மாநில அளவிலான கயிறு இழுக்கும் போட்டி: புதுவை வீராங்கனைகள் பங்கேற்பு

பாபு ராஜேந்திரன் புதுச்சேரி

36வது சீனியர் மற்றும் ஜுனியர் மகளிர் கயிறு இழுக்கும் போட்டி தமிழ்நாட்டின் நாமக்கல் மாவட்டம் திருச்செங்கோட்டில் நடக்க உள்ளது. இந்தப் போட்டிக்கான 500 மற்றும் 640 கிலோ எடைப்பிரிவில் புதுவை மாநிலத்தைச் சேர்ந்த 20 வீராங்கனைகள் பங்கேற்க உள்ளனர்.

இந்நிலையில், புதுவை மாநில கயிறு இழுக்கும் சங்கத்தின் தலைவரும், சட்டமன்ற எதிர்க்கட்சித் தலைவருமான இரா, சிவா அவர்கள் புதுவை பேருந்து நிலையத்தில் இருந்து வீராங்கனைகளை வாழ்த்தி வழியனுப்பி வைத்தார்.

இந்த நிகழ்ச்சியின் போது, திமுக தலைமைப் பொதுக்குழு உறுப்பினர் எஸ். கோபால், தொகுதி செயலாளர் இரா. சக்திவேல் சங்க செயலாளர் சுந்தரமூர்த்தி, சங்க உறுப்பினர் அகிலன், மற்றும் இளைஞர் அணி தாமரைக்கண்ணன் ஆகியோர் பங்கேற்றனர்.

தமிழ்  இந்தியன்  எக்ஸ்பிரஸின்  அனைத்து செய்திகளையும் உடனுக்குடன்  டெலிகிராம்  ஆப்பில்  பெற https://t.me/ietamil