ஜி.எஸ்.எல்.வி ராக்கெட் மாதிரி: பிரக்ஞானந்தாவுக்கு நினைவுப் பரிசு கொடுத்த இஸ்ரோ தலைவர்

Pragnanandha | isro: இஸ்ரோ தலைவர் சோம்நாத் இன்று சென்னை வந்தார். இந்நிலையில், சென்னையில் உள்ள செஸ் கிராண்ட்மாஸ்டர் பிரக்ஞானந்தா வீட்டுக்கு நேரில் சென்ற அவர், பிரக்ஞானந்தாவுக்கு ஜி.எஸ்.எல்.வி ( GSLV) ராக்கெட்டின் மாதிரியை நினைவுப் பரிசாக வழங்கி மகிழ்ந்தார். எதிர்வரும் போட்டிகள் அனைத்திலும் சிறப்பாக விளையாட பிரக்ஞானந்தாவுக்கு வாழ்த்து தெரிவித்தார். 

இது தொடர்பாக அவர் பேசுகையில், "ஒவ்வொரு இந்தியரைப் போலவே, நாமும் பிரக்ஞானந்தாவின் சாதனைக்காக மிகவும் பெருமைப்படுகிறோம். அவர் இப்போது உலக தரவரிசையில் 15 வது இடத்தில் உள்ளார். விரைவில் அவர் உலகின் நம்பர். 1 இடத்தைப் பிடிப்பார்.  செஸ் என்பது இந்தியாவில் தொடங்கப்பட்ட ஒரு பழமையான விளையாட்டு. நாம்தான் அதன் பிறப்பிடம். இது மனமும் புத்திசாலித்தனமும் கொண்ட விளையாட்டு. மற்றும் இது புத்திசாலித்தனம், திட்டமிடல் மற்றும் உத்தியின் விளையாட்டு. அதற்கு இந்தியாவும் மிகவும் பிரபலமானது. 

நிலவில் பிரக்யான் இருக்கிறது என்று பெருமை கொள்கிறோம், அதே போல் பூமியில் பிரக்யானாக பிரக்ஞானந்தா இருக்கிறார். நிலவில் இந்தியாவுக்கு நாம் என்ன செய்தோமோ அதை அவர் நிலத்தில் சாதித்திருக்கிறார். அவர் விண்வெளி ஆராய்ச்சியை மேம்படுத்த எங்களுடன் இணைந்து பணியாற்றப் போகிறார். அறிவியல், பொறியியல் மற்றும் தொழில்நுட்பத்தை எடுத்துக்கொண்டு இந்தியாவை ஒரு சக்திவாய்ந்த தேசமாக மாற்ற இளைஞர்களை ஊக்குவிப்பதில் எங்களுடன் இணைந்து பணியாற்றுவார்." என்று இஸ்ரோ தலைவர் சோம்நாத் கூறினார். 

இளம் கிராண்ட்மாஸ்டர் பிரக்ஞானந்தா பேசுகையில், 'இஸ்ரோ தலைவர் சோமநாத்தை சந்திப்பதில் பெருமிதம் கொள்கிறேன். சந்திரயான் 3 புறப்பட்டு தரையிறங்குவதைப் பார்த்தது எனக்கு நினைவிருக்கிறது. எனது பயணம் மற்றும் பயிற்சி குறித்து விவாதித்தோம். ராக்கெட்டுகள் தயாரிக்கப்படும் திருவனந்தபுரத்திற்கும், ஸ்ரீஹரிகோட்டாவிற்கும் வருமாறு என்னை அவர் அழைத்துள்ளார். எனவே, நான் நிச்சயமாக அங்கு செல்வேன்' என்று கூறினார். 

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil“