தமிழகத்தின் இரு கராத்தே சங்கங்கள் இணைப்பு: நிர்வாகிகள் அறிவிப்பு

உலக அளவில் தற்காப்பு கலைகளில்  முக்கிய விளையாட்டாக கராத்தே கலையை  பள்ளி,கல்லூரி மாணவ, மாணவிகள் ஆர்வமுடன் கற்று வருகின்றனர்.  தமிழகத்தில் கராத்தே கலையை கற்பதில் பள்ளி,கல்லூரி மாணவர்களிடையே ஆர்வம் அதிகரித்துள்ள நிலையில்,மாணவர்களின் நலன் கருதி தமிழகத்தில் செயல்பட்டு வரும் இரண்டு கராத்தே சங்கங்கள் இணைந்து செயல்பட முன்வந்துள்ளனர்..

கோவையில் நடைபெற்ற இணைப்பு விழாவில்,கராத்தே பயிற்சியாளர்கள் பலர் கலந்து கொண்டனர். இது குறித்த செய்தியாளர்கள் சந்திப்பில், தமிழ்நாடு ஸ்போர்ட்ஸ் கராத்தே சங்கம், தமிழ்நாடு கராத்தே சங்கம் ஆகிய இரு அமைப்புகளின் நிர்வாகிகள் சாய்புரூஸ் மற்றும் அல்தாப் ஆலம் ஆகியோர் பேசினர். தமிழக கராத்தே வீர்ர்களின் நலன் கருதி இரு சங்கங்களையும் இணைத்துள்ளதாகவும்,இதனால் தேசிய,சர்வதேச போட்டிகளில்   தமிழக மாணவர்களுக்கு கூடுதல் வாய்ப்புகள் கிடைக்கும் என நம்பிக்கை தெரிவித்தனர். 

குறிப்பாக தமிழக விளையாட்டு மேம்பாட்டு ஆணையம் மற்றும் ஒலிம்பிக் சங்கங்கள் அறிவித்துள்ளபடி,இந்த இணைப்பை நடத்தி உள்ளதாகவும், அங்கீகாரத்துடன் செயல்பட்டால் மட்டுமே கராத்தே வீரர்,வீராங்கனைகளுக்கு   உயர் கல்வி மற்றும் வேலை வாய்ப்புகளில் முன்னுரிமை  கிடைக்கும் என தெரிவித்தனர்.

செய்தி: பி.ரஹ்மான் - கோவை மாவட்டம்.