ரிவர்ஸ்-ஸ்விங் வீசுவதில் 'கிங்'... ஆஸி., டெஸ்ட்டில் ஷமி ஆடுவது எவ்வளவு முக்கியம்?

துஷார் பாதுரி - Tushar Bhaduri

சொந்த மண்ணில் நியூசிலாந்துக்கு எதிரான 0-3 என்ற டெஸ்ட் தொடர் தோல்வி மற்றும் மோசமான ஆடும் லெவன் அணி தேர்வு ஆகியவை இந்திய அணி நிர்வாகத்தில் பெரும் பீதியைத் தூண்டியதாகத் தெரிகிறது. இதனை, நியூசிலாந்துக்கு எதிரான தொடரில் பெரும்பாலும் களத்தில் இல்லாத கே.எல். ராகுல் மற்றும் துருவ் ஜூரெல் ஆகியோரை, ஆஸ்திரேலியாவுக்கு எதிரான பார்டர்-கவாஸ்கர் டிராபி டெஸ்ட் தொடர் தொடங்க சில நாட்களுக்கு முன்னதாகவே அனுப்பட்டதில் இருந்து கவனிக்க முடிகிறது. 

இதற்கிடையில், ஆஸ்திரேலிய மண்ணில் கோடைக் காலத்தில் வேகப்பந்து வீச்சாளர்கள் பெரிய பங்கை வகிப்பார்கள் என்று எதிர்பார்க்கப்படுவதால், பார்டர்-கவாஸ்கர் டிராபி தொடரில் முகமது ஷமி குறைந்தபட்சம் விளையாடுவதற்கு தகுதியுடையவராக இருப்பார் என்றும் இந்திய அணி நிர்வாகம் தீவிரமாக நம்புகிறார்கள்.

34 வயதான வேகப்பந்து வீச்சாளர் ஷமி, இந்தூரில் மத்தியப் பிரதேசத்திற்கு எதிரான ரஞ்சி டிராபி ஆட்டத்தில், 50 ஓவர் உலகக் கோப்பை இறுதிப் போட்டிக்குப் பிறகு, அதாவது, கிட்டத்தட்ட ஒரு வருடத்திற்குப் பிறகு களம் புகுந்தார். கணுக்கால் காயத்தில் முழுவமாக குணமடைந்து போட்டி கிரிக்கெட்டுக்கு திரும்பி இருக்கும் அவர், மத்திய பிரசதேச அணிக்கு எதிரான அந்தப் போட்டியில் ஏழு விக்கெட்டுகள் மற்றும் பேட்டிங்கில் 37 ரன்கள் என பெங்கால் அணியின் 11 ரன் வித்தியாச வெற்றிக்கு பெரிதும் உதவினார். 

ஆங்கிலத்தில் படிக்கவும்: Why India is desperate to see Mohammed Shami return?

2018-19 இல் ஆஸ்திரேலியாவில் தொடரை வென்றதில் அவரது சிறப்பான பங்கைக் கருத்தில் கொண்டு (நான்கு டெஸ்டில் 16 விக்கெட்டுகள், சராசரி - 26.18), இந்திய சிந்தனைக் குழுவானது ஜஸ்பிரித் பும்ரா மற்றும் ஷமியின் வேகப்பந்து ஜோடி மீண்டும் ஒன்றிணைப்பதை விரும்புகிறது. ரஞ்சி ஆட்டம் அவரது கம்பேக் பாதையில் அவரது முதல் ஆட்டமாகும். மேலும் ஆஸ்திரேலியாவில் இருந்து அவர்களிடம் இருந்து அதிகம் எதிர்பார்ப்பது நியாயமற்றது. ஆனால் உலக டெஸ்ட் சாம்பியன்ஷிப் இறுதிப் போட்டிக்கு முன்னேறுவதைப் பொறுத்த வரையில், இந்தியா தங்களைத் தாங்களே எதிர்கொள்ளும் ஆபத்தான சூழ்நிலையில், விரக்தியைப் புரிந்துகொள்ள முடிகிறது.

ஷமி, தனது திறமையுடன், சிறப்பான வேகத்தில் பந்துவீச முடியும். மேலும், ஆஸ்திரேலிய ஆடுகளங்களில் எதிர்பார்க்கப்படும் பவுன்சை பயன்படுத்தி நல்ல லென்த், துல்லியமான லைனில் பவுலிங் போட முடியும். 2020-21 முதல் டெஸ்ட் போட்டிக்குப் பிறகு அவர் எலும்பு முறிவுடன் வீடு திரும்ப வேண்டியிருந்தது. ஆனால் அவருக்கு ஆஸ்திரேலியாவைப் பற்றிய இனிமையான நினைவுகள் உள்ளன.

ஷமி முதல் இரண்டு டெஸ்டில் விளையாடுவார் என்று எதிர்பார்ப்பது சற்று நம்பிக்கையாக இருக்கலாம், ஆனால் ஐந்து டெஸ்ட் போட்டிகளிலும் அவர் இருந்தால் தாக்கத்தை ஏற்படுத்த போதுமான வாய்ப்பு கிடைக்கும். பெர்த் மற்றும் அடிலெய்டில் நடக்கும் பகல்/இரவு டெஸ்ட் ஷமிக்கு சிறந்த அமைப்பாக இருந்திருக்கும், ஆனால் அவரது திறமை மற்றும் திறன் கொண்ட ஒரு பந்து வீச்சாளர் அவருக்கு சாதகமாக இருக்க எப்போதும் நிபந்தனைகள் தேவையில்லை.

ஷமி இல்லாத நிலையில், பும்ரா முன்னணி வேகப்பந்து வீச்சாளராக இருப்பார். மேலும், அவர் ஒரு ஜெனரேஷன் பந்துவீச்சாளராக இருக்கும் நிலையில், அவர்கள் இருவரும் இணைந்து ஜோடியாக விக்கெட்டுகளை வேட்டையாடுவதற்கு அறியப்படுகிறார்கள். அவர்களின் பார்ட்னர்ஷிப் எந்த பேட்டிங் வரிசைக்கும் கடும் வலிமையான சவாலாக இருக்கும், குறிப்பாக, ஆடுகளத்தில் இருந்து அவர்களுக்கு சில உதவி கிடைத்தால், அவர் பவுலிங்கை எதிர்கொள்வது முற்றிலும் கடினமானதாக இருக்கும். 

முகமது சிராஜ்  இந்தியாவைத் தவிர மற்ற நாட்டு ஆடுகளில் சிறப்பாக பவுலிங் வீசி விக்கெட்டுகளை அள்ளியுள்ளார். அதே சமயம் ஆகாஷ் தீப் மற்றும் பிரசித் கிருஷ்ணா ஆகியோர் தகுதியான பேக்-அப்களாக இருக்கிறார்கள். ஆனால் அவர்களின் சமீபத்திய போராட்டங்களுக்குப் பிறகு, ஷமி அணிக்குள் வருவது மன உறுதியை அதிகரிக்கும். ஆஸ்திரேலியாவில் தொடர் வெற்றிகளுக்குப் பிறகு, இது மேல்நோக்கிய பணியாகத் தோன்றுகிறது. மேலும் எந்தவொரு நேர்மறையான வளர்ச்சியும், எண்ணங்களும் வரவேற்கத்தக்கது.

சுழல் பிரச்சனை

இந்தியாவின் புகழ்பெற்ற சுழற்பந்து வீச்சாளர்களால், நியூசிலாந்துக்கு எதிரான தொடர் சொந்த ஆடுகளத்தில் 0-3 தலைகீழாக மாறுவதைத் தடுக்க முடியவில்லை. ரவிச்சந்திரன் அஷ்வின் மற்றும் ரவீந்திர ஜடேஜா ஆகியோர் சிறப்பாக செயல்பட்டனர். ஆனால் அவர்கள் தற்போது விளையாடும் நாட்களின் முடிவை நோக்கி வருகிறார்கள். வாஷிங்டன் சுந்தர், தாமதமாக அணிக்குள் வந்தாலும், அவர் சிறப்பாக செயல்பட்டு இருந்தார். ஆனால் மூவரும் விரல் சுழற்பந்து வீச்சாளர்கள், வரலாற்று ரீதியாக ஆஸ்திரேலிய நிலைமைகளை அனுபவித்தவர்கள் அல்ல. இதில் நாதன் லியான் விதிவிலக்கு, சொந்த மண்ணில் 67 டெஸ்டில் 30.88 சராசரியில் 259 விக்கெட்டுகளை அவர் வீழ்த்தி இருக்கிறார். 

அஸ்வின், குறிப்பாக, நிலைமைகளை மீறும் திறன் கொண்டவர், ஆனால் ஆஸ்திரேலிய ஆடுகளங்கள் மணிக்கட்டு-சுழற்பந்து வீச்சாளர்களுக்கு உதவும் வகையில் இருந்துள்ளன. அதற்கு ஷேன் வார்னின் சாதனைகளே சாட்சி. அந்த வகையில், குல்தீப் யாதவ் இந்திய அணியில் இருந்து ஒரு பெரிய மிஸ் எனலாம்.

சர்வதேச கிரிக்கெட்டில் இடது கை மணிக்கட்டு சுழற்பந்து வீச்சாளரான அவர் அரிதாகவே காணப்படுகிறார், மேலும் அனைத்து பேட்ஸ்மேன்களும் மாறுபாடுகளை எடுக்க முடியாது, குறைந்த வரிசை மிகவும் பாதிக்கப்படக்கூடியது. 2018-19 பயணத்தில் குல்தீப் ஒரே ஒரு டெஸ்டில் மட்டுமே விளையாடினார், ஆனால் சிட்னியில் அவர் ஐந்து விக்கெட்டுகளை எடுத்தது அப்போதைய தலைமை பயிற்சியாளர் ரவி சாஸ்திரியை மிகவும் கவர்ந்தது. அவர் அவரை வெளிநாடுகளில் இந்தியாவின் முன்னணி சுழற்பந்து வீச்சாளராக நியமித்தார். இருப்பினும், குல்தீப் 2017 ஆம் ஆண்டு முதல் 13 டெஸ்ட் போட்டிகளில் மட்டுமே விளையாடினார். 

அவர் தனது பந்துவீச்சில் அதிக ஜிப், வேகம் மற்றும் டிப் ஆகியவற்றுடன் தாமதமாக தனது வாழ்க்கையை புதுப்பித்திருந்தார். ஆஸ்திரேலிய பேட்டிங்கும் அவ்வளவு சீராக இல்லை, குறிப்பாக இடது கை மணிக்கட்டு சுழற்பந்து வீச்சாளர் கொண்டு வரும் மாறுபாடுகளுக்கு அவர் பாதிக்கப்படக்கூடியவர் என்பதால் அவர் இந்தியாவின் வாய்ப்புகளுக்கு ஒருங்கிணைந்தவராக இருந்திருப்பார். ஆனால், அவருக்கு சரியான சிகிச்சை கிடைக்க, அவரை வெளியேற்ற தேர்வுக் குழுவைத் தூண்டும் அளவுக்கு இடுப்பு காயம் ஒரு பெரிய கவலையாக உள்ளது.

ரிஸ்ட்-ஸ்பின்னர் என்பது ஆஸ்திரேலிய ஆடுகளங்கள் வழங்கும் பவுன்ஸுடன் கூடிய தாக்குதல் விருப்பமாகும். இந்திய அணியில் இப்போது ஒன்று இல்லை, எனவே எந்த ட்வீக்கர் வீசும் பவுலர் இப்போது ஆடும் லெவனில் சேர்க்கப்பட்டாலும் அது வேகப்பந்து வீச்சாளர்களுக்கு ஆதரவாக இருக்கும் என்று எதிர்பார்க்கப்படுகிறது.

ஆனால், பந்துவீச்சைப் பொருட்படுத்தாமல், இந்தியா போதுமான ரன்களைப் பெற வேண்டும். நியூசிலாந்திற்கு எதிராக அவர்கள் விளையாடிய ஆடுகளங்கள் எப்போதுமே பேட்டிங் செய்ய எளிதானவை அல்ல. மேலும் ஆஸ்திரேலியாவின் ஆடுகளங்கள் மிகவும் வசதியானதாக இருக்க வேண்டும், குறிப்பாக 20 ஓவர்களுக்குப் பிறகு கூகபுரா பந்து அதன் பிரகாசத்தை இழக்கும் போது, சிறப்பாக மட்டையைச் சுழற்ற வேண்டும். அத்தகைய சூழ்நிலைகளில் ஒரு தரமான மணிக்கட்டு-ஸ்பின்னர் இல்லமல் இருப்பது விலைமதிப்பற்றது. இருப்பினும், ரிவர்ஸ்-ஸ்விங் வீசும் ஷமி, அந்த விஷயத்திலும் பெரிய உதவியாக இருக்க முடியும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“