நார்வே செஸ்: 7-வது முறையாக சாம்பியன் பட்டத்தை வாகைசூடிய மேக்னஸ் கார்ல்சன்: குகேஷ் 3-ம் இடம் பிடிப்பு

இறுதிச்சுற்று போட்டியில், கார்ல்சனை விட அதிக புள்ளிகளைப் பெற வேண்டும் என்ற நோக்கில் அமெரிக்க வீரர் ஃபாபியானோ கருவானாவை எதிர்த்து விளையாடிய குகேஷ், செய்த பெரிய தவறால் அவர் 3-வது இடத்திற்கு சென்றார். ஃபாபியானோ கருவானா 2-வது இடத்தில் உள்ளார். 10 சுற்று போட்டிகளின் முடிவில் 16 புள்ளிகளுடன் கார்ல்சன் முதல் இடம் பிடித்துள்ளார். ஃபாபியானோ 15.5 புள்ளிகளுடனும் (2-வது இடம்), குகேஷ் 14.5 புள்ளிகளுடனும் (3-வது இடம்) உள்ளனர். இந்த போட்டியில் அமெரிக்காவின் ஹிகாரு நகமுரா 4-வது இடத்திலும் இந்தியாவின் அர்ஜுன் எரிகைசி 5-வது இடத்திலும், சீனாவின் வெய் யி கடைசி இடத்திலும் உள்ளனர்.