'2007 டி20 உலகக் கோப்பையை விட இது எனக்கு ரொம்ப ஸ்பெஷல்': ரோஹித் சர்மா எமோஷனல் வீடியோ

2007ல் இந்தியாவின் முதல் டி20 உலகக் கோப்பையை விட 2024 டி20 உலகக் கோப்பையை வெல்வது ஏன் தனக்கு இன்னும் ஸ்பெஷல் என்று இந்திய அணியின் கேப்டன் ரோஹித் சர்மா தெரிவித்தார்.
"2007 ஒரு வித்தியாசமான உணர்வு, 2007 ஆம் ஆண்டு எனது முதல் உலகக் கோப்பை என்பதால் என்னால் மறக்க முடியாது, ஆனால் இது இன்னும் ஸ்பெஷல், ஏனென்றால் நான் அணியை வழிநடத்தினேன். இது எனக்கு மிகவும் பெருமையான தருணம்,” என்று பிசிசிஐ வெளியிட்ட வீடியோவில் ரோஹித் கூறினார்.

When the nation jumped with joy and celebrated with their heroes 🇮🇳❤️#TeamIndia Captain @ImRo45 shares his feeling of being part of the majestic victory parade 🥳#T20WorldCup | #Championspic.twitter.com/wVmU9nhT9f

— BCCI (@BCCI) July 5, 2024

இந்தியாவின் உலக கிரிக்கெட் சாம்பியன்கள் வியாழக்கிழமை நாடு திரும்பியபோது பல்லாயிரக்கணக்கான ரசிகர்கள் மும்பையின் மரைன் டிரைவில் குவிந்தனர்.
ஷர்மா, விராட் கோலி மற்றும் பிற கிரிக்கெட் நட்சத்திரங்களைப் பார்க்க மணிக்கணக்கில் காத்திருந்த ரசிகர்கள் நடனமாடி, இந்தியாவின் கொடியை அசைத்து, ஸ்மார்ட்போன் டார்ச் லைட்டை ஒளிரச் செய்தனர்.
”நீங்கள் உற்சாகத்தை வெளிப்படுத்தலாம். இது நமக்கு மட்டுமல்ல ஒட்டுமொத்த தேசத்துக்கும் எவ்வளவு அர்த்தம் என்பதை காட்டுகிறது. உங்களுக்காகவும் இதுபோன்ற ஒன்றை நாங்கள் சாதித்ததில் நான் மிகவும் மகிழ்ச்சியடைகிறேன், ”என்று ரோஹித் கூறி ரசிகர்களை உற்சாகப்படுத்தினார்.

வெற்றி பெற்ற அணி பார்படாஸில் இருந்து தனி விமானத்தில் வியாழன் அதிகாலை புது தில்லிக்கு வந்திறங்கியது. அவர்கள் பிரதமர் நரேந்திர மோடியை அவரது இல்லத்தில் சந்தித்து பின்னர் மும்பை புறப்பட்டு சென்றனர். 
புது தில்லி சர்வதேச விமான நிலையத்தில் நூற்றுக்கணக்கான ரசிகர்கள் கூடியிருந்தனர், வீரர்கள் வெளியே வந்து பேருந்தில் ஏறியபோது அவர்களில் பலர் "இந்தியா, இந்தியா" என்று கோஷமிட்டனர். 
கடந்த வார இறுதியில் பார்படாஸில் நடந்த இருபதுக்கு 20 உலகக் கோப்பை இறுதிப் போட்டியில் தென்னாப்பிரிக்காவை வீழ்த்தி இந்தியா 13 ஆண்டுகளுக்குப் பிறகு மீண்டும் உலகக் கோப்பையை வென்றது. 2011 ஆம் ஆண்டு ஒருநாள் உலகக் கோப்பையை வென்ற பிறகு, டி20 வெற்றி இந்தியாவின் முதல் உலகக் கோப்பை பட்டமாகும்.
Read in English: Here’s why Rohit Sharma says winning 2024 T20 World Cup more special than inaugural World T20 triumph in 2007
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“