Virat-kohli | shubman-gill: இந்திய மண்ணில் சுற்றுப்பயணம் செய்து வரும் ஆப்கானிஸ்தான் கிரிக்கெட் அணி 3 போட்டிகள் கொண்ட டி20 தொடரில் பங்கேற்று விளையாடி வருகிறது. இதில், இவ்விரு அணிகள் மோதிய முதலாவது டி20 ஆட்டத்தில் இந்திய அணி 6 விக்கெட் வித்தியாசத்தில் வெற்றி பெற்றது.
இந்நிலையில், இந்தியா - ஆப்கானிஸ்தான் அணிகளுக்கு இடையிலான 2வது டி20 போட்டி மத்திய பிரதேசம் மாநிலம் இந்தூரில் உள்ள ஹோல்கர் கிரிக்கெட் ஸ்டேடியத்தில் நேற்று (ஞாயிற்றுக்கிழமை) இரவு 7 மணிக்கு தொடங்கி நடைபெற்றது. இதில் முதலில் பேட்டிங் ஆடிய ஆப்கானிஸ்தான அணி நிர்ணயிக்கப்பட்ட 20 ஓவர்கள் முடிவில் அனைத்து விக்கெட்டுகளையும் இழந்து 172 ரன்கள் எடுத்தது.
தொடர்ந்து, 173 ரன்கள் எடுத்தால் வெற்றி என்ற இலக்குடன் களம் இறங்கிய இந்திய அணி 15.4 ஓவர்களில் 4 விக்கெட்டை மட்டும் இழந்து 6 விக்கெட் வித்தியாசத்தில் அபார வெற்றி பெற்றது. இந்திய அணி தரப்பில் அதிரடியாக ஆடிய ஜெய்ஸ்வால் 68 ரன், ஷிவம் துபே 63 ரன் எடுத்தனர்.இந்த அசத்தல் வெற்றியின் மூலம் இந்திய அணி தொடரை கைப்பற்றி 2-0 என்ற கணக்கில் முன்னிலையில் உள்ளது.
குலுங்கிக் குலுங்கி சிரித்த கோலி, கில்
சொந்த மண்ணில் விராட் கோலி விளையாடும் போது ரசிகர்களை குஷிப்படுத்திக் கொண்டே இருப்பார். பேட்டிங், பந்துவீச்சு அல்லது பீல்டிங் என எதுவாக இருந்தாலும், அவர் எப்போதும் அனைவரின் கண்களிலும் ஆச்சரியத்தை ஏற்படுத்துவார். 2022ல் ஆஸ்திரேலியாவில் நடந்த டி20 உலகக் கோப்பைக்குப் பிறகு முதல்முறையாக டி20க்கு திரும்பிய கோலி, அதேபோல் நேற்றை ஆட்டத்திலும் விளையாடினர்.
களத்தில் அவர் அனலாக இருந்தார். பவுண்டரிகளை பறந்து பறந்து தடுத்தார். இந்தூரில் ஆப்கானிஸ்தானுக்கு எதிரான இரண்டாவது டி20 போட்டியில் அவர் லாங்-ஆனில் அசத்தலான கேட்சை பிடித்தும் அசத்தினார். அவர் பேட்டிங் செய்ய வேண்டிய நேரம் வந்தபோது, ஒரு பந்தில் இருந்து தாக்குப்பிடிக்க முடியும் என்பதை உலகுக்குக் காட்டினார். அது அவநம்பிக்கையான சூழ்நிலையில் இல்லாவிட்டாலும் கூட. 16 பந்துகளில் 29 ரன்கள் குவித்த அவரது விரைவான ஆட்டம் எந்த வகையிலும் மேட்ச்-வின்னிங் பங்களிப்பாக இல்லை, ஆனால் எதிர்காலத்தில் கோலியிடம் இருந்து இந்த வடிவத்தில் என்ன எதிர்பார்க்கலாம் என்பதை இது ஒரு பார்வையை அளித்தது.
கோலியின் அவுட் ஆகி இருந்தாலும், களத்திற்கு வெளியே டக்-அவுட்டில் இருந்து கொண்டு ரசிகர்களின் கவனம் ஈர்த்தார். முதலில், கேப்டன் ரோகித் சர்மாவின் அருகில் அமர்ந்திருந்தபோது, ஷிவம் துபே மற்றும் யஷஸ்வி ஜெய்ஸ்வால் அடித்த பிரம்மாண்டமான சிக்ஸர்களைப் பார்த்து வியந்தார். பின்னர் அவர் சுப்மன் கில், அர்ஷ்தீப் சிங், ரவி பிஹ்ஸ்னாய், அவேஷ் கான் மற்றும் குல்தீப் யாதவ் ஆகியோர் அமர்ந்திருந்த இளம் வீரர்கள் இருந்த இடத்தை நோக்கி சென்றார்.
பெரும்பாலான நேரங்களில், கோலி தான் பேசிக் கொண்டிருந்தார். ஜோக்குகளைக் கூறி அரட்டை அடித்து வந்தார். 16வது ஓவரில் இந்தியா வெற்றி ரன்களை எடுத்தபோது இந்திய டக்-அவுட்டின் அந்த பகுதியிலிருந்து சிறந்த ரீ-ஆக்சன் வந்தது. ஷிவம் துபே மற்றும் ரின்கு சிங் ஆகியோர் லெக் பைக்காக அலைந்தவுடன், கேமராக்கள் கோலியை நோக்கி திரும்பியது, அங்கு அவரும் கில்லும் முகத்தில் உள்ளங்கையுடன் காணப்பட்டனர், அர்ஷ்தீப்பால் சிரிப்பைக் கட்டுப்படுத்த முடியவில்லை.
வெற்றிக்குப் பிறகு அவர்களின் இந்த ரீ-ஆக்சன் நெட்டிசன்களை சிந்திக்க வைத்தது. துபே ஒரு சிக்சருடன் ஆட்டத்தை முடித்ததைப் பற்றி நட்பு ரீதியாக கேலி செய்திருக்கலாம் என்று சிலர் சுட்டிக்காட்டினர். ஆனால் போட்டியை ஒரு லெக் பையுடன் முடித்த பிறகு, டக்அவுட் அப்படித்தான் பதிலளித்தார்.
இந்தியா - ஆப்கானிஸ்தான் மோதும் மூன்றாவது மற்றும் கடைசி டி20 போட்டி பெங்களூரில் நாளை மறுநாள் புதன்கிழமை நடைபெறுகிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/LKLNTNWctdabYU4ZWkBs.jpg)