அந்த இறுதிப் போட்டியில், முதலில் பேட்டிங் செய்த ஆஸ்திரேலியா ஈவு இரக்கமின்றி இந்திய பவுலர்கள் ஸ்ரீநாத், நெஹ்ரா, ஜாஹீர், ஹர்பஜன் என அடித்து நொறுக்கி 359 ரன்களை குவித்தது.
ஆஸ்திரேலிய கேப்டன் ரிக்கி பாண்டிங் 140 ரன்களை சூறாவளியாக விளாசினார். இதில் நான்கு பவுண்டரிகளும், எட்டு சிக்ஸர்களும் அடங்கும். (ஸ்ரீநாத் ஓவர்லலாம் ஒத்தக் கையால அந்த மனுசன் அடிச்ச சிக்ஸ நினைச்சாலே இன்னமும் மனசு வலிக்குது)
360 எனும் மெகா இலக்கை நோக்கி களமிறங்கிய இந்திய அணி, சச்சினை முதல் ஓவரிலேயே இழக்க... (கண்கள் கலங்குது ப்ரோ... விட்டுடுங்க) 234 ரன்கள் மட்டும் எடுத்து தோல்வி அடைந்தது.
போட்டி முடிந்த சில நாட்களில், 'ரிக்கி பாண்டிங் பேட்டில் 'ஸ்ப்ரிங்' வைத்து ஆடியதாகவும், இதனால் உலகக் கோப்பை இறுதிப் போட்டி மீண்டும் நடக்க உள்ளதாக ஏதோ ஒரு புண்ணியவான் புரளியை கிளப்பிவிட, பேஸ்புக், வாட்ஸ் அப், ட்விட்டர் இல்லாத காலத்திலயே காட்டுத்தீயாய் பரவிய அந்த வதந்தியை உண்மை என நம்பிய தலைமுறையானது 90'ஸ் கிட்ஸ் தலைமுறை.
இந்நிலையில், அப்போட்டியில் தான் பயன்படுத்திய பேட்டின் புகைப்படங்களை ரிக்கி பாண்டிங் வெளியிட்டிருக்கிறார்.
Given we've all got a bit of time on our hands as we stay at home, thought I'd go through what I've kept from my career and share some of it with everyone on a regular basis - this is the bat I used in the 2003 World Cup final. pic.twitter.com/meoBP6NJvg
இன்னமும் அந்த வதந்தியை மறக்காத ரசிகர்கள், பேட்டில் ஸ்ப்ரிங் இருந்துச்சா, இல்லையா? இப்போவாவது சொல்லுங்க என்று பாண்டிங்கிடமே அப்பாவியாய் கேட்டு வருகின்றனர்.
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/03/b95.jpg)