Advertisment

சச்சின் பெஸ்ட்; கோலியை இப்போ ஒப்பிட முடியாது: ரிக்கி பாண்டிங்

"சச்சின் விளையாடியபோது விராட் கொஞ்சம் கொஞ்சமாக விளையாடியதை நான் அறிவேன். ஆனால் இப்போது அது சற்று வித்தியாசமான ஆட்டமாக இருக்கிறது." என்று முன்னாள் ஆஸ்திரேலிய கேப்டன் ரிக்கி பாண்டிங் கூறியுள்ளார்.

author-image
WebDesk
புதுப்பிக்கப்பட்டது
New Update
Ricky Ponting on Sachin Tendulkar comparison with Virat Kohli Tamil News

Virat Kohli is on 75 international centuries while Sachin Tendulkar has 100 tons.

Ricky Ponting on Sachin Tendulkar comparison with Virat Kohli Tamil News: முன்னாள் ஆஸ்திரேலிய கேப்டன் ரிக்கி பாண்டிங், சச்சின் டெண்டுல்கரை தொழில்நுட்ப ரீதியாக அவர் இதுவரை விளையாடிய சிறந்த பேட்டர் என்று மதிப்பிட்டுள்ளார். மேலும், அவரை கோலியுடன் "நியாயமான ஒப்பீடு" செய்ய, விராட் கோலி தனது சர்வதேச கிரிக்கெட் வாழ்க்கையை முடிக்கும் வரை காத்திருக்க வேண்டும் என்று கூறியுள்ளார்.

Advertisment

டெண்டுல்கரின் 50வது பிறந்தநாளை முன்னிட்டு ‘ஐசிசி ரிவியூ’வில் பாண்டிங் கூறுகையில், “நான் எப்பொழுதும் சொல்வது இதுதான். நான் சேர்ந்து விளையாடி அல்லது எதிராக விளையாடிய வீரர்களில் தொழில்நுட்ப ரீதியாக சச்சின் தான் நான் பார்த்த சிறந்த பேட்டர். பந்து வீச்சுக் குழுவாக நாங்கள் எந்தத் திட்டத்தைக் கொண்டு வந்தாலும், அதை எதிர்த்துப் போராடுவதற்கான வழியை அவர் கண்டுபிடித்தார்.

எல்லோரும் வித்தியாசமாக இருப்பதாலும், எல்லோரும் வித்தியாசமாக விளையாடுவதாலும் வீரர்களை தரவரிசைப்படுத்துவதும், மதிப்பிடுவதும் கடினம். ஆனால் நிச்சயமாக நான் விளையாடிய தலைமுறை மூலம், அவர் தொழில்நுட்ப ரீதியாக நான் பார்த்த சிறந்த வீரர்." என்று தெரிவித்தார்.

இருப்பினும், டெண்டுல்கரையும் கோலியையும் இன்னும் ஒப்பிடுவதற்கு பாண்டிங் மறுத்துவிட்டார். இங்கு நான் நேரங்களை ஒப்பிட்டுப் பார்க்க முயற்சிக்கிறேன். சச்சின் விளையாடியபோது விராட் கொஞ்சம் கொஞ்சமாக விளையாடியதை நான் அறிவேன். ஆனால் இப்போது அது சற்று வித்தியாசமான ஆட்டமாக இருக்கிறது.

இப்போது வெவ்வேறு விதிகள் உள்ளன. உதாரணமாக, 50 ஓவர் கிரிக்கெட்டில், வட்டத்திற்கு வெளியே குறைவான பீல்டர்கள், இரண்டு புதிய பந்துகள், இது முன்பை விட இப்போது பேட்டிங்கை மிகவும் எளிதாக்குகிறது.

பேட்ஸ்மேன்கள் சிறப்பாக வந்துள்ளனர் என்பதில் சந்தேகமில்லை. களக் கட்டுப்பாடுகள் மற்றும் புதிய பந்துகளும் அதில் ஒரு பெரிய பகுதியாகும். சச்சின் ஒருநாள் போட்டிகளில் விளையாடும் போது, ​​50 ஓவர் ஆட்டத்தின் முடிவில் பந்தை பார்ப்பது மிகவும் கடினமாக இருந்தது. அது மிகவும் மென்மையாக இருந்தது. அடிப்பது மிகவும் கடினமாக இருந்தது, அது தலைகீழாக மாறியயுள்ளது. நவீன 50 ஓவர் ஆட்டத்தில் நீங்கள் அதைப் பார்க்கவே இல்லை.

விராட் இன்னும் அவருக்கு முன்னால் அனைத்தையும் (நேரம்) பெற்றுள்ளார். அவர் ஒரு நம்பமுடியாத சிறந்த வீரர், அதில் எந்த சந்தேகமும் இல்லை. அவர் தற்போது 70-க்கும் மேற்பட்ட சர்வதேச சதங்களை பெற்றுள்ளார். சச்சின் 100 (சதங்கள்) அடித்தார், இல்லையா? விராட்டின் கேரியர் முடியும் வரை காத்திருப்போம், பிறகு இது ஒரு சிறந்த ஒப்பீடு என்று நான் நினைக்கிறேன்.

நான் எப்போதும் விளையாட்டில் வீரர்களின் நீண்ட ஆயுளைக் கொண்டு அவர்களின் தரத்தை மதிப்பிட விரும்புகிறேன். வீரர்களை மதிப்பிடுவதற்கு இதுவே சிறந்த வழி என்று நான் நினைக்கிறேன், ஏனென்றால் இவ்வளவு காலம் சிறந்து விளங்குவது மிகவும் கடினமான விஷயம்.

சில வீரர்கள் உள்ளே வந்து மூன்று அல்லது நான்கு வருடங்கள் அதைச் செய்து உலகின் சிறந்த வீரர்களாகத் தோன்றலாம், ஆனால் மிகச் சிறந்த வீரர்கள் அதை நீண்ட காலத்திற்குத் தக்கவைத்து, சர்வதேச அளவில் 20 ஆண்டுகளுக்கும் மேலாக சச்சின் அதைத் தக்க வைத்துக் கொண்டார்." என்று அவர் கூறியுள்ளார்.

இந்த காலகட்டத்தில் 200 டெஸ்ட் மற்றும் 463 ஒருநாள் போட்டிகளில் விளையாடிய டெண்டுல்கர், இரண்டு வடிவங்களிலும் முறையே 51 மற்றும் 49 சதங்களை அடித்துள்ளார். மேலும், எல்லா நேரத்திலும் அதிக ரன் எடுத்தவர் என்ற பெருமையைப் அவர் பெற்றுள்ளார் என்பது குறிப்பிடத்தக்கது.

தமிழ்  இந்தியன்  எக்ஸ்பிரஸின்  அனைத்துசெய்திகளையும்உடனுக்குடன்  டெலிகிராம்  ஆப்பில்  பெற https://t.me/ietamil

Cricket Sports Indian Cricket Sachin Tendulkar Ricky Ponting Virat Kohli Indian Cricket Team
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment