புரோ கபடி: தமிழ் தலைவாஸ் அணியை வீழ்த்தி யு மும்பா வெற்றி!

10-வது புரோ கபடி லீக் தொடரில், ஞாயிற்றுக்கிழமை (17.12.2023) நடைபெற்ற ஆட்டத்தில், தமிழ் தலைவாஸ் அணியை வீழ்த்தி யு மும்பா அபரா வெற்றி பெற்றது.  

10-வது புரோ கபடி லீக் தொடர் கடந்த 2-ந்தேதி தொடங்கி நடைபெற்று வருகிறது. இந்த தொடரில் பெங்கால் வாரியர்ஸ், பெங்களூரு புல்ஸ், தபாங் டெல்லி, குஜராத் ஜெயன்ட்ஸ், அரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பால்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி.யோத்தாஸ் ஆகிய 12 அணிகள் விளையாடுகின்றன.

இந்த புரோ கபடி லீக் தொடரில், புனேவில் பலேவாடி ஸ்போர்ட்ஸ் காம்ப்ளெக்ஸில் உள்ள பேட்மிண்டன் ஹாலில் நடைபெற்ற இரண்டாவது ஆட்டத்தில், தமிழ் தலைவாஸ் அணியும் யு மும்பா அணியும் மோதின. இந்த போட்டியில், ஆரம்பத்தில் இருந்தே யு மும்பா அணி ஆதிக்கம் செலுத்தியது. ஆட்ட நேர முடிவில் யு மும்பா அணி 46-33 என்ற புள்ளி கணக்கில் தமிழ் தலைவாஸ் அணியை வீழ்த்தி வெற்றி பெற்றது.

இந்த வெற்றியின் மூலம் யு மும்பா அணி 5 போட்டிகளில் விளையாடி, 3 போட்டிகளில் வெற்றி, 2 போட்டிகளில் தோல்வி என 16 புள்ளிகளுடன் 4-வது இடத்தில் உள்ளது. தமிழ் தலைவாஸ் அணி 4 போட்டிகளில் விளையாடி 2 வெற்றி, 2 தோல்வி என 10 புள்ளிகளுடன் 11-வது இடத்தில் உள்ளது.

முன்னதாக, இன்று (17.12.2023) இரவு 8 மணிக்கு நடைபெற்ற முதலாவது லீக் ஆட்டத்தில் பாட்னா ஜெய்ப்பூர் பிங்க் பாந்தர்ஸ் அணி 29-28 என்ற புள்ளி கணக்கில் பாட்னா பைரேட்ஸ் அணியை வீழ்த்தி திரில் வெற்றி பெற்றது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“