சொந்த மண்ணில் வீழ்ந்தது தெலுங்கு டைட்டன்ஸ்: பாட்னா பைரோட்ஸ் அணி 6-வது வெற்றி

10-வது புரோ கபடி லீக் திருவிழா கடந்த 2ம் தேதி தொடங்கி இந்தியாவில் விறுவிறுப்பாக நடந்து வருகிறது. இந்த தொடரில் பெங்கால் வாரியர்ஸ், பெங்களூரு புல்ஸ், தபாங் டெல்லி, குஜராத் ஜெயன்ட்ஸ், அரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பால்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோத்தாஸ் ஆகிய 12 அணிகள் களமாடி வருகின்றன.

இந்நிலையில் இந்த தொடரில் இன்று 2 ஆட்டங்கள் நடைபெறுகின்றன. அதில் ஐதராபாத்தில் உள்ள கச்சிபௌலி உள்விளையாட்டு அரங்கத்தில் இரவு 8 மணிக்கு தொடங்கிய ஆட்டத்தில் தெலுங்கு டைட்டன்ஸ் - பெங்களூரு புல்ஸ் அணிகள் மோதியது. விறுவிறுப்பாக நடைபெற்ற இந்த போட்டியில், பெங்களூரு புல்ஸ் அணி 42-26 என்ற புள்ளி கணக்கில் வெற்றி பெற்றது.  இதன் மூலம் பெங்களூர் புல்ஸ் அணி 37 புள்ளிகளுடன் புள்ளிப்பட்டியலில் 8-வது இடத்திலும் தெலுங்கு டைட்டன்ஸ் அணி 10 புள்ளிகளுடன் கடைசி இடத்திலும் உள்ளது. 

இதையடுத்து இரவு 9 மணிக்கு நடைபெற்ற ஆட்டத்தில் பாட்னா பைரேட்ஸ் - உ.பி.யோத்தாஸ் அணிகள் மோதியது. இந்த போட்டியில், பாட்னா பைரேட்ஸ் அணி 34-31 என்ற புள்ளி கணக்கில் வெற்றி பெற்றது. இதன் மூலம் பாட்னா பைரோட்ஸ் அணி 37 புள்ளிகளுடன் 7-வது இடத்திலும், உ.பி.யோத்தாஸ் அணி 23 புள்ளிகளுடன் 11-வது இடத்திலும் உள்ளது.

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெற  https://t.me/ietamil“