T20 World Cup: Group 2 latest Semi-Final Scenario in tamil: ஆஸ்திரேலிய மண்ணில் நடைபெற்று வரும் 8வது டி-20 உலகக் கோப்பை கிரிக்கெட் போட்டிகள் தற்போது இறுதிக் கட்டத்தை எட்டியிருக்கிறது. இந்த தொடருக்கான சூப்பர் 12 சுற்றில் 12 அணிகள் இரு பிரிவாக பிரிக்கப்பட்டுள்ளன. ஒவ்வொரு அணியும், தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். இதன் முடிவில் ஒவ்வொரு பிரிவிலும் முதல் இரண்டு இடங்களை பிடிக்கும் அணிகள் அரைஇறுதிக்கு முன்னேறும்.
குழு 1ல் ஆஸ்திரேலியா, நியூசிலாந்து, ஆப்கானிஸ்தான், இங்கிலாந்து போன்ற அணிகளுடன் தகுதிச் சுற்றில் தகுதி பெற்ற அயர்லாந்து மற்றும் இலங்கை அணிகள் இடம்பிடித்துள்ளன. இதேபோல், குழு 2-ல் இந்தியா, பாகிஸ்தான், வங்க தேசம் மற்றும் தென்னாப்பிரிக்கா போன்ற அணிகளுடன் ஜிம்பாப்வே மற்றும் நெதர்லாந்து அணிகளும் இடம் பிடித்துள்ளன.
குழு 1ல் இடம்பிடித்துள்ள அணிகளுக்கான சூப்பர் 12 சுற்று ஆட்டங்கள் இன்றுடன் நிறைபெற்ற நிலையில், அந்த குழுவில் இருந்து நியூசிலாந்து, இங்கிலாந்து அணிகள் அரையிறுதிக்கு தகுதி பெற்றுள்ளன. இதில், புள்ளிப்பட்டியலில் நியூசிலாந்து அணி 7 புள்ளிகளுடன், +2.113 என்ற நெட் ரன்ரேட்டுடன் முதலாவது இடத்திலும், இங்கிலாந்து அணி 7 புள்ளிகளுடன், +0.473 என்ற நெட் ரன்ரேட்டுடன் 2வது இடத்திலும் உள்ளன. அந்த குழுவில் இடம்பிடித்திருந்த ஆஸ்திரேலியா, ஆப்கானிஸ்தான், அயர்லாந்து, இலங்கை அணிகள் தற்போது அதிகாரப்பூர்வமாக நடப்பு உலகக் கோப்பையில் இருந்து வெளியேறியுள்ளன.
ஆனால், குழு 2 இலிருந்து எந்த அணியும் இன்னும் அரையிறுதிக்கு தகுதி பெறவில்லை. அரையிறுதிக்கு நுழைவதற்கான போட்டியில் அந்த குழுவில் இடப்பிடித்துள்ள நெதர்லாந்து அணியைத் தவிர, மற்ற ஐந்து அணிகளும் இடையே போட்டி நிலவி வருகிறது. புள்ளிப்பட்டியலைப் பொறுத்தவரை, இந்தியாவும் தென்ஆப்பிரிக்காவும் அட்டவணையில் முதல் இரண்டு இடங்களைப் பிடித்துள்ளன. அதே நேரத்தில், பாகிஸ்தானுக்கும் இன்னும் வாய்ப்பு உள்ளது. ஆனால், அவர்கள் மற்ற அணிகளின் முடிவுகளை நம்பியிருக்க வேண்டும். இருப்பினும், வங்க தேசம் மற்றும் ஜிம்பாப்வே ஆகியவை கணித ரீதியாக பந்தயத்தில் உள்ளன. எனினும், அவர்களும், மற்ற அணிகளின் முடிவுகளைக் கண்காணிக்க வேண்டிய நிலையில் உள்ளனர்.
குரூப் 2 இலிருந்து அரையிறுதிக்கு முன்னேற வாய்ப்புள்ள அணிகளைப் பற்றி இங்கே பார்க்கலாம்.
இந்தியா
விளையாடிய போட்டிகள்: 4, புள்ளிகள்: 6, நெட் ரன்ரேட்: +0.730, கடைசிப் போட்டி: ஜிம்பாப்வே
இந்தியா சூப்பர் 12 சுற்றின் கடைசி ஆட்டத்தில் வெற்றி பெற்றால், அரையிறுதியில் இடம் பெறுவது அவர்களுக்கு 8 புள்ளிகளைப் பெற மட்டுமே வாய்ப்புள்ளது. இதுவரை நடந்த போட்டியில் தென்ஆப்பிரிக்காவுக்கு எதிராக ஒரே ஒரு போட்டியில் மட்டுமே தோல்வியடைந்து. குரூப் 1 புள்ளிகள் பட்டியலில் முதலிடத்தைப் பிடித்துள்ளனர்.
ஏற்கனவே பாகிஸ்தானை வீழ்த்தி போட்டியில் அசத்திய ஜிம்பாப்வேயை எதிர்கொள்கிறது. இருப்பினும், ஒரு தோல்வி கூட இந்தியாவை பந்தயத்திலிருந்து வெளியேற்றாது. ஆனால் அவர்கள் அரையிறுதிக்கு முன்னேற மற்ற அணிகளின் முடிவுகளை நம்பியிருக்க வேண்டும். மழையால் ஆட்டம் டிராவில் முடிந்தால், இந்தியா தானாகவே 7 புள்ளிகளுடன் அரையிறுதிக்குள் நுழைந்துவிடும்.
தென்ஆப்பிரிக்கா
விளையாடிய போட்டிகள்: 4, புள்ளிகள்: 5, நெட் ரன்ரேட்: +1.441, கடைசிப் போட்டி: vs நெதர்லாந்து –
நெதர்லாந்து அணிக்கு எதிரான வெற்றியைப் பதிவு செய்தால் தென்ஆப்பிரிக்கா அணிக்கு அரையிறுதியில் இடம் பெறுவதை உறுதி செய்யும். அவர்கள் தற்போது தங்கள் குழுவில் சிறந்த நெட் ரன்ரேட்யைக் கொண்டுள்ளனர். ஆனால் ஞாயிற்றுக்கிழமை நெதர்லாந்து ஒரு ஏமாற்றத்தை உருவாக்க முடிந்தால், ஜிம்பாப்வேக்கு எதிரான டிரா செய்யப்பட்ட போட்டி அவர்களைத் தேடி வரும். தோல்வி தென்ஆப்பிரிக்காவை போட்டியில் இருந்து வெளியேற்றும்.
பாகிஸ்தான்: விளையாடிய போட்டிகள்: 4, புள்ளிகள்: 4, நெட் ரன்ரேட்: +1.117, கடைசிப் போட்டி: vs வங்கதேசம்
பாகிஸ்தான் அணி இந்தியா மற்றும் ஜிம்பாப்வேயிடம் ஏற்பட்ட நெருக்கமான தோல்வியால் அரையிறுதி வாய்ப்புகள் தடுமாறச் செய்தன. கடந்த இரண்டு போட்டிகளில் அவர்கள் மீண்டு வர முடிந்தது. ஆனால் இன்னும் அவர்களின் தலைவிதி அவர்கள் கையில் இல்லை. அவர்கள் தங்கள் நம்பிக்கையை உயிர்ப்புடன் வைத்திருக்க எந்த விலையிலும் வங்க தேச அணியைத் தோற்கடிக்க வேண்டும். ஆனால் அதே நேரத்தில், குறைந்த தரவரிசை அணிகளுக்கு எதிரான போட்டியில் தென்ஆப்பிரிக்கா அல்லது இந்தியா தோல்வியடைய அவர்கள் பிரார்த்தனை செய்ய வேண்டும். இதற்கிடையில், வங்கதேச அணிக்கு எதிராக தோல்வியடைந்தால் போட்டியில் இருந்து வெளியேறும்.
வங்க தேசம்
விளையாடிய போட்டிகள்: 4, புள்ளிகள்: 4, நெட் ரன்ரேட்: -1.276, கடைசிப் போட்டி: vs பாகிஸ்தான்
வங்க தேச அணியின் தலைவிதியும் இங்கே அவர்கள் கையில் இல்லை. ஏனெனில் அவர்கள் முதலில் பாகிஸ்தானை நல்ல ரன்ரேட் வித்தியாசத்தில் வீழ்த்த வேண்டும். மேலும் அவர்கள் ஜிம்பாப்வே மற்றும் நெதர்லாந்தை நம்பியுள்ளனர். இந்தியா மற்றும் தென்ஆப்பிரிக்காவுக்கு எதிராக அப்செட்களை உருவாக்க வேண்டும். ஒரு இழப்பு அவர்கள் போட்டியில் தங்குவதை தானாகவே முடித்துவிடும்.
ஜிம்பாப்வே
விளையாடிய போட்டிகள்: 4, புள்ளிகள்: 3, நெட் ரன்ரேட்: -0.31, கடைசிப் போட்டி: vs இந்தியா
ஜிம்பாப்வே இன்னும் எப்படியோ பந்தயத்தில் உயிர்ப்புடன் உள்ளது. ஆனால் இங்கிருந்து அரையிறுதிக்கு முன்னேறுவது அவர்களுக்கு மிகவும் கடினமாக இருக்கும். அந்த அணி 50 ரன்கள் வித்தியாசத்தில் இந்தியாவை வீழ்த்த வேண்டும். அதே வித்தியாசத்தில் தென்ஆப்பிரிக்காவை வீழ்த்த நெதர்லாந்தை நம்பியிருக்க வேண்டும். இருப்பினும், பாகிஸ்தான் மற்றும் வங்க தேச போட்டியில் விளையாடுவதற்கு அவர்கள் இன்னும் மழைக்காக பிரார்த்தனை செய்ய வேண்டும். மற்ற அணிகளுடன் புள்ளிகளை சமன் செய்து, அவர்களை விட சிறந்த நெட் ரன்ரேட் இருந்தால் மட்டுமே அவர்களால் அரையிறுதிக்கு முன்னேற முடியும்.
தமிழ் இந்தியன் எக்ஸ்பிரஸின் அனைத்துசெய்திகளையும்உடனுக்குடன் டெலிகிராம் ஆப்பில் பெறhttps://t.me/ietamil
