தேசிய அளவிலான மூத்தோர் தடகள போட்டி: பதக்கங்களை அள்ளிய கோவை வீரர் - வீராங்கனைகள்

பி.ரஹ்மான் - கோவை மாவட்டம்.

coimbotore: மகாராஷ்டிரா மாநிலம் புனேவில் 44வது தேசிய மூத்தோர் தடகள சாம்பியன்ஷிப்  போட்டிகள் நடைபெற்று வருகின்றன. தேசிய அளவில் நடைபெற்று வரும் இந்தப் போட்டியில் கேரளா, கர்நாடகா, தமிழ்நாடு, டெல்லி, அரியானா,உத்திரபிரதேசம் என இந்தியாவின் பல்வேறு மாநிலங்களில் இருந்தும் 3000-க்கும் அதிகமான வீரர் - வீராங்கனைகள் கலந்து கொண்டனர்.

இந் நிலையில், தமிழகம் சார்பாக கோவையில் இருந்து சுமார் 50-க்கும் மேற்பட்ட வீரர் - வீராங்கனைகள் கலந்து கொண்டனர். 45 வயதுக்கு அதிகமானோர் பிரிவில் கோவையை சேர்ந்த மோகன்குமார் 200 மீட்டர் ஓட்டத்தி்ல் தங்கம் வென்று அசத்தினார். மேலும், 400 மீட்டர் தொடர் ஓட்ட போட்டியிலும் தங்கம் வென்று அசத்தினார். 

இதே போல், 60-வயதிற்கு மேற்பட்டோர் பிரிவில் உயரம் தாண்டுதலி்ல் பிரவீண் குமார் வெள்ளியும், 40 வயதுக்கு உட்பட்ட பிரிவில் வட்டு எறிதலில் சங்கீதா குமார் வெண்கலமும் வென்று அசத்தினார்.

இந்த நிலையில், கோவை திரும்பிய வெற்றியாளர்களை கோயமுத்தூர் தடகள சங்கத்தினர் உற்சாகமாக வரவேற்றனர். இதில் குழந்தைகள் மூத்த வீரர்,வீராங்கனைக்கு ரோஜா பூக்களை வழங்கி வாழ்த்து தெரிவித்தனர். 

இதனைத் தொடர்ந்து செய்தியாளர்களிடம் பேசிய ஓட்டப்பந்தய வீர்ர் மோகன் குமார், மூத்தோர் தடகள போட்டிகளை தமிழக அரசு ஊக்குவிக்க வேண்டும் எனவும், குறிப்பாக இது போன்ற போட்டிகளுக்கு செல்லும் போது ரயில் பயணம் போன்ற செலவுகளுக்கு சலுகைகள் அறிவிக்க தமிழக அரசு முன் வர வேண்டும் என்றும் வேண்டு கோள் விடுத்தார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“