Pro Kabaddi League: இந்திய மண்ணில் கடந்த டிசம்பர் 2 ஆம் தேதி முதல் விறுவிறுப்பாக நடைபெற்று வரும் 10-வது புரோ கபடி லீக் தொடர் இறுதிகட்டத்தை நெருங்கியுள்ளது. இதில், பங்கேற்ற 12 அணிகள் தங்களுக்குள் தலா இரு முறை மோதின. லீக் சுற்று முடிவில் டாப்-2 இடங்களை பிடித்த புனேரி பால்டன், நடப்பு சாம்பியன் ஜெய்ப்பூர் பிங்க் பாந்தர்ஸ் அணிகள் நேரடியாக அரையிறுதிசுற்றை எட்டியது.
3 முதல் 6-வது இடத்தை பெற்ற அணிகள் வெளியேற்றுதல் சுற்றில் சந்தித்தன. இதில் பாட்னா பைரட்ஸ், தபாங் டெல்லியையும், அரியானா ஸ்டீலர்ஸ், குஜராத் ஜெயன்ட்சையும் வெளியேற்றி அரையிறுதிக்கு முன்னேறின.
இந்த நிலையில், இந்த அரையிறுதி ஆட்டங்கள் இன்று நடைபெற உள்ளன. தெலுங்கானாவின் ஐதராபாத்தில் உள்ள கச்சிபௌலி ஜி.எம்.சி பாலயோகி உள்விளையாட்டு அரங்கத்தில் இரவு 8 மணிக்கு நடைபெற்ற முதலாவது அரையிறுதியில் புனேரி பால்டன் அணி, 3 முறை சாம்பியனான பாட்னா பைரட்சுடன் மோதியது.
விறுவிறுப்பாக நடைபெற்ற இந்த போட்டியில், புனேரி பால்டன் அணி 37-21 என்ற புள்ளி கணக்கில் முன்னாள் சாம்பியனான பாட்னா பைரட்ஸ் அணியை வீழ்த்தி வெற்றி பெற்றது.
இதனைத் தொடர்ந்து, இரவு 9 மணிக்கு நடைபெற்ற மற்றொரு அரையிறுதியில் நடப்பு சாம்பியன் ஜெய்ப்பூர் பிங்க் பாந்தர்ஸ் அணி, அரியானா ஸ்டீலர்சை எதிர்கொண்டர். பரபரப்பான இந்த போட்டியில், அரியானா ஸ்டீலர்ஸ அணி 31-27 என்ற புள்ளி கணக்கில் நடப்பு சாம்பியன் ஜெய்ப்பூர் பிங்க் பாந்தர்ஸ் அணியை வீழ்த்தியது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/hK8LnYpk4t1mRxAFBZeP.jpg)