இறுதிப் போட்டிக்கு முன்னேறிய மும்பை இந்தியன்ஸ்! தனி ஒருவனாக வெற்றியை உறுதி செய்த சூர்யகுமார் யாதவ்!

மும்பை இந்தியன்ஸ் 6 விக்கெட்டுகள் வித்தியாசத்தில் வெற்றிப் பெற்றுள்ளது. 18.3வது ஓவரில் 4 விக்கெட்டுகளை மட்டும் இழந்து 132 ரன்கள் எடுத்து வென்றது.

17 ஓவர்கள் முடிவில் மும்பை இந்தியன்ஸ் 125/4...

அவ்ளோ தான்... எல்லாம் கெளம்பு, கெளம்பு

இந்தியாவின் டி வில்லியர்ஸ் சூர்யகுமார் யாதவ், 37 பந்துகளில் 52 ரன்கள் எடுத்து மும்பை இந்தியன்ஸ் வெற்றியை ஏறக்குறைய உறுதி செய்திருக்கிறார். 

இருப்பினும், காலம் போன காலத்தில் 28 ரன்களில் இஷான் கிஷன் இம்ரான் தாஹிர் ஓவரில் போல்டானார்.

ரன் ரேட் 6க்கும் கீழ் சென்றுவிட்டது. இரண்டு பேட்ஸ்மேன்கள் நன்றாக செட்டாகி விட்டனர். இனி, மும்பையை வீழ்த்துவது என்பது கனவிலும் நடக்காத ஒன்று.

பவர்பிளே முடிந்த பிறகு, மும்பை இந்தியன்ஸ் பேட்ஸ்மேன்கள் சூர்யகுமார் யாதவ்வும், இஷான் கிஷனும் ஒரு பந்தை கூட தூக்கி அடிக்கவில்லை. 

அனைத்தும் தரை வழி மார்க்கமாகவே சென்றுக் கொண்டிருக்கிறது. அவசரப்படத் தேவையில்லை என்பதில் மிகத் தெளிவாக உள்ளனர்.

6வது ஓவரை வீசிய ஹர்பஜன் பந்துகளை பவுண்டரி, சிக்ஸ் என அமர்க்கப்படுத்தி விட்டார் இஷான் கிஷன். 

பஜ்ஜி பா... நீங்களே இப்படி பண்ணா எப்படி!!

ஹர்பஜன் ஓவரில் டி காக் 8 ரன்களில் லாங் ஆஃப்-ல் கேட்ச் கொடுத்து வெளியேறினார். கொஞ்சம் அவசரப்பட்டு அடிக்கப் போக, டு பிளசிஸ் கைகளில் பந்து சிக்கியது.

மும்பை இந்தியன்ஸ் 7க்கும் மேல் ரன் ரேட் வைத்து ஆடி வருகிறது. 132 ரன் டார்கெட்டுக்கு இதுலாம் போதாது சிஎஸ்கே...இந்நேரம் 2 விக்கெட்டாவது கைப்பற்றி இருக்கணும்.

132 ரன்கள் எனும் இலக்கை நோக்கிய மும்பைக்கு முதல் பந்தே பவுண்டரி.. நோக்கியோ!! ஆனால், இரண்டாவது பதில் ரோஹித் எல்பிடபிள்யூ ஆக, அதிர்கிறது சேப்பாக் ஸ்டேடியம்.

132 ரன்கள் இலக்கு என்பது இந்த பிட்சை பொறுத்தவரை, லைட்டான டஃப் ஸ்கோர் எனலாம். இருப்பினும், மும்பை ஹிட்டர்ஸ், இதனை எளிதாக கடந்துவிடுவார்கள் என்பதால்,

மும்பை - 80%

சென்னை - 20%

வெற்றிப் பெற வாய்ப்பு உள்ளது.

சென்னை சூப்பர் கிங்ஸ் 20 ஓவர்கள் முடிவில், 4 விக்கெட் இழப்பிற்கு 131 ரன்கள் எடுத்துள்ளது.

19வது ஓவரை வீசிய மலிங்காவின் பந்துகளில் இரண்டை சிக்ஸருக்கு தூக்கி அசத்தினார் கேப்டன் மகேந்திர சிங் தோனி...

தோனியே அதிரடியாக ஆட முடியாமல் தடுமாறி வருகிறார் என்றால் பார்த்துக் கொள்ளுங்கள். அப்படி ஒரு பிட்ச் இது.

16 ஓவர்கள் முடிவில் சென்னை சூப்பர் கிங்ஸ் 4 விக்கெட் இழப்பிற்கு 96 ரன்கள் எடுத்துள்ளது.

தோனி, ராயுடு களத்தில்...

சென்னை அணியின் முதல் சிக்ஸ் இது... ஜெயந்த் யாதவ் ஓவரில், தோனி ஒரு ஸ்ட்ரெய்ட் சிக்ஸ் அடிக்க, அதே ஓவரின் கடைசி பந்தில் ராயுடு டீப் மிட் விக்கெட்டில் மற்றொரு சிக்ஸ்...

வெல் செட்டில்ட் பேட்ஸ்மேன் முரளி விஜய், ராகுல் சாஹர் ஓவரில் 26 ரன்களில் ஸ்டெம்பிங் ஆனார். 

தோனி இன்...

32 ரன்களுக்கு 3 விக்கெட்டுகளை இழந்த பிறகு, முரளி விஜய்யும், அம்பதி ராயுடுவும் ஓரளவுக்கு இழுத்துப் பிடித்து ஆடி வருகின்றனர். ஒரு 15 ஓவர் வரை விக்கெட் இழக்காமல் சென்றால், சிஎஸ்கே 130 ரன்களை தாண்ட வாய்ப்பிருக்கிறது.

9 ஓவர்கள் முடிவில், சென்னை சூப்பர் கிங்ஸ் 46-3

130 அடிக்குமா??

இந்த சீசனில் பவர்பிளேயில் 11வது முறையாக வாட்சன் அவுட்டாகி, எந்த பேட்ஸ்மேனும் செய்யாத சாதனையை நிகழ்த்தி இருக்கிறார்.

தவிர, நடப்பு ஐபிஎல் தொடரில் பவர்பிளேயில் 29 விக்கெட்டுகள் இழந்து, சென்னை சூப்பர் கிங்ஸ் முதலிடத்தில் உள்ளது.

வாட்சன் 10 ரன்களில், க்ருனால் பாண்ட்யா ஓவரில் அவுட்டாக, சென்னை சூப்பர் கிங்ஸ் 6 ஓவர்கள் முடிவில் 32-3.

வெளங்கிடும்...

இப்போது சென்னை சூப்பர் கிங்ஸ் உள்ள நிலைமைக்கு 140 ரன்கள் அடித்தாலே, அது மகத்தான விஷயம் தான். 140-150 அடித்துவிட்டாலே மும்பையை ஓரளவுக்கு டஃப் கொடுக்க முயற்சிக்கலாம்.

'சின்ன தல' என்று அன்போடு அழைக்கப்படும் சுரேஷ் ரெய்னா, 5 ரன்களில், ஜெயந்த் யாதவ் ஓவரில் அவரிடமே கேட்ச் கொடுத்து வெளியேற, சிஎஸ்கே ஃபேன்ஸ் பின் டிராப் சைலன்ஸ்...

அடக் கிரகமே!! ராகுல் சாஹரின் மிக மிக சாதாரண ஒரு பந்தில் டு பிளசிஸ் படு மொக்கையான ஏர் ஷாட் ஒன்று அடிக்க, 11 பந்துகளில் 6 ரன்களில் அவுட்..

மலிங்கா வீசிய முதல் ஓவரின் கடைசி பந்தில் டு பிளசிஸ் ஒரு சிங்கிள் எடுக்க, அந்த ஓவரில் ஒரு ரன் மட்டுமே கிடைத்தது.

சிங்கிள் டூ சிக்சஸ்....

முரளி விஜய்யை ஓப்பனிங் இறக்கி விடுவாங்கன்னு பார்த்தா, டு பிளசிஸ்-ஐ இறக்கி விட்டு இருக்காரு தோனி... தல உங்க ஸ்டிராடஜியே புரியல போங்க...

எட்டு விக்கெட் வித்தியாசத்தில் வெற்றி, 2012

ஒன்பது விக்கெட் வித்தியாசத்தில் வெற்றி, 2013

ஆறு விக்கெட் வித்தியாசத்தில் வெற்றி, 2015

46 ரன்கள் வித்தியாசத்தில் வெற்றி, 2019

குயிண்டன் டி காக்(w), ரோஹித் ஷர்மா(c), சூர்யகுமார் யாதவ், இஷான் கிஷன், ஹர்திக் பாண்ட்யா, க்ருனால் பாண்ட்யா, கீரன் பொல்லார்ட், ஜெயந்த் யாதவ், ராகுல் சாஹர், ஜஸ்பிரித் பும்ரா, லசித் மலிங்கா

ஷேன் வாட்சன், முரளி விஜய், பாப் டு பிளசிஸ், சுரேஷ் ரெய்னா, எம்எஸ் தோனி(w/c), அம்பதி ராயுடு, டுவைன் பிராவோ, ரவீந்திர ஜடேஜா, ஹர்பஜன் சிங், தீபக் சாஹர், இம்ரான் தாஹிர்

டாஸ் வென்ற சென்னை சூப்பர் கிங்ஸ் கேப்டன் தோனி பேட்டிங்கை தேர்வு செய்துள்ளார். 

மனசாட்சிப் படி சொல்ல வேண்டுமெனில், சென்னையை கம்பேர் செய்கையில் மும்பை வலிமையான அணியே. அதனை மீறி தோனி என்ன செய்யப் போகிறார் என்பதே கேள்வி.

வழக்கமாக 7.30 மணிக்கு போடப்படும் டாஸ், இன்றைய குவாலிஃபயர் ஆட்டத்தில் 7 மணிக்கு போடப்படும். 

அப்புறம் என்ன, மத்த வேலை வெட்டியை தூக்கி தூரப்போடுங்க...

இன்றைய மேட்ச் இரவு 7.30 மணிக்கு என்பதை மறந்துவிட வேண்டாம். நீங்க பாட்டுக்கு வழக்கம் போல 8 மணிக்கு டிவியை ஆன் பண்ணாதீங்க!! 5 ஓவர் முடிஞ்சிருக்கும்...