Advertisment

உலகக் கோப்பை வரலாற்றில் புதிய சாதனை படைத்த முகமது ஷமி; அதிக விக்கெட் வீழ்த்திய இந்திய வீரராக அசத்தல்

உலகக் கோப்பை வரலாற்றில் ஜாகீர் கான் மற்றும் ஜவகல் ஸ்ரீநாத்தை முந்திய முகமது ஷமி; இலங்கைக்கு எதிரான 5 விக்கெட்களுடன் அதிக விக்கெட் எடுத்த இந்திய வீரராக சாதனை

author-image
WebDesk
Nov 02, 2023 23:16 IST
New Update
shami

இலங்கையின் ஏஞ்சலோ மேத்யூஸ் விக்கெட்டை வீழ்த்தியதை இந்திய வீரர் முகமது ஷமி கொண்டாடினார். (ராய்ட்டர்ஸ்)

வியாழன் அன்று வான்கடே மைதானத்தில் இலங்கைக்கு எதிராக 5 விக்கெட்டுகளை வீழ்த்தியதன் மூலம், ஜாகீர் கான் மற்றும் ஜவகல் ஸ்ரீநாத் போன்றவர்களை முந்தி, முகமது ஷமி உலகக் கோப்பையில் 45 விக்கெட்டுகளுடன் இந்தியாவுக்காக அதிக விக்கெட்களை எடுத்தவர் என்ற சாதனையைப் படைத்தார்.

Advertisment

ஆங்கிலத்தில் படிக்க: Mohammed Shami becomes India’s leading wicket taker in World Cup history with fifer vs Sri Lanka

இந்த உலகக் கோப்பையில் ஷமி ஒரு இன்னிங்க்ஸில் 5 விக்கெட்கள் வீழ்த்துவது இது இரண்டாவது முறையாகும், முன்னதாக தர்மசாலாவில் நியூசிலாந்திற்கு எதிராக ஷமி 5 விக்கெட்களை எடுத்தார். இன்றைய போட்டியில், சரித் அசலங்கா, துஷான் ஹேமந்த, ஏஞ்சலோ மேத்யூஸ், துஷ்மந்த சமீர மற்றும் கசுன் ராஜித ஆகியோரை வெளியேற்றியதன் மூலம் ஷமி இந்த சாதனையை படைத்தார்.

இன்றைய போட்டியில், இந்திய அணி 357 ரன்கள் குவித்த நிலையில், இலங்கை 55 ரன்களுக்கு ஆட்டமிழந்தது, இதனால் இந்தியா 302 ரன்கள் வித்தியாசத்தில் அபார வெற்றியைப் பதிவு செய்தது.

இலங்கை இன்னிங்ஸின் முதல் பந்திலேயே தொடக்க ஆட்டக்காரர் பதும் நிசாங்காவை திருப்பி அனுப்பிய ஜஸ்பிரித் பும்ரா இந்தியாவின் விக்கெட் வேட்டையைத் தொடங்கினார். அதன் பின்னர், திமுத் கருணாரத்ன, சதீர சமரவிக்ரம மற்றும் குசல் மெண்டிஸ் ஆகியோரை மொஹமட் சிராஜ் அவுட் ஆக்கினார்.

முன்னதாக, விராட் கோலி மீண்டும் ஒருமுறை 49வது ஒருநாள் சதத்தை சமன் செய்யும் சாதனையை தவறவிட்டார், ஆனால் இந்திய பேட்டர்கள் இலங்கைக்கு எதிராக 8 விக்கெட்டுக்கு 357 ரன்கள் குவித்து அசத்தினர்.

தரம்சாலாவில் நியூசிலாந்துக்கு எதிராக சச்சின் டெண்டுல்கரின் 49வது ஒருநாள் சதத்தை சமன் செய்வதில் தோல்வியடைந்த கோஹ்லி (94 பந்துகளில் 88), அவரது வாரிசு ஷுப்மான் கில் உடன் இரண்டாவது விக்கெட்டுக்கு 189 ரன்கள் சேர்த்தார். கில் 92 ரன்களில் அவுட் ஆகி உலகக் கோப்பையில் முதல் சதத்தை தவறவிட்டார்.

ஒரு சிறிய சரிவுக்குப் பிறகு, ஈடன் கார்டனில் நடைபெறும் தென்னாப்பிரிக்காவுக்கு எதிரான போட்டிக்கு முன், ஷ்ரேயாஸ் ஐயர் (56 பந்துகளில் 82), ஒரு நிதானமான பாதையில் ஒரு சாதாரண பந்துவீச்சுத் தாக்குதலுக்கு எதிராக பவுண்டரி விருந்தளித்து, சிறிது ஃபார்மை திரும்பப் பெற்றார்.

சிக்ஸர்களின் விறுவிறுப்புடன் விறுவிறுப்பாகத் தொடங்கிய ஸ்ரேயாஸ் ஐயரின் இன்னிங்ஸ், கில் மற்றும் கோஹ்லி இருவரையும் அடுத்தடுத்து இழந்த பிறகு, இந்தியா 350 ரன்களைக் கடந்ததற்கு முக்கியப் பங்காற்றியது. அவரது இன்னிங்ஸில் 6 சிக்ஸர்கள் மற்றும் 3 பவுண்டரிகள் இருந்தன.

இன்றைய போட்டியில் இலங்கை வீரர் மதுஷனகாவும் 5 விக்கெட்கள் வீழ்த்தியது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil

#Indian Cricket Team #Mohammed Shami
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment