முடிவுக்கு வந்த 4 ஆண்டு மண வாழ்க்கை; ஹர்திக் பாண்ட்யா மனைவி உருக்கமான கடிதம்!

இந்திய கிரிக்கெட் அணியில் படிப்படியாக உயர்ந்து, ஐ.பி.எல்.லில் மும்பை இந்தியன்ஸ் கிரிக்கெட் அணிக்கு கேப்டனாக உயர்ந்தவர் ஹர்திக் பாண்ட்யா. இவருக்கும் அவரது மனைவி நடாசாவுக்கும் இடையே பிரச்னை இருப்பதாக தொடர்ந்து பேசப்பட்டுவந்தது.

இந்த வதந்தி கிட்டத்தட்ட கடந்த 6 மாதமாக அதிகமாக பரவத் தொடங்கியது. இந்நிலையில் இருவரும் தற்போது பிரிவை அறிவித்துள்ளனர்.
இது தொடர்பாக உருக்கமான கடிதம் ஒன்றை பகிர்ந்துள்ள நடாசா, “நானும் ஹர்திக்கும் 4 ஆண்டுக்கு பிறகு ஒருவருக்கொருவர் பரஸ்பரம் பிரிந்துக்கொள்ள முடிவெடுத்துள்ளோம். இது எங்களுக்கு கடினமாக முடிவு. நாங்கள் எங்களால் இயன்றதை ஒன்றாக முயற்சி செய்து எங்களால் முடிந்த அனைத்தையும் வழங்கினோம், மேலும் எங்கள் இருவரின் நலனுக்காக இதை நாங்கள் நம்புகிறோம்” எனத் தெரிவித்துள்ளனர்.

View this post on Instagram

A post shared by @natasastankovic__

மேலும், “அகஸ்தியா (இவர்களின் குழந்தை) எங்கள் இருவரின் வாழ்க்கையின் மையத்திலும் தொடர்ந்து இருப்பார், மேலும் அவருடைய மகிழ்ச்சிக்காக நம்மால் முடிந்த அனைத்தையும் அவருக்கு வழங்குவதை உறுதிசெய்ய நாங்கள் ஒத்துழைப்போம். இந்த கடினமான மற்றும் முக்கியமான நேரத்தில் எங்களுக்கு தனியுரிமை வழங்க உங்கள் ஆதரவையும் புரிதலையும் நாங்கள் உண்மையாகக் கேட்டுக்கொள்கிறோம்” எனத் தெரிவித்துள்ளார்.

ஒரு நாள் முன்பு, நடாசா ஸ்டான்கோவிச் தனது மகன் அகஸ்தியாவுடன் மும்பை விமான நிலையத்தில் காணப்பட்டார். இந்த வீடியோ ஆன்லைனில் வெளிவந்ததை அடுத்து, நெட்டிசன்கள் ஹர்திக் மற்றும் நடாசா குறித்து கவலை தெரிவித்தனர்.
ஐபிஎல் மற்றும் உலகக் கோப்பை போட்டிகளில் நடாசா இல்லாதது பிரிவினை பற்றிய ஊகங்களைத் தூண்டியது. ஹர்திக் பாண்டியா இலங்கை தொடரை புறக்கணித்திருப்பது பிரிவினை வதந்திகளை மேலும் தூண்டியது.

ஹர்திக் பாண்டியா மற்றும் நடாசா ஸ்டான்கோவிச் கோவிட்-19 தொற்றுநோய்களின் போது டேட்டிங் செய்யத் தொடங்கினர், மேலும் மே 31, 2020 அன்று திருமணம் செய்து கொண்டனர். அதே ஆண்டு ஜூலை 30 அன்று தம்பதியினருக்கு அகஸ்தியா என்ற மகன் பிறந்தார் என்பது குறிப்பிடத்தக்கது.

ஆங்கிலத்தில் வாசிக்க : Natasa Stankovic, Hardik Pandya announce separation: ‘This was a tough decision for us…’

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“