புரோ கபடி சாதனை வீரர் பர்தீப் திடீர் ஓய்வு: எல்லா அணிகளும் கைவிட்டதால் அதிர்ச்சி முடிவு

பாட்னா பைரேட்ஸ் அணியில் பிரதீப் நர்வால் 5 சீசன்கள் விளையாடிய காலத்தில், அந்த அணி 3 முறை புரோ கபடி லீக் பட்டங்களை வெல்ல முக்கியப் பங்காற்றினார். பின்னர், சீசன் 8-ல் யுபி யோதாஸ் அணிக்கு மாறினார். 28 வயதான இவர், புரோ கபடி லீக் வரலாற்றில் 1801 ரெய்டு புள்ளிகளுடன் (சராசரியாக ஒரு போட்டிக்கு 9.47 ரெய்டு புள்ளிகள்) அதிக ரெய்டு புள்ளிகளைப் பெற்ற வீரராகத் திகழ்கிறார். இருப்பினும், கடந்த 4 சீசன்களில் யுபி யோதாஸ் மற்றும் பெங்களூரு புல்ஸ் அணிகளுக்காக விளையாடியபோது, ரெய்டு புள்ளிகளுக்கான லீக்கின் முதல் 5 வீரர்களில் இடம்பிடிக்க பிரதீப் நர்வால் சிரமப்பட்டார்.