IPL 2023: Injured Players list in tamil: 10 அணிகள் களமாடும் ஐ.பி.எல் (2023) டி20 கிரிக்கெட் திருவிழா வருகிற 31ம் தேதி முதல் தொடங்குகிறது. இந்த தொடருக்கான தொடக்க ஆட்டத்தில் நடப்பு சாம்பியனான குஜராத் டைட்டன்ஸ் மற்றும் 4 முறை சாம்பியனான சென்னை சென்னை சூப்பர் கிங்ஸ் அணிகள் மோதுகின்றன. இதையொட்டி, கிரிக்கெட் ரசிகர்கள் மத்தியில் உள்ள எதிர்ப்பார்ப்பு எகிறியுள்ளது.
இந்நிலையில், இந்தியன் பிரீமியர் லீக் (ஐபிஎல் 2023) தொடரில் களமாடும் சில அணிகளில் உள்ள முக்கிய வீரர்கள் காயம் காரணமாக அவதிப்பட்டு வருவது அந்த அணிகளை கவலையில் ஆழ்த்தியுள்ளது. மும்பை இந்தியன்ஸ் அணியில் 2 வீரர்கள், டெல்லி கேப்பிடல்ஸ் அணியில் 4 வீரர்கள், பஞ்சாப் கிங்ஸ் அணியில் ஒரு வீரர், சென்னை சூப்பர் கிங்ஸ் அணியைச் சேர்ந்த 2 வீரர்கள், ராஜஸ்தான் ராயல்ஸ் அணியில் ஒரு வீரர், கொல்கத்தா நைட் ரைடர்ஸ் அணியில் ஒரு வீரர் என பல முன்னணி வீரர்கள் காயத்தால் பாதிக்கப்பட்டுள்ளனர்.
காயமடைந்த வீரர்களின் பட்டியல் பின்வருமாறு:-
ஜஸ்பிரித் பும்ரா
ஜே ரிச்சர்ட்சன் (மும்பை இந்தியன்ஸ்)
ரிஷப் பண்ட் (டெல்லி கேப்பிடல்ஸ் )
டேவிட் வார்னர் (டெல்லி கேப்பிடல்ஸ் )
சர்பராஸ் கான் (டெல்லி கேப்பிடல்ஸ் )
அன்ரிச் நார்ட்ஜே (டெல்லி கேப்பிடல்ஸ் )
பென் ஸ்டோக்ஸ் (சென்னை சூப்பர் கிங்ஸ்)
கைல் ஜேமிசன் (சென்னை சூப்பர் கிங்ஸ்)
ஜானி பேர்ஸ்டோ (பஞ்சாப் கிங்ஸ் )
பிரசித் கிருஷ்ணா (ராஜஸ்தான் ராயல்ஸ் )
ஷ்ரேயாஸ் ஐயர் (கொல்கத்தா நைட் ரைடர்ஸ்)
ஐ.பி.எல் தொடருக்கான டெல்லி
5 முறை ஐபிஎல் கோப்பையை வென்று சாதனை படைத்த மும்பை இந்தியன்ஸ் அணியும் வீரர்களின் காயத்தால் கடுமையாக பாதிக்கப்பட்டுள்ளது. உலகின் தலைசிறந்த வேகப்பந்து வீச்சாளர்களில் ஒருவரான ஜஸ்பிரித் பும்ரா முதுகில் ஏற்பட்ட காயத்தால் அவதிப்பட்டு, போட்டியில் இருந்து வெளியேறினார். அணியால் பெரும் தொகைக்கு வாங்கப்பட்ட ஜெய் ரிச்சர்ட்சனும் தொடையில் ஏற்பட்ட காயத்தால் வெளியேறி இருக்கிறார்.
ஐபிஎல் தொடரில் வெற்றிகரமான 2வது அணியாக வலம் வரும் சென்னை
கடந்த ஐபிஎல் தொடரில் 6வது இடத்தைப் பிடித்த பஞ்சாப் கிங்ஸ், தற்போது ஜானி பேர்ஸ்டோவுக்கு மாற்றாக வீரரை தேடி வருகிறது. அவருக்கு கடந்த ஆண்டு செப்டம்பர் 2ஆம் தேதி கோல்ஃப் விளையாடியபோது இடது கால் முறிந்து கணுக்கால் சிதைந்தது. இதுபோல், ராஜஸ்தான் ராயல்ஸ் மற்றும் கொல்கத்தா நைட் ரைடர்ஸ் அணிகளும் காயங்களால் பாதிக்கப்பட்டுள்ளன. அந்த அணிகளில் விளையாடி வரும் பிரசித் கிருஷ்ணா மற்றும் ஷ்ரேயாஸ் ஐயர் இருவரும் காயங்களுடன் உள்ளனர்.
இந்த வீரர்களுக்கு ஏற்பட்ட காயம் ரசிகர்கள் மற்றும் அணி நிர்வாகம் மத்தியில் கவலையை ஏற்படுத்தியுள்ளது. ஐபிஎல் ஒரு நீண்ட மற்றும் கடினமான போட்டியாகும். ஒவ்வொரு அணியும் லீக் கட்டத்தில் மட்டும் 14 போட்டிகளில் விளையாடுகிறது. பிளேஆஃப்கள் மற்றும் இறுதிப் போட்டிகளின் கூடுதல் அழுத்தத்துடன், அணிகள் தங்கள் வசம் முழு வலிமை கொண்ட அணியை வைத்திருப்பது முக்கியம்.
காயங்கள் விளையாட்டின் தவிர்க்க முடியாத பகுதியாக இருந்து வரும் நிலையில், இதுபோன்ற பின்னடைவுகளைத் தவிர்ப்பதற்கு தங்கள் வீரர்களின் பணிச்சுமை மற்றும் உடற்தகுதியை நிர்வகிப்பது அணிகளின் கையில் உள்ளது. ஐபிஎல் போட்டிக்கு இன்னும் சில நாட்களே உள்ள நிலையில், முக்கிய வீரர்கள் இல்லாததால் பாதிக்கப்பட்ட அணிகள் எப்படி சமாளிக்கும் என்பதை பொறுத்திருந்து தான் பார்க்க வேண்டும்.
தமிழ் இந்தியன் எக்ஸ்பிரஸின் அனைத்துசெய்திகளையும்உடனுக்குடன் டெலிகிராம் ஆப்பில் பெற https://t.me/ietamil
