இந்தியாவின் முதல் டி20 பிளேயர்… முதல் டி20 கேப்டன்… முதல் டி20 அணி… முதல் டி20 வெற்றி… இதெல்லாம் தெரியுமா?

IND vs NZ T20I Series Tamil News: நியூசிலாந்துக்கு சுற்றுப்பயணமாக சென்றுள்ள இந்திய கிரிக்கெட் அணி, அங்கு 3 டி20 மற்றும் 3 ஒரு நாள் போட்டிகளில் விளையாடுகிறது. அதன்படி, இந்தியா- நியூசிலாந்து அணிகள் இடையிலான முதலாவது டி-20 போட்டி வெலிங்டனில் நாளை (வெள்ளிக்கிழமை) இந்திய நேரப்படி பகல் 12 மணிக்கு தொடங்கி நடக்கிறது. இந்தப் போட்டிக்காக இரு அணி வீரர்களும் தீவிரமாக தயாராகி வருகின்றனர்.

மைல்ஸ்டோன் அலர்ட்

இந்நிலையில், இந்த ஆட்டத்தில் களமாடவுள்ள இந்திய வீரர் ஷுப்மான் கில், புதிய மைல்கல்லை அடைய இருக்கிறார். 23 வயதான அவர், இந்திய டி20 அணியில் களமிறங்குவதன் மூலம் இந்தியாவைப் பிரதிநிதித்துவப்படுத்தும் 100வது வீரர் என்ற பெருமையைப் பெறுவார்.

டிசம்பர் 2006ல் தென்ஆப்பிரிக்காவுக்கு எதிராக முதல் சர்வதேச டி20-யை இந்தியா விளையாட தொடங்கியதில் இருந்து இதுவரை 99 வீரர்கள் அணியின் சார்பில் களமாடியுள்ளனர். இந்த நிலையில், ஷுப்மான் கில் இந்திய டி20 அணியில் அறிமுகமாகுவதன் மூலம் சிறப்பான அந்த புதிய மைல்கல்லை அடைவார்.

முன்னதாக கில், 2018-19 நியூசிலாந்து சுற்றுப்பயணத்தின் போது இந்திய ஒருநாள் அணியில் களமாடிய (பிரதிநிதித்துவப்படுத்திய) 227 வது வீரர் ஆனார்.

முதல் தொப்பியைப் பெற்ற வீரர் யார்?

2006 டிசம்பரில் தென்ஆப்பிரிக்காவுக்கு எதிராக, சச்சின் டெண்டுல்கர் உட்பட 11 வீரர்கள் அதே போட்டியில் அறிமுகமானாலும், அவரது மும்பை அணியின் சக ஆட்டக்காரனான அஜித் அகர்கர் தான் இந்திய டி20 அணியின் முதல் தொப்பியைப் பெற்றார்.

அஜித் அகர்கர், அகரவரிசையில் தனது குடும்பப்பெயரின் முதலெழுத்துக்களால் இந்தியாவிற்கான முதல் தொப்பியைப் பெற்ற பெருமைக்குரியவர் ஆனார். சச்சின் மறுபுறம், அதே போட்டியில் அறிமுகமான போதிலும், கேப் எண்.11 என்ற பெருமையைப் பெற்றார்.

முதல் போட்டியில் விளையாடியது யார்?

இந்திய அணி 6 விக்கெட் வித்தியாசத்தில் வெற்றி பெற்ற டி20 போட்டியில் வீரேந்திர சேவாக், ஜாகீர் கான், தினேஷ் கார்த்திக் ஆகியோர் இடம்பிடித்து இருந்தனர். இதில் தினேஷ் கார்த்திக் நடப்பு டி20 உலகக் கோப்பையில் மற்றும் 2007 டி20 உலகக் கோப்பை வென்ற அணியிலும் இடம்பிடித்து இருந்தார்.

தென்ஆப்பிரிக்காவுக்கு எதிராக முதல் டி20 போட்டியில் விளையாடிய இந்தியாவின் பிளேயிங் லெவன்:

வீரேந்திர சேவாக் (கேப்டன்), சச்சின் டெண்டுல்கர், தினேஷ் மோங்கியா, எம்எஸ் தோனி (விக்கெட் கீப்பர்), தினேஷ் கார்த்திக், சுரேஷ் ரெய்னா, இர்பான் பதான், ஹர்பஜன் சிங், ஜாகீர் கான், அஜித் அகர்கர், எஸ் ஸ்ரீசாந்த்

இந்தியாவுக்கான மைல்ஸ்டோன் கேப்ஸ்

1வது டி20 கேப் - அஜித் அகர்கர், தென்னாப்பிரிக்கா vs இந்தியா, ஜோகன்னஸ்பர்க்கில் 2006/07

50வது டி20 கேப் - ஸ்டூவர்ட் பின்னி, ஜிம்பாப்வே vs இந்தியா, ஹராரே 2015

1வது ஒருநாள் கேப் - சையத் அபித் அலி, இங்கிலாந்து vs இந்தியா, லீட்ஸில் 1974

100வது ஒருநாள் கேப் - பங்கஜ் தர்மனி, இந்தியா vs தென்னாப்பிரிக்கா, ஜெய்ப்பூர் 1996/97

200வது ஒருநாள் கேப் - ஸ்டூவர்ட் பின்னி, நியூசிலாந்து vs இந்தியா, ஹாமில்டனில் 2013/14

முதல் டெஸ்ட் கேப் - அமர் சிங், இங்கிலாந்து எதிராக இந்தியா, 1932 லார்ட்ஸ்

100வது டெஸ்ட் கேப் - பாலு குப்தே, இந்தியா vs பாகிஸ்தான், சென்னையில் 1960/61

200வது டெஸ்ட் கேப் - நயன் மோங்கியா, இந்தியா vs இலங்கை, லக்னோ 1993/94

300வது டெஸ்ட் கேப் - டி நடராஜன், ஆஸ்திரேலியா vs இந்தியா, பிரிஸ்பேனில் 2020/21

இந்தியா vs நியூசிலாந்து: டி20 தொடர் அட்டவணை

நவம்பர் 18 - வெலிங்டன்

நவம்பர் 20 - டௌரங்கா

நவம்பர் 22 - நேப்பியர்

இந்தியா vs நியூசிலாந்து: ஒருநாள் தொடர் அட்டவணை:

நவம்பர் 25 - ஆக்லாந்து

நவம்பர் 27 - ஹாமில்டன்

நவம்பர் 30 - கிறிஸ்ட்சர்ச்

நியூசிலாந்து தொடருக்கான இந்திய டி20 – ஒருநாள் அணி விபரம் பின்வருமாறு:-

இந்திய டி20 அணி:

ஹர்திக் பாண்டியா (கேப்டன்), ஷுப்மன் கில், சூர்யகுமார் யாதவ், ஸ்ரேயாஸ் ஐயர், தீபக் ஹூடா, வாஷிங்டன் சுந்தர், ரிஷப் பந்த், இஷான் கிஷன், சஞ்சு சாம்சன், யுஸ்வேந்திர சாஹல், குல்தீப் யாதவ், ஹர்ஷல் சிராஜ் குமார், முகமது சிராஜ் குமார், முகமது சிராஜ் குமார் சிங், உம்ரான் மாலிக்.

இந்திய ஒருநாள் அணி:

ஷிகர் தவான் (கேப்டன்), ஷுப்மான் கில், சூர்யகுமார் யாதவ், ஷ்ரேயாஸ் ஐயர், தீபக் ஹூடா, வாஷிங்டன் சுந்தர், ஷாபாஸ் அகமது, ரிஷப் பந்த், சஞ்சு சாம்சன், ஷர்துல் தாக்கூர், யுஸ்வேந்திர சாஹல், குல்தீப் சிங், அர்ஷ்தீப் சிங், அர்ஷ்தீப் சிங், சக்ரன் யாதவ். மாலிக், குல்தீப் சென்.

தமிழ்  இந்தியன்  எக்ஸ்பிரஸின்  அனைத்துசெய்திகளையும்உடனுக்குடன்  டெலிகிராம்  ஆப்பில்  பெறhttps://t.me/ietamil