5 புள்ளிகள் வித்தியாசத்தில் தமிழ் தலைவாஸ் தோல்வி

புரோ கபடி சீசன் 9 லீக் போட்டிகளில் செவ்வாய்க்கிழமை நடைபெற்ற தமிழ் தலைவாஸ் அணியும் அரியானா ஸ்டீலர்ஸ் அணியும் மோதியது. இதில், தமிழ் தலைவாஸ் அணி 5 புள்ளிகள் வித்தியாசத்தில் தோல்வியைத் தழுவியது.

புரோ கபடி லீக் 9-வது சீசன் அக்டோபர் 7-ம் தேதி பெங்களூருவில் தொடங்கியது. இந்த தொடரில் செவ்வாய்க்கிழமை நடைபெற்ற 12-வது 'லீக்' ஆட்டத்தில் தமிழ் தலைவாஸ்-அரியானா ஸ்டீலர்ஸ் அணிகள் மோதியது.

இதற்கு முன்னதாக, தமிழ் தலைவாஸ் அணி முதல் போட்டியில், குஜராத் அணியுடன் 31-31 என்ற புள்ளி கணக்கில் போட்டியை சமன் செய்தது. இதனால், இன்றைய போட்டியில் அரியானாவுடன் வெற்றிகொள்ள வேண்டும் என்ற முனைப்பில், தமிழ் தலைவாஸ் அணி களமிறங்கியது.

தமிழ் தலைவாஸ் - அரியானா ஸ்டீலர்ஸ் அணிகள் இடையே பரபரப்பாக நடைபெற்ற இந்த போட்டியில் அரியானா 27 புள்ளிகளையும் தமிழ் தலைவாஸ் அணி 22 புள்ளிகளையும் பெற்றது. இதனால், தமிழ் தலைவாஸ் அணி 5 புள்ளிகள் வித்தியாசத்தில் தோல்வியைத் தழுவியது.

இதற்கு முன்னதாக, அரியானா அணி முதல் போட்டியில் பெங்களூரு அணியை வீழ்த்தி வெற்றி பெற்றிருந்தது. இந்த போட்டியில் தமிழ் தலைவாஸ் வெற்றியை வீழ்த்தியதன் மூலம் அரியானா அணி 2 போட்டிகளில் வெற்றி பெற்றுள்ளது.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil"