![Shubman Gill vs Virat Kohli | century tally Comparing at the age of 24](https://img-cdn.thepublive.com/fit-in/1280x960/filters:format(webp)/indian-express-tamil/media/media_files/02iAM6xSl6Bu6gSO8TZX.jpg)
கோலியின் புள்ளிவிவரங்களைப் பார்க்கும்போது, அவரது இரண்டு டெஸ்ட் சதங்களில் ஒன்று நியூசிலாந்துக்கு எதிராக இந்தியாவில் வந்தது.
virat-kohli | Shubman-gill: ஆஸ்திரேலியா கிரிக்கெட் அணி இந்திய மண்ணில் சுற்றுப்பயணம் செய்து 3 ஒருநாள் போட்டிகள் கொண்ட தொடரில் விளையாடி வருகிறது. இத்தொடருக்கான முதல் இரண்டு போட்டிகளில் அபார வெற்றியை இந்தியா ருசித்தது. இதன்மூலம் தொடரை வென்றுள்ள இந்திய அணி தொடரில் 2-0 என்கிற கணக்கில் முன்னிலை பெற்றுள்ளது.
இந்த தொடரில் இந்திய இளம் வீரரான சுப்மன் கில் தனது மிரட்டலான பேட்டிங்கை வெளிப்படுத்தி வருகிறார். கடந்த ஒன்றரை ஆண்டுகளாக தரமான ஃபார்மில் இருக்கும் அவர் 3 ஃபார்மெட்டுகளிலும் தொடக்க வீரராக ஜொலித்து வருகிறார். தற்போது ஆஸ்திரேலியாவுக்கு எதிராக நடந்து வரும் ஒருநாள் தொடரில், மொகாலியில் நடந்த முதல் போட்டியில் 63 பந்துகளில் 6 பவுண்டரிகள் மற்றும் 2 சிக்ஸர்களுடன் 74 ரன்கள் எடுத்தார்.
இதேபோல் நேற்று நடந்த 2வது ஒருநாள் போட்டியில் சதம் விளாசி மிரட்டினார். அவர் 97 பந்துகளில் 6 பவுண்டரிகள் 4 சிக்ஸர்களுடன் 104 ரன்கள் குவித்தார். அண்மையில் நடந்த ஆசிய கோப்பை தொடரில் கூட கில் சிறப்பான ஆட்டத்தை வெளிப்படுத்தினார். அவர் நேபாளத்திற்கு எதிராக ஆட்டமிழக்காமல் 67 ரன்களும், பாகிஸ்தானுக்கு எதிராக 58 ரன்களும், வங்கதேசத்திற்கு எதிராக 121 ரன்களும், இறுதிப் போட்டியில் இலங்கைக்கு எதிராக 27* ரன்களும் எடுத்து அசத்தினார்.
அவரது இந்த அற்புதமான பேட்டிங் காரணமாக, கில் சமீப காலங்களில் விராட் கோலியுடன் அடிக்கடி ஒப்பிடப்படுகிறார். கோலியை ரசிகர்கள் "கிங் கோலி" என்றும் அழைக்கும் நிலையில், கில்லை "பிரின்ஸ் கில்" என்று குறிப்பிடப்படுகிறார்கள். இந்நிலையில், 24 வயதாகும் கில் அதே வயதில் கோலி படைத்த சாதனைகளுடன் ஒப்பிடப்பட்டு இருக்கிறார். அதனை இங்கு சுருக்கமாக பார்க்கலாம்.
சுப்மன் கில் vs விராட் கோலி: 24 வயதில் விளாசிய ஒட்டுமொத்த சதம்
இந்த ஆண்டு செப்டம்பர் 8 ஆம் தேதி கில் 24 வயதை எட்டினார். அதற்குள் அவர் 18 டெஸ்ட் போட்டிகளில் விளையாடி 32.20 சராசரியில் 966 ரன்களை இரண்டு சதங்களுடன் எடுத்திருந்தார். ஒருநாள் போட்டிகளில், அவர் 29 போட்டிகளில் 1514 ரன்களை 63.08 சராசரியில் நான்கு சதங்களுடன் எடுத்துள்ளார். மேலும், டி20 போட்டிகளில் 11 போட்டிகளில் பங்கேற்று 304 ரன்களை 30.4 சராசரியில் ஒரு சதத்துடன் எடுத்துள்ளார். எனவே, அவர் 24 வயதை எட்டியபோது, 7 சதங்களை விளாசியிருக்கிறார்.
கோலி தனது 24வது பிறந்தநாளை நவம்பர் 5, 2012 அன்று கொண்டாடினார். அப்போது அவர் 10 டெஸ்ட் போட்டிகளில் விளையாடி 41.35 சராசரியில் 703 ரன்களை இரண்டு சதங்களுடன் எடுத்தார். அதே காலகட்டத்தில், அவர் 90 ஒருநாள் போட்டிகளில் விளையாடி 13 சதங்களுடன் 51.81 சராசரியுடன் 3886 ரன்கள் எடுத்தார். டி20-யில், அவர் 16 போட்டிகளில் அதிகபட்சமாக 78 ரன்களுடம் 463 ரன்கள் எடுத்தார்.
கோலி தனது 24வது பிறந்தநாளைக் கொண்டாடும் போது கில்லின் 7 சதங்களுடன் ஒப்பிடுகையில் 15 சதங்களை அடித்திருந்தார். இருப்பினும், கோலியின் 90 ரன்களுடன் ஒப்பிடுகையில், கில் 29 ஒருநாள் போட்டிகளில் மட்டுமே விளையாடியுள்ளார் என்பது கவனத்தில் கொள்ளப்பட வேண்டிய விஷயம். அதே பாணியில் கில் தொடர்ந்தால், அவர் 90 ஒருநாள் போட்டிகளில் விளையாடும் நேரத்தில் கோலியின் எண்ணிக்கைக்கு அருகில் இருக்க வேண்டும்.
சுப்மன் கில் vs விராட் கோலி: 24 வயதில் சொந்த மண் மற்றும் வெளிநாடுகளில் சாதனை
கில் இந்தியாவில் தனது இரண்டு டெஸ்ட் சதங்களில் ஒன்றை அடித்துள்ளார். ஆஸ்திரேலியாவுக்கு எதிராக அகமதாபாத்தில் 128 ரன்களும் மற்றொன்று வங்கதேசத்திலும் விளாசினார், இது அவரது அறிமுக டெஸ்ட் சதமாகும். அவரது மூன்று ஒருநாள் சதங்கள் சொந்த மண்ணில் வந்தவை. நியூசிலாந்துக்கு எதிராக இரண்டு மற்றும் இலங்கைக்கு எதிராக ஒன்று. ஆகஸ்ட் 2022ல் ஜிம்பாப்வேயில் ஹராரேயில் அவரது ஒருநாள் சதங்களில் ஒன்று அடிக்கப்பட்டது. நியூசிலாந்துக்கு எதிராக 63 பந்துகளில் 126* ரன்கள் எடுத்தபோது, அவரது டி20I சதமும் அவரது சொந்த மண்ணில் வந்தது.
கோலியின் புள்ளிவிவரங்களைப் பார்க்கும்போது, அவரது இரண்டு டெஸ்ட் சதங்களில் ஒன்று நியூசிலாந்துக்கு எதிராக இந்தியாவில் வந்தது. 103 ரன்களை ஆகஸ்ட் 2012ல் பெங்களூருவில் எடுத்தார். அதற்கு முன், அவர் ஜனவரி 2012ல் அடிலெய்டில் ஆஸ்திரேலியாவுக்கு எதிராக 116 ரன்கள் எடுத்தார். இது அவரது முதல் டெஸ்ட் சதம் ஆகும்.
கோலி 33 ஒருநாள் போட்டிகளில் விளாசிய தனது 13 சதங்களில் 5 சொந்த மண்ணில் அடித்துள்ளார். அவரது சிறந்த 118 ரன்கள் அக்டோபர் 2010ல் விசாகப்பட்டினத்தில் ஆஸ்திரேலியாவுக்கு எதிராக பதிவு செய்யப்பட்டது. சுவரசியாமாக, அவர் வெளிநாட்டில் விளாசிய சதங்களில் ஜூலை 2012ல் கொழும்புவில் இலங்கைக்கு எதிராக 128* ரன்களை குவித்தார்.
அவரது மூன்று ஒருநாள் சதங்கள் நடுநிலையான மைதானங்களில் வந்தன. சிறந்தவை இலங்கைக்கு எதிராக ஹோபார்ட்டில் (பிப்ரவரி 2012) 133* மற்றும் மிர்பூரில் (மார்ச் 2012) பாகிஸ்தானுக்கு எதிராக 183 ஆகும்.
2022 டிசம்பரில் நடந்த சட்டோகிராம் டெஸ்டில் கில் 110 ரன்கள் எடுத்தது வெற்றிக்கு காரணமாக அமைந்தது. ஆஸ்திரேலியாவுக்கு எதிராக அகமதாபாத்தில் நடந்த 128 ரன்கள் டிராவில் முடிந்தது. இதில் கோலி 186 ரன்களுக்கு ஆட்ட நாயகனாகத் தேர்ந்தெடுக்கப்பட்டார்.
ஒருநாள் போட்டிகளில், அவர் 24 வயதிற்குள் அடித்த நான்கு சதங்களும் இந்தியாவுக்கு வெற்றியை அளித்தன. அவரது டி20 சதமும் இந்திய 168 ரன்கள் வித்தியாசத்தில் வெற்றி பெற்றது.
டெஸ்டில், நியூசிலாந்துக்கு எதிராக கோலியின் 103 ரன்கள் இந்தியா ஐந்து விக்கெட் வித்தியாசத்தில் வெற்றி பெற உதவியது. இரண்டாவது இன்னிங்ஸிலும் 51* ரன்கள் எடுத்ததால் ஆட்ட நாயகனாகத் தேர்ந்தெடுக்கப்பட்டார். மேலும், அவரது 13 ஒருநாள் சதங்களில் 12 சதங்கள் இந்தியாவிற்கு வெற்றியை அளித்தன.
2011 ஆம் ஆண்டு செப்டம்பர் மாதம் கார்டிப்பில் கோலி ஒரு நாள் போட்டிகளில் சதம் அடித்த போதிலும், இந்தியா ஒரு போட்டியில் தோல்வியடைந்த ஒரே நிகழ்வு செப்டம்பர் 2011ல் வந்தது. அவர் 93 பந்துகளில் 107 ரன்கள் எடுத்தார். ஆனால் இங்கிலாந்து 6 விக்கெட் வித்தியாசத்தில் வெற்றி பெற்றது (DLS முறை).
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.