CSK vs RCB Highlights: 50 ரன்கள் வித்தியாசத்தில் சென்னையை வீழ்த்தி அபார வெற்றி பெற்ற ஆர்.சி.பி!

IPL 2025, CSK vs RCB Live Cricket Score Updates: 10 அணிகள் பங்கேற்கும் ஐ.பி.எல். 2025 டி20 தொடரின் 18-வது சீசன் மார்ச் 22 முதல் பரபரப்பாக அரங்கேறி வருகிறது. இந்நிலையில், இந்த தொடரில் இன்று வெள்ளிக்கிழமை சென்னை சேப்பாக்கத்தில் நடைபெறும்  8-வது லீக் போட்டியில் சென்னை சூப்பர் கிங்ஸ் -  ராயல் சேலஞ்சர்ஸ் பெங்களூரு அணிகள் மோதின. 

ஆங்கிலத்தில் படிக்கவும்: IPL 2025, CSK vs RCB LIVE Cricket Score

இந்த ஆட்டத்தில் 50 ரன்கள் வித்தியாசத்தில் சென்னை அணியை வீழ்த்தி பெங்களூரு அணி அபார வெற்றி பெற்றது.

Mar 28, 2025 23:28 IST
50 ரன்கள் வித்தியாசத்தில் அபார வெற்றி பெற்ற ஆர்.சி.பி
இந்த போட்டியில் 50 ரன்கள் வித்தியாசத்தில் பெங்களூரு அணி அபார வெற்றி பெற்றது. தொடக்கம் முதலே ஆதிக்கம் செலுத்திய பெங்களூரு அணியினர், சென்னை வீரர்களை ரன்கள் குவிக்க விடாமல் கட்டுப்படுத்தினர். ரச்சின் ரவிந்திரா 41 ரன்கள் எடுத்த நிலையில் மற்ற அனைத்து வீரர்களும் சொற்ப ரன்களில் ஆட்டமிழந்தனர். இறுதியாக, 16 பந்துகளில் 3 பவுண்டரி மற்றும் 2 சிக்ஸர்களுடன் 30 ரன்கள் குவித்த தோனி ஆட்டமிழக்காமல் களத்தில் இருந்தார். 20 ஓவர்கள் முடிவில்  8 விக்கெட் இழப்புக்கு 146 ரன்கள் மட்டுமே சென்னை அணி எடுத்தது. இதன் மூலம் 50 ரன்கள் வித்தியாசத்தில் பெங்களூரு வெற்றி பெற்றது.



Mar 28, 2025 22:44 IST
சொற்ப ரன்களில் ஆட்டமிழக்கும் வீரர்கள்
சென்னை சூப்பர் கிங்ஸ் அணி வீரர்கள் சொற்ப ரன்களில் ஆட்டமிழந்து வருகின்றனர். 13 ஓவர்களில் 81 ரன்களுக்கு 6 விக்கெட்டுகளை இழந்து சி.எஸ்.கே அணி தடுமாறுகிறது. பெங்களூரு அணியில் இருந்து ஹேசல்வுட், யாஷ் தயால், புவனேஷ்வர் குமார், லியம் லிவிங்ஸ்டன் ஆகியோர் விக்கெட்டுகளை அதிரடியாக கைப்பற்றினர்.



Advertisment
Advertisements
Mar 28, 2025 22:24 IST
10 ஓவர்களில் 65 ரன்கள்
சென்னை அணி வீரர்கள் ரன்கள் குவிக்க தடுமாறி வருகின்றனர். 10 ஓவர்களில் 4 விக்கெட் இழப்புக்கு 65 ரன்கள் மட்டுமே சென்னை அணியினர் எடுத்துள்ளனர். இதில் ரச்சின் ரவிந்திரா 36 ரன்களும், துபே 12 ரன்களும் எடுத்து களத்தில் உள்ளனர். 



Mar 28, 2025 22:07 IST
7 ஓவர்களில் 40 ரன்கள்
சென்னை அணி 7 ஓவர்களில் 3 விக்கெட் இழப்புக்கு 40 ரன்கள் எடுத்துள்ளது. அதன்படி, ரச்சின் ரவிந்திரா 26 ரன்களுடனும், சாம் கரன் 4 ரன்களுடன் களத்தில் உள்ளனர். பெங்களூரு அணியில் இருந்து ஹேசல்வுட் 2 விக்கெட்டும், புவனேஷ்குமார் 1 விக்கெட்டும் கைப்பற்றினர்.



Mar 28, 2025 21:46 IST
அடுத்தடுத்து 2 விக்கெட்டுகளை இழந்த சி.எஸ்.கே
197 ரன்கள் எடுத்தால் வெற்றி என்ற இலக்குடன் களமிறங்கிய சென்னை அணிக்கு ஆரம்பமே அதிர்ச்சியாக அமைந்தது. தொடக்க ஆட்டக்காரர்களாக களமிறங்கியதில் ராகுல் திரிபாதி 5 ரன்களில் ஆட்டமிழந்தார். அடுத்ததாக வந்த அணியின் கேப்டன் ருத்ராஜ், ரன்கள் ஏதும் எடுக்காமல் வந்த வேகத்தில் பெவிலியன் திரும்பினார். தற்போது ரச்சின் ரவிந்திரா 8 ரன்களுடனும், தீபக் ஹூடா 4 ரன்களுடனும் களத்தில் உள்ளனர்.



Mar 28, 2025 21:16 IST
சி.எஸ்.கே அணிக்கு 197 ரன்கள் இலக்கு
சென்னை சூப்பர் கிங்ஸ் அணிக்கு 197 ரன்கள் இலக்காக நிர்ணயம் செய்யப்பட்டுள்ளது. முதலில் ஆடிய ஆர்.சி.பி அணி 7 விக்கெட் இழப்புக்கு 20 ஓவர்கள் முடிவில் 196 ரன்கள் குவித்தது. அந்த அணியில் அதிகபட்சமாக படிதார் 51 ரன்களும், பில் சால்ட் 32 ரன்களும், கோலி 31 ரன்களும் எடுத்தனர். சென்னை அணியில் நூர் அகமது 3 விக்கெட்டுகளை கைப்பற்றினார்.



Mar 28, 2025 21:05 IST
அரை சதம் விளாசிய ரஜத் படிதார்
பெங்களூரு வீரர் ரஜத் படிதார் அரை சதம் விளாசினார். அணியின் வீரர்கள் அடுத்தடுத்து ஆட்டமிழந்த நிலையில் தனி ஆளாக போராடிய ரஜத் படிதார், 32 பந்துகளில் 51 ரன்கள் விளாசி ஆட்டமிழந்தார். அவரது விக்கெட்டை பதிரனா வீழ்த்தினார்.



Mar 28, 2025 20:54 IST
பந்துவீச்சில் அசத்தும் நூர் அகமது
சி.எஸ்.கே அணியின் நூர் அகமது பந்துவீச்சில் அசத்தி வருகிறார். முக்கிய பேட்ஸ்மன்களான  பில் சால்ட், விராட் கோலி உள்பட இதுவரை மொத்தம் 3 விக்கெட்டுகளை அவர் வீழ்த்தியுள்ளார். இதனால் ஆர்.சி.பி பேட்ஸ்மேன்கள் ரன்கள் குவிக்க திணறி வருகின்றனர்.



Mar 28, 2025 20:35 IST
ரசிகர்களுக்கு ஷாக் கொடுத்த கோலி
ஆர்.சி.பி அணியின் நட்சத்திர ஆட்டக்காரர் விராட் கோலி, 30 பந்துகளில் 31 ரன்கள் மட்டுமே எடுத்து ஆட்டமிழந்தார். நூர் அகமது வீசிய பந்தை அடிக்க முயற்சித்த போது, அதனை ரச்சின் ரவிந்திரா பிடித்தார். இதனால் கோலி பெவிலியன் திரும்பினார்.



Mar 28, 2025 20:21 IST
10 ஓவர்களில் 93 ரன்கள் குவித்த ஆர்.சி.பி
ஆர்.சி.பி அணி 10 ஓவர்களில் 2 விக்கெட் இழப்புக்கு 93 ரன்கள் குவித்தது. விராட் கோலி 22 பந்துகளில் 16 ரன்களுடனும், ரஜத் படிதார் 8 பந்துகளில் 11 ரன்களுடனும் களத்தில் உள்ளனர். சென்னை தரப்பில் நூர் அகமது, அஷ்வின் ஆகியோர் தலா ஒரு விக்கெட் வீழ்த்தினர்.



Mar 28, 2025 20:15 IST
படிக்கல்லை அவுட்டாக்கிய அஷ்வின்
பெங்களூரு அணியின் படிக்கல் விக்கெட்டை அஷ்வின் வீழ்த்தினார். குறிப்பாக, 14 பந்துகளில் 2 பவுண்டரி மற்றும் 2 சிக்ஸர்களுடன் அணியின் ரன்களை படிக்கல் அதிரடியாக உயர்த்திய நிலையில், அஷ்வின் பந்து வீச்சில் அவுட்டாகி பெவிலியன் திரும்பினார். இதைத் தொடர்ந்து, விராட் கோலி மற்றும் ரஜத் படிதார் ஆகியோர் தற்போது களத்தில் உள்ளனர்.



Mar 28, 2025 20:00 IST
ஆட்டமிழந்த பில் சால்ட்; ஆர்.சி.பி ரசிகர்கள் அதிர்ச்சி
அதிரடியாக ஆடிய பில் சால்ட் 32 ரன்களில் ஆட்டமிழந்து பெவிலியன் திரும்பியது ஆர்.சி.பி ரசிகர்களை அதிர்ச்சியில் ஆழ்த்தியது. நூர் அகமது வீசிய பந்தில், தோனி ஸ்டம்பிங் செய்ததில் பில் சால்ட் அவுட்டானார். இதைத் தொடர்ந்து, விராட் கோலி மற்றும் படிக்கல் ஆகியோர் ஆடி வருகின்றனர்.



Mar 28, 2025 19:47 IST
3 ஓவர்களில் 32 ரன்கள் குவித்த பெங்களூரு
பெங்களூரு அணி மூன்று ஒவர்களில் 32 ரன்கள் குவித்து தொடர்ந்து அதிரடியாக ஆடுகிறது. பில் சால்ட் 13 பந்துகளில் 30 ரன்களுடனும், கோலி 1 ரன்னுடனும் களத்தில் ஆட்டமிழக்காமல் உள்ளனர்.



Mar 28, 2025 19:39 IST
அதிரடி காட்டும் பில் சால்ட்
பெங்களூரு அணி தரப்பில் இருந்து விராட் கோலி மற்றும் பில் சால்ட் ஆகியோர் தொடக்க ஆட்டக்காரர்களாக களம் இறங்கினர். இதில் அதிரடியாக ஆடி வரும் பில் சால்ட் இரண்டு ஓவர்கள் முடிவில் 4 பவுண்டரி மற்றும் 1 சிக்ஸர் விளாசினார். அதன்படி, பெங்களூரு அணி இரண்டு ஓவர்களில் 25 ரன்கள் குவித்துள்ளது.



Mar 28, 2025 19:07 IST
டாஸ் வென்ற சென்னை அணி பந்துவீச்சை தேர்வு
ராயல் சேலஞ்சர்ஸ் பெங்களூரு அணிக்கு எதிரான இன்றைய போட்டியில் டாஸ் வென்ற சென்னை அணி, முதலில் பந்து வீச்சை தேர்வு செய்தது. அதன்படி, பெங்களூரு அணி முதலில் பேட்டிங்கிற்காக களத்தில் இறங்க இருக்கிறது.



Mar 28, 2025 18:11 IST
ரச்சினைப் புகழ்ந்த ஸ்டீபன் ஃப்ளெமிங் 
"சுழல் பந்து வீச்சுக்கு எதிரான அவரது ஆட்டம் எப்போதும் மிகவும் சிறப்பாக இருந்தது. 12 மாதங்களில் அவரது வளர்ச்சி சிறப்பாக இருந்ததாக நான் நினைக்கிறேன். ஆர்.சி.பி-க்கு எதிரான அவரது கடைசி ஆட்டம், முரண்பாடாக, அவரது சிறந்த இன்னிங்ஸ்களில் ஒன்றாகும். அதன் பிறகு, அவர் நியூசிலாந்துக்காக மிகவும் நேர்த்தியான முறையில் பல ரன்களை குவித்துள்ளார். மும்பைக்கு எதிரான ஆட்டத்தின் வேகத்தைக் கட்டுப்படுத்துவதில் அவரது முயற்சி சிறப்பாக இருந்தது என்று நான் நினைத்தேன். அவருக்கு சக்தி இருக்கிறது, அவருக்கு புத்திசாலித்தனமும் இருக்கிறது." என்று ஸ்டீபன் ஃப்ளெமிங் புகழ்ந்துள்ளார். 
 



Mar 28, 2025 17:31 IST
இரு அணிகளின் உத்தேச ஆடும் லெவன் வீரர்கள் பட்டியல்:
ஆர்.சி.பி: விராட் கோலி, பில் சால்ட் (விக்கெட் கீப்பர்), தேவ்தத் படிக்கல், ரஜத் படிதார் (கேப்டன்), லியாம் லிவிங்ஸ்டோன், ஜிதேஷ் சர்மா (விக்கெட் கீப்பர்), டிம் டேவிட், க்ருனால் பாண்டியா, ரசிக் தார், யாஷ் தயாள், ஜோஷ் ஹேசில்வுட், சுயாஷ் சர்மா



Mar 28, 2025 17:31 IST
இரு அணிகளின் உத்தேச ஆடும் லெவன்  வீரர்கள் பட்டியல்: 
சி.எஸ்.கே: ராகுல் திரிபாதி, ரச்சின் ரவீந்திரா, ருதுராஜ் கெய்க்வாட் (கேப்டன்), சிவம் துபே, தீபக் ஹூடா, ரவீந்திர ஜடேஜா, சாம் கர்ரன், எம்.எஸ் தோனி (விக்கெட் கீப்பர்), ரவிச்சந்திரன் அஷ்வின், நாதன் எல்லிஸ், நூர் அகமது, கலீல் அகமது.  
 
 



Mar 28, 2025 17:28 IST
நேருக்கு நேர் 
ஐ.பி.எல்-லில் பெங்களூரு மற்றும் சென்னை அணிகள் 33 போட்டிகளில் நேருக்கு நேர் மோதியுள்ளன. இந்த 33 போட்டிகளில் பெங்களூரு அணி 11 போட்டிகளில் வெற்றி பெற்றுள்ளது. சென்னை அணி 21 போட்டிகளில் வெற்றி பெற்றுள்ளது. 1 போட்டிக்கு முடிவு இல்லை. 



Mar 28, 2025 17:28 IST
சி.எஸ்.கே - ஆர்.சி.பி மோதல் 
ஐ.பி.எல் தொடரில் இன்று வெள்ளிக்கிழமை இரவு 7:30 மணிக்கு சென்னை சேப்பாக்கத்தில்  நடைபெறும்  8-வது லீக் போட்டியில் சென்னை சூப்பர் கிங்ஸ் -  ராயல் சேலஞ்சர்ஸ் பெங்களூரு அணிகள் மோத உள்ளன. 



Mar 28, 2025 17:08 IST
'தமிழ் இந்தியன் எக்ஸ்பிரஸ்' இணையப் பக்கத்திற்கு அன்புடன் வரவேற்கிறோம்!
ஐ.பி.எல். 2025 தொடரில் சென்னை சேப்பாக்கத்தில், சென்னை சூப்பர் கிங்ஸ் -  ராயல் சேலஞ்சர்ஸ் பெங்களூரு அணிகள் மோதும் 8-வது லீக் போட்டி தொடர்பாக உடனுக்குடன் அறிந்து கொள்ள 'தமிழ் இந்தியன் எக்ஸ்பிரஸ்' இணையப் பக்கத்துடன் இணைந்திருங்கள்.