சேட்டன் வந்தலே செஞ்சுரி அடிச்சலே... வங்கதேசத்தை நொறுக்கி அள்ளிய சஞ்சு!

வந்தேச அணியின் பந்துவீச்சை நொறுக்கி அள்ளிய அவர் 40-வது பந்தில் பவுண்டரியை விரட்டி தனது முதல் சர்வதேச டி20 சதத்தை விளாசி மிரட்டினார். அவரது அதிரடி ஆட்டத்தை கட்டுப்படுத்த வந்தேச பவுலர்கள் திணறினர்.

Written byWebDesk

வந்தேச அணியின் பந்துவீச்சை நொறுக்கி அள்ளிய அவர் 40-வது பந்தில் பவுண்டரியை விரட்டி தனது முதல் சர்வதேச டி20 சதத்தை விளாசி மிரட்டினார். அவரது அதிரடி ஆட்டத்தை கட்டுப்படுத்த வந்தேச பவுலர்கள் திணறினர்.

WebDesk

12 Oct 2024 20:41 IST

புதுப்பிக்கப்பட்டது 12 Oct 2024 23:08 IST

New Update

Sanju Samson century vs Bangladesh 3rd T20I Hyderabad Tamil News — ஐதராபாத்தில் சிக்ஸர் மழை பொழிந்து சதம் விளாசினார் சஞ்சு சாம்சன்.

இந்தியா - வங்கதேச அணிகளுக்கு இடையிலான 3-வது மற்றும் கடைசி டி20 ஐதராபாத்தில் இன்று சனிக்கிழமை இரவு 7 மணிக்கு தொடங்கி நடைபெற்றது. இந்த ஆட்டத்தில் இந்திய அணி 133 ரன்கள் வித்தியாசத்தில் அபார வெற்றி பெற்று, 3 போட்டிகள் கொண்ட டி20 தொடரை 3-0 என்கிற கணக்கில் கைப்பற்றியது.

Advertisment

இந்நிலையில், இந்தப் போட்டியில் டாஸ் வென்ற இந்திய அணி அதிரடியான பேட்டிங்கை வெளிப்படுத்தியது. இந்திய அணி தரப்பில் தொடக்க வீரராக களமாடிய சஞ்சு சாம்சன் ஐதராபாத்தில் சிக்ஸர் மழை பொழிந்தார். வந்தேச அணியின் பந்துவீச்சை நொறுக்கி அள்ளிய அவர் 40-வது பந்தில் பவுண்டரியை விரட்டி தனது முதல் சர்வதேச டி20 சதத்தை விளாசி மிரட்டினார். அவரது அதிரடி ஆட்டத்தை கட்டுப்படுத்த வந்தேச பவுலர்கள் திணறினர். குறிப்பாக, சஞ்சு ரிஷாத் ஹொசைன் வீசிய 10-வது ஓவரில் முதல் பந்தை தவிர்த்து, அடுத்த 5 பந்துகளில் வரிசையாக சிக்ஸர்களை பறக்க விட்டு மிரட்டினார்.

SANJU SAMSON SMASHED 5 SIXES IN A SINGLE OVER. 🤯🙇 pic.twitter.com/mK7Cz8u77b
— Johns. (@CricCrazyJohns) October 12, 2024

மொத்தமாக 47 பந்துகளில் 11 பவுண்டரிகள், 8 சிக்ஸர்களை பறக்கவிட்டு 111 ரன்கள் குவித்து ஆட்டமிழந்தார். அவரது அதிரடியான ஆட்டத்தின் மூலம் இந்தியாவின் ஸ்கோர் விறுவிறுவென எகிறியது. சஞ்சு 40 பந்துகளில் சதம் அடித்து மிரட்டியதன் மூலம் டி20 போட்டியில் அதிவேகமாக சதம் அடித்த இரண்டாது இந்திய வீரரானார் சஞ்சு சாம்சன். அவருக்கு ரசிகர்கள் வாழ்த்து மழை பொழிந்து வருகிறார்கள்.

Advertisment