News about Ravi Shastri, Suryakumar Yadav in Tamil: இந்திய கிரிக்கெட் அணியில் அதிரடி வீரராக உருவெடுத்துள்ளவர் சூரியகுமார் யாதவ். டி20 போட்டிகளில் தரமான ஃபார்மில் உள்ள அவர் சர்வதேச போட்டிகளில் வான வேடிக்கை காட்டி வருகிறார். டி20 போட்டிகளில் போட்டிகளில் உலகின் நம்பர் ஒன் வீரர். டி20 போட்டிகளில் இந்த ஆண்டின் முன்னணி வீரர் என பல சாதனைகளை படைத்துள்ளார்.
இந்த ஆண்டில் மட்டும் இரண்டு அபாரமான சதங்களை அடித்துள்ள சூரியகுமார், டி20 உலகக் கோப்பையில் இந்தியாவின் இரண்டாவது அதிக ரன்களை எடுத்தவர் மற்றும் ஒட்டுமொத்த பட்டியலில் மூன்றாவது இடத்தில் இருந்தார். மேலும் அவர் விளையாடிய சில இன்னிங்ஸ்கள், குறிப்பாக தென்ஆப்பிரிக்கா மற்றும் ஜிம்பாப்வேக்கு எதிராக தனது அதிரடி ஆட்டத்தால் மிரட்டி இருந்தார்.
ஆஸ்திரேலியாவில் இருந்த அதே ரெட்-ஹாட் ஃபார்மில் நியூசிலாந்தில் காலடி எடுத்து வைத்த அவர், அங்கு நடந்த 2வது டி20யில் 51 பந்துகளில் 111 விளாசி கடைசிவரை ஆட்டமிழக்காமல் இருந்தார். இந்த ஆட்டத்தில் இந்தியா நியூசிலாந்தை 65 ரன்கள் வித்தியாசத்தில் வீழ்த்தியது. ஆனால் சூரியகுமார், டி20-யில் தரமான ஆட்டத்தை வெளிப்படுத்தியது போல், நியூசிலாந்துக்கு எதிரான 3 போட்டிகள் கொண்ட ஒருநாள் தொடரில் வெளிப்படுத்தவில்லை. இந்த மூன்று போட்டிகளிலும் அவரது ஸ்கோர் 4, 34 நாட் அவுட் மற்றும் 6 என்று இருந்தது. அவரது இந்த ஆட்டத்தின் மூலம், அவர் இன்னும் ஒருநாள் போட்டிக்கான ஃபார்முலாவை தேடி வருகிறார் என்பது தெளிவாக தெரிந்தது. அதை அவர் அடையாளம் காண இன்னும் சிறிது நேரம் தேவைப்படலாம்.
ரவி சாஸ்திரி கருத்து
இந்நிலையில், இந்திய அணியின் முன்னாள் பயிற்சியாளர் ரவி சாஸ்திரி ஒரு சுவாரஸ்யமான கருத்தை தெரிவித்துள்ளார். ஆக்லாந்து மற்றும் கிறிஸ்ட்சர்ச்சில், சூரியகுமார் ஒரே மாதிரியாக ஆட்டமிழந்து வெளியேறினார். ஆக்லாந்தில் நடந்த தொடரின் தொடக்க ஆட்டத்தில், அவர் ஸ்லிப் கார்டனில் லாக்கி பெர்குசன் பந்தில் ஃபின் ஆலன் வசம் கேட்ச் கொடுத்தார். இதேபோல், கிறிஸ்ட்சர்ச்சில் ஆடம் மில்னே பந்தில் கேட்ச் கொடுத்து அவுட் ஆகி இருந்தார். ஒருநாள் போட்டிகளில் சூரியகுமாரின் அணுகுமுறை குறித்து கவலைப்பட ஒன்றுமில்லை என்றாலும், அவர் மேம்படுத்த விரும்பும் சில விஷயங்கள் உள்ளன என்று ரவி சாஸ்திரி சுட்டிக்காட்டியுள்ளார்.
“அது நடக்கலாம். ஆனால் அவர் கற்றுக்கொள்ளக்கூடியது என்னவென்றால், இது ஒரு டி20 ஆட்டத்தை விட இரண்டரை மடங்கு பெரியதாகும். அவர் விளையாடுவதற்கு இன்னும் பல பந்துகள் உள்ளன. அவர் இன்னும் சிறிது நேரம் காத்திருக்கலாம். அவருடைய USP மொத்தம் இன்னிங்ஸின் முடிவில் பேரழிவாக முடிந்து விடுகிறது. அதற்கு முன் 30-40 ரன்களை எட்டுவதற்கு அவருக்கு போதுமான நேரம் கிடைத்துள்ளது.
எனவே, அவரது விஷயத்தில், அது அவருக்கு கூடுதல் நேரத்தை வழங்குவதுதான் சிறந்தது. அந்த தாக்கத் தரம் தேவை இந்த கேம் சிறிது நீளமாக இருப்பதால் சிறிது நேரம் காத்திருக்கலாம். சில சமயங்களில், நீங்கள் உங்கள் வாழ்க்கையின் சிறந்த வடிவத்தில் இருக்கலாம். ஆனால் நீங்கள் நிலைமையை மதிக்க வேண்டும். இது ஒரு சிறந்த விளையாட்டு. அது இல்லை யாருக்காகவும் காத்திருக்க வேண்டாம். நீங்கள் நிபந்தனைகளை மதிக்கவில்லை என்றால், விரைவில் அல்லது பின்னர், நீங்கள் அதை மதிக்கத் திரும்புவீர்கள்.
சூர்யகுமார் ஒருநாள் போட்டிகளை (50 ஓவர்) விட அதிகமான டி20 போட்டிகளில் விளையாடியுள்ளார். அவர் விளையாடியுள்ள 42 போட்டிகளுடன் ஒப்பிடும்போது அவர் 16 ஒருநாள் போட்டிகளில் மட்டுமே விளையாடி இருக்கிறார். எனவே, அவர் எதிர்காலத்தில் சிறப்பாக செயல்படுவது கட்டாயமாகும். ஆனால் மற்றொரு உலகக் கோப்பை ஆண்டு நெருங்கி வருவதால், அவர் இந்தியாவின் நியமிக்கப்பட்ட நம்பர் 4 பேட்டராக முக்கிய பங்கு வகிப்பார் என்று எதிர்பார்க்கப்படுகிறது. டிசம்பர் 4 ஆம் தேதி தொடங்கும் வங்கதேச அணிக்கு எதிரான ஒருநாள் தொடரில் அவர் இடம்பெறவில்லை. எனவே. இந்த ஓய்வு நேரத்தில், சூரியகுமார் தனது ஒருநாள் போட்டியை கவனமாகப் படித்து தேவையான மாற்றங்களைச் செய்வார் என்று ரவி சாஸ்திரி நம்பிக்கை தெரிவித்துள்ளார்.
“அது ஒன்றும் பெரிதாக இல்லை. ஆட்டத்தின் நீளம் மற்றும் அவர் விளையாட வேண்டிய பந்துகளின் எண்ணிக்கையின் மனநிலையில் ஒரு மாற்றம் வேண்டும். நீங்கள் துணைக் கண்டத்தில் விளையாடும்போது, பொதுவாக அவர் பேட்டிங் செய்யச் சென்றால், அவர் அதைச் செய்வார். எண். 5ல் ஸ்கோர் நன்றாகவும் அதிகமாகவும் இருக்கும். பின்னர் அவர் உடனடியாக தாக்கத்தை ஏற்படுத்த முடியும். அவரது பேட்டிங்கிற்கு ஏற்ற சூழ்நிலையில், பந்து வீச்சாளர்களுக்கு அதிக வாய்ப்பு இல்லை. எனவே நீங்கள் அதை மாற்றலாம். ஆனால் இங்கே , அட்ஜஸ்ட்மெண்ட் செய்ய வேண்டும். அதிலிருந்து அவர் கற்றுக் கொள்வார். அவர் ஒரு புத்திசாலி கிரிக்கெட் வீரர். அவர் மேம்படுத்தும் விதத்தில் இது அவருக்கு கடினமாக இல்லை என்பதை நாங்கள் பார்த்தோம்.” என்று ரவி சாஸ்திரி கூறியுள்ளார்.
தமிழ் இந்தியன் எக்ஸ்பிரஸின் அனைத்துசெய்திகளையும்உடனுக்குடன் டெலிகிராம் ஆப்பில் பெறhttps://t.me/ietamil
