்ஸ் கொடுக்குறாப்ளயே!!

தீபக் சாஹர் வீசிய முதல் ஓவரில், மன்னன் படத்தில் விஜயசாந்தியை ரஜினிகாந்த் அறைந்தது போல, ஆஃப் சைடில் ப்ரித்வி ஷா அறைய, பந்து நேராக தவான் கைகளில் சிக்கியது. 

4 ரன்களில் ப்ரித்வி அவுட்!

நடப்பு ஐபிஎல் சீசனின் முதல் பாதியில் மிக மோசமாக ஆடி வந்த ஷிகர் தவான், இரண்டாம் பாதியில் மேட்ச் வின்னராகவே மாறிவிட்டார். டெல்லி இப்போது நம்பர்.1 இடத்தில் இருப்பதற்கு இவரது பங்களிப்பு அதிகம்.

சென்னை சூப்பர் கிங்ஸ் கடைசி 6 ஓவர்களில் மட்டும் 91 ரன்கள் விளாசியது. அதனால் தான் 180 எனும் ஓரளவுக்கு டீசன்ட்டான டார்கெட்டை சென்னையால் நிர்ணயிக்க முடிந்தது. 

தொடக்கத்தில் மிக மந்தமாக ஆடிய சிஎஸ்கே கடைசி 10 ஓவர்களில் அபாரமாக ஆடி, 20 ஓவர்களில் 4 விக்கெட் இழப்பிற்கு 179 ரன்கள் எடுத்தது. 

கேப்டன் தோனி 22 பந்துகளில் 44 ரன்கள் விளாசினார். போல்ட் வீசிய கடைசி ஓவரில் கடைசி 2 பந்துகளை சிக்ஸருக்கு அனுப்பினார் தோனி!

ரெய்னா 37 பந்துகளில் 59 ரன்கள் எடுத்து, சுசித் ஓவரில் தவானிடம் கேட்ச் ஆனார். தொடர்ந்து பிராவோ களமிறங்குவார் என எதிர்பார்த்தால், ஜடேஜா பேட்டுடன் வர அனைவருக்கும் பேரதிர்ச்சி!.

முழுக்க ஒன்டே பிளேயராகவே மாறிப் போன டு பிளசிஸ் 41 பந்துகளில் 39 ரன்கள் எடுத்து அக்ஷர் படேல் ஓவரில் ஸ்ட்ரெய்ட்டில் சிக்ஸ் அடிக்க முயன்று கேட்ச் ஆனார். 

தோனி களத்தில்....

அடடே!! சிக்ஸ்-லாம் பறக்குதே சென்னை இன்னிங்சுல...ரூதர்ஃபோர்டு ஓவரில் டு பிளசிஸ் ஓவர் எக்ஸ்டிரா கவரில் ஒரு அட்டகாசமான சிக்ஸ் கிடைத்தது.

சென்னை சூப்பர் கிங்ஸ் 12 ஓவர்கள் முடிவில் 1 விக்கெட் இழப்பிற்கு 69 ரன்கள் எடுத்துள்ளது. பெரிய ஷாட்கள் அடிக்க முடியாததால் சென்னை தடுமாறி வருகிறது. 

மறுபடியும் ஒரு லோ ஸ்கோரிங் கேம்...

டாஸ் போடும் போது பேசிய தோனி, "கடந்த இரு நாட்களாக எனக்கு ஜூரம் இல்லை. ஆனால், சற்று பலவீனமாக இருக்கிறேன்" என்றார்.

ஆகையால், இன்று அவர் முழு உடற்தகுதியுடன் இல்லை என்பதை இதர சிஎஸ்கே வீரர்கள் நினைவில் கொண்டு, தோனிக்கு சப்போர்ட் செய்தால் நல்லது.

சென்னை சூப்பர் கிங்ஸ் அணி 9 ஓவர்கள் முடிவில் 1 விக்கெட் இழப்பிற்கு 50 ரன்கள் எடுத்துள்ளது. 

Chinna Thala and Faf show steadying the innings, setting up a perfect launchpad! CSK - 50/1 after 9 overs! #WhistlePodu #Yellove #CSKvDC 💛🦁

— Chennai Super Kings (@ChennaiIPL) 1 May 2019

சென்னை அணியின் முதல் பவுண்டரியே 5வது ஓவரில் தான் கிடைத்தது. க்ரிஸ் மோரிஸ் ஓவரில் டு பிளசிஸ் அந்த மகத்தான சாதனையை படைத்திருக்கிறார்.

இது உலக வழக்கம் தானே. ஷேன் வாட்சன் 9 பந்துகளில் 0 ரன்களுடன் சுசித் ஓவரில் கேட்ச் ஆனார்.

பவர் பிளேயில் மகாமட்டமாக ஆடி வருகிறது சென்னை சூப்பர் கிங்ஸ்.

சென்னை சூப்பர் கிங்ஸ் முதல் 3 ஓவரில் விக்கெட் இழப்பின்றி 3 ரன்கள் எடுத்துள்ளது. ரன் ரேட் 1..

என்னா அடி!!

சென்னை சூப்பர் கிங்ஸ் அணியின் மிகப்பெரிய பிரச்சனையே பேட்டிங் தான். கன்சிஸ்டன்ஸி இல்லாத பேட்டிங், ரெய்னா, ராயுடு, வாட்சன் ஆகியோரின் இன்கன்சிஸ்டன்ஸி பெர்ஃபாமன்ஸ் போன்றவற்றை ஈடுகட்ட வேண்டிய நிர்பந்தம் சென்னை அணிக்கு உள்ளது.

சென்னை சூப்பர் கிங்ஸ் தொடக்க வீரர்களாக ஷேன் வாட்சன், டு பிளசிஸ் களமிறங்கியுள்ளனர். 

முதல் ஓவருலயே யார் அவுட் ஆகப் போறாங்களோ!!

ப்ரித்வி ஷா, ஷிகர் தவான், ஷ்ரேயாஸ் ஐயர்(c), ரிஷப் பண்ட்(w), கோலின் இங்ரம், ஷெர்ஃபேன் ரூதர்போர்டு, அக்ஷர் படேல், ஜகதீஷா சுசித், சந்தீப் லமிச்சனே, அமித் மிஸ்ரா, ட்ரெண்ட் போல்ட்

ஷேன் வாட்சன், ஃபாப் டு பிளசிஸ், சுரேஷ் ரெய்னா, அம்பதி ராயுடு, எம்எஸ் தோனி(w/c), கேதர் ஜாதவ், ரவீந்திர ஜடேஜா, டுவைன் பிராவோ, தீபக் சாஹர், ஹர்பஜன் சிங், இம்ரான் தாஹிர்

மும்பைக்கு எதிரான போட்டியில் காய்ச்சல் காரணமாக ஆடாத கேப்டன் தோனி இன்று களமிறங்குகிறார். டாஸ் வென்ற டெல்லி கேப்டன் ஷ்ரேயாஸ் ஐயர் பவுலிங்கை தேர்வு செய்ய, சென்னை பேட்டிங்.