33-28 என்ற புள்ளிகள் கணக்கில் தெலுகு டைட்டன்ஸ் வெற்றி!

 இந்தப் போட்டியின் லைவ் அப்டேட்ஸ்களை இந்தியன் எக்ஸ்பிரஸ் தமிழில் நீங்கள் உடனுக்குடன் காணலாம்.

Tamil Thalaivas vs Telugu Titans LIVE Kabaddi Score, Pro Kabaddi League 2018 Season 6 Kabaddi Match Live Updates: தமிழ் தலைவாஸ் – தெலுகு டைட்டன்ஸ் அணி போட்டி லைவ்:

10:22 PM: இறுதியில், 33-28   என்ற புள்ளிகள் கணக்கில் தெலுகு டைட்டன்ஸ் வெற்றிப் பெற்றுள்ளது.

10:00 PM: இரண்டாம் பாதி ஆட்டத்தில், தமிழ் தலைவாஸ் இன்னும் வேகத்தை கூட்டவில்லை எனலாம். லீடிங்கில் தொடர்ந்து தெலுகு டைட்டன்ஸ் அணி உள்ளது.

09:45 PM: தமிழ் தலைவாஸ் ஆல் அவுட் ஆனது. நேற்றையப் போட்டியைப் போல இன்றைய போட்டியிலும் தமிழ் தலைவாஸ் முதல் பாதிக்கு முன்னதாகவே ஆல் அவுட் ஆகியுள்ளது. முதல் பாதியில் 11-17 என தமிழ் தலைவாஸ் பின் தங்கியுள்ளது. டேக்கிளில் செய்த சில முந்திரிக் கொட்டை தவறுகளே இந்த பின்னடைவுக்கு காரணம்.

09:40 PM: தெலுகு டைட்டன்ஸ் வீரர்கள் கொஞ்சம் சீன் போடுகிறார்களோ என்று தோன்றுகிறது. கேப்டன் அஜய் தாகூரை டேக்கில் செய்துவிட்டு, இறுதிப் போட்டியில் கப் ஜெயித்த ரேஞ்சுக்கு ஆட்டம்.

09:30 PM: இரு அணிகளும் சிறப்பான ஆட்டத்தை வெளிப்படுத்தி வருகின்றன. அதான்! அந்த அவசரம் தான்… தமிழ் தலைவாஸ் அணிக்கு கொஞ்சம் பின்னடைவாக உள்ளது. டேக்கிளில் வீரர்களுக்குள் கரெக்டான கம்யூனிகேஷன் வேண்டும். அது கொஞ்சம் மிஸ்ஸிங்.. பார்ப்போம்!

09:24 PM: நீயா – நானா ஆட்டத்தைப் பார்க்க, நீயா நானா கோபிநாத் அரங்கிற்கு வந்திருக்கிறார்.

09: 18 PM: தெலுகு டைட்டன்ஸ் வீரர்களும், தமிழ் தலைவாஸ் வீரர்களும் அரங்கிற்குள் வந்தனர். சும்மா சொல்லக்கூடாது சவுண்டு அள்ளுது நம்ம பிளேயர்ஸ் களம் இறங்கின போது.