ஒரு ஷோரூம் அளவுக்கு மோட்டார் சைக்கிள்கள்; பிரமிக்க வைக்கும் தோனி கலெக்ஷன்; வீடியோ

முன்னாள் கேப்டன் மகேந்திரசிங் தோனியின் வீட்டுக்கு சென்றுள்ள பயிற்சியாளர் வெங்கடேஷ் பிரசாத், தோனியின் வீட்டில் உள்ள பைக்களை பார்த்து வியந்துள்ளார். இது தொடர்பாக அவர் வெளியிட்டுள்ள வீடியோ பதிவு இணையத்தில் வைரலாகி வருகிறது.

இந்திய கிரிக்கெட் அணியின் சிறந்த கேப்டன்களில் ஒருவர் மகேந்திரசிங் தோனி. ஐசிசி நடத்தும் அனைத்து வகை தொடர்களையும் இந்திய அணிக்காக வென்ற தோனி, இந்தியாவின் தவிர்க்க முடியாத ஒரு கேப்டனாக வலம் வருகிறார். அதேபோல் ஐபிஎல் தொடர் தொடக்கத்தில் இருந்து சென்னை அணிக்காக விளையாடி வரும் இவர் இதுவரை 5 முறை சாம்பியன் பட்டம் வென்று கொடுத்துள்ளார்.

தற்போது சர்வதேச போட்களில் இருந்து ஒய்வு பெற்றுள்ள எம்.எஸ்.தோனி ஐபிஎல் தொடரில் விளையாடி வருகிறார். சமீபத்தில் முடிந்த 2023-ம் ஆண்டு ஐபிஎல் சீசனில் தோனி தலைமையிலான சென்னை சூப்பர் சிங்ஸ் அணி கோப்பை வென்று அசத்தியது. தோனி ராஞ்சியில் பிறந்திருந்தாலும் சென்னை அணியின் செல்லபிள்ளையாக மாறியுள்ளார். அதேபோல் தற்போது சினிமாவில் கால் பதித்துள்ள தோனி அவரது முதல் படத்தை தமிழில் தயாரித்துள்ளார்.

கிரிக்கெட் போட்டிகளில் அதீத ஆர்வம் கொண்ட தோனி அதே அளவுக்கு இரு சககர வாகனங்கள் மீது ஆர்வம் கொண்டவர். இது குறித்து அவ்வப்போது வெளிப்படையாக பேசியுள்ள தோனி, உலகின் முன்னணி பைக்கள் வாங்கி தனது வீட்டில் வைத்துள்ளார். மேலும் தனது வாகனங்கள் நிறுத்துவதற்காகவே ஒரு கட்டிடத்தையும் கட்டி வைத்துள்ளார் ஷோரும் போன்று காட்சி அளிக்கும் இந்த இடம் குறித்து வீடியோ ஒன்றை தற்போது வெங்கடேஷ் பிரசாத் தனது ட்விட்டர் பக்கத்தில் வெளியிட்டுள்ளார்.

One of the craziest passion i have seen in a person. What a collection and what a man MSD is . A great achiever and a even more incredible person. This is a glimpse of his collection of bikes and cars in his Ranchi house.
Just blown away by the man and his passion @msdhoni pic.twitter.com/avtYwVNNOz

— Venkatesh Prasad (@venkateshprasad) July 17, 2023

இந்த வீடியோவில் சுமார் 50-க்கு மேற்பட்ட பைக்குகளும், 10-க்கு மேற்பட்ட கார்களும் உள்ளது. ராஞ்சியில் உள்ள தனது வீட்டில் இந்த பைக்குகள் மற்றும் கார்கள் அனைத்தையும் தோனி பொக்கிஷமாக பாதுகாத்து வரும் நிலையில், இந்த பைக்கள் மற்றும் கார்களை பார்த்த வெங்கடேஷ் பிரசாத் மற்றும் அவரது நண்பர்கள் அனைவரும் மிரட்டுபோய்யுள்ளது இந்த வீடியோவில் தெரிகிறது. இந்த பைக் ஷெட் வீட்டுக்கு அருகில் அமைக்க முதலில் குடும்பத்தினர் ஒப்புக்கொள்ளவில்லை என்பதால், வீட்டில் இருந்து சிறிது தொலைவில் இந்த ஷெட் அமைத்துள்ளதாகவும், இந்த ஷெட்க்கு  அருகில் பேட்மிண்டன் கோட் அமைந்துள்ளதாகவும் தோனி கூறியுள்ளார்.

தற்போது இந்த வீடியோ பதிவு இணையத்தில் வைரலாகி வரும் நிலையில், வெங்கடேஷ் பிரசாத் மட்டுமலலாமல் இதை பார்த்த ரசிகர்கள் பலரும் எம்மாடி தோனி வீட்டில் இத்தனை பைக்குகளா என்று ஆச்சரியமடைந்து வருகின்றனர்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil